ىنتىماقتاستىق كەڭەسى ەو مەن قازاقستان اراسىنداعى كەڭەيتىلگەن ارىپتەستىك جانە ىنتىماقتاستىق تۋرالى كەلىسىمنىڭ تابىستى جۇزەگە اسىرىلۋىن قۇپتادى. ول ساۋدا جانە كەدەندىك رەتتەۋ، قورشاعان ورتا جانە كليماتتىڭ وزگەرۋى، ەنەرگەتيكا جانە جاسىل ەكونوميكا، سونداي-اق زاڭ ۇستەمدىگى مەن ءادىلسوت تورەلىگى سياقتى سالالاردى قامتيدى. ىنتىماقتاستىق كەڭەسى ەو مەن قازاقستان اراسىنداعى ءوزارا قارىم-قاتىناس پەن ىنتىماقتاستىقتى نىعايتۋعا، اتاپ ايتقاندا، ايماقتىق تۇراقتىلىق پەن دامۋدى قامتاماسىز ەتۋگە مۇددەلى ەكەندىگىن راستادى.

ىنتىماقتاستىق كەڭەسى سونداي-اق ساياسي، ءادىلسوت جانە ەكونوميكالىق رەفورمالار مەن ساۋدا-ەكونوميكالىق قاتىناستار سياقتى ەكى تاراپ ءۇشىن ماڭىزدى تاقىرىپتاردى تالقىلادى. كەزدەسۋدە ءتيىمدى باسقارۋ، ادام قۇقىقتارىن قورعاۋ جانە ازاماتتىق قوعاممەن ىنتىماقتاستىق ماسەلەلەرى قاراستىرىلدى. سونىمەن قاتار، تەرروريزمگە قارسى كۇرەس ءۇشىن قاجەتتى قاۋىپسىزدىك شارالارى ادام قۇقىقتارى مەن بوستاندىقتارىن قۇرمەتتەۋ تيىستىگى اتاپ ءوتىلدى.

ىنتىماقتاستىق كەڭەسى ورتالىق ازياداعى ايماقتىق ىنتىماقتاستىقتىڭ اعىمداعى وڭ جەتىكستىكتەرىن قۇپتادى. ەو ورتالىق ازيا ءۇشىن جاڭا ستراتەگياسىن 2019 جىلى قابىلدايتىنىن جاريالاپ، اتالعان ستراتەگيا ايماقتاعى وزگەرىپ جاتقان ساياسي جانە الەۋمەتتىك-ەكونوميكالىق وزگەرىستەردى ەسكەرەتىنىن مالىمدەدى. سونىمەن قاتار شەكارانى باسقارۋ، تەرروريزمگە جانە ەسىرتكى اينالىمىنا قارسى كۇرەس سەكىلدى ماسەلەلەردى قامتيتىن اۋعانستانعا قاتىستى ايماقتىق قاۋىپسىزدىك احۋالى دا تالقىلاندى. 

كەزدەسۋ قازاقستان رەسپۋبليكاسىنىڭ سىرتقى ىستەر ءمينيسترى قايرات ءابدىراحمانوۆتىڭ توراعالىعىمەن ءوتتى. ەو تاراپىن ءقازىر ەو كەڭەسىڭدە ءتوراعالىق ەتۋشى بولگاريانىڭ سوت رەفورماسى بويىنشا پرەمەر-مينيسترىنىڭ ورىنباسارى، سىرتقى ىستەر ءمينيسترى ەكاتەرينا زاحاريەۆا  باسقاردى.

ىنتىماقتاستىق كەڭەسى اياسىندا ەۋروپالىق وداقتىڭ جوعارعى وكىلى فەدەريكا موگەريني قازاقستان رەسپۋبليكاسىنىڭ سىرتقى ىستەر ءمينيسترى قايرات ابدىراحمانوۆپەن ەكىجاقتى كەزدەسۋ وتكىزدى. كەزدەسۋ بارىسىندا تاراپتار ەو-نىڭ ورتالىق ازياعا قاتىستى جاڭا ستراتەگياسىنىڭ كەلەشەگىندەگى ەكىجاقتى جانە ايماقتىق دامۋ ماسەلەلەرىن تالقىلادى. 

ايتا كەتسەك، استانادا، ەو پەن قازاقستان رەسپۋبليكاسىنىڭ اراسىنداعى كەڭەيتىلگەن ارىپتەستىك جانە ىنتىماقتاستىق تۋرالى كەلىسىمىنە (كاىك) 2015 جىلدىڭ 21 جەلتوقسانىندا قول قويىلدى.  كاىك-نىڭ نەگىزگى بولىمدەرى 2016 جىلدىڭ 1 مامىرىنان باستاپ ۋاقىتشا كۇشىنە ەنە باستادى. كەلىسىم 29 سالاداعى ىقپالداستىق اياسىن كەڭەيتىپ، ەو پەن قازاقستان اراسىنداعى ساۋدا-ەكونوميكالىق جانە ينۆەستيسيالىق، ەنەرگەتيكا، كولىك، قورشاعان ورتانى قورعاۋ جانە كليماتتىڭ وزگەرۋى، جۇمىسپەن قامتۋ، ەڭبەك قاتىناستارى،   مادەنيەت، ءبىلىم جانە عىلىمي زەرتتەۋ سالالارىنداعى ىقپالداستىققا جول اشتى. 1991-2014 جج. ارالىعىندا ەو قازاقستاندا جالپى سوماسى 180 ملن قۇرايتىن 350-دەن استام جوبانى تىكەلەي قارجىلاندىردى. بۇل جوبالار ق ر ۇكىمەتىنىڭ ءار ءتۇرلى مينيسترلىكتەرى،ۆەدومستۆولارى مەن كوميتەتتەرىنە ساياسي كەڭەس جانە تەحنيكالىق كومەككە باعىتتالدى.