وزبەكستاندا بىرنەشە كۇردەلى ماسەلە بار: ءبىرىنشىسى، وزبەكستاندا ۇزاق مەرزىمدە تۋۋ كورسەتكىشى بيىك كولەمدە. حالىقتىڭ تەز ءوسۋى الەۋمەتتىك شىعىنداردىڭ ءوسۋىن تالاپ ەتەدى، ال قارجى جوقتىڭ قاسى. كەلەسى فاكتور: بيىك دەڭگەيدەگى جۇمىسسىزدىق. وزبەك جۇرتشىلىعىنىڭ 3-5 ميلليونى رەسەيدە جانە قازاقستاندا جالشى - ەميگرانت قارا جۇمىسشى بولىپ ءجۇر. رەسەي مەن قازاقستاننان تاپقان تايانعانىنا وزبەك وتباسىلارىنا جىبەرىپ، ولار ۇن مەن وسىمدىك مايىن الىپ جۇرەك جالعاپ،ارزان توۆارلاردى كيىم-كەشەك رەتىندە تۇتىنىپ كەلەدى. وزبەكستان قازاقتارى اتا مەكەنگە قايتۋدا. وزبەكستاننىڭ بۇرىنعى باسشىسى – يسلام كاريموۆ جۇيەلى نارىقتىق رەفورمالاردى جاسامادى، وزبەكستاندا نەگىزىنەن رەفورمالار ستيحيالىق تۇردە ورنادى، ۇدايى تەجەلىپ وتىرىلدى،ءبىراق كاريموۆتىڭ وتباسى كوررۋپسيالىق جولمەن كوپ داۋلەتتى قارماپ قالدى. كاريموۆتىڭ وتباسى كوررۋپسيالىق ىستەرىمەن حالىققا سۇيكىمى كەتتى. بيلىككە كەلگەن ميرزياەيەۆ ءوز بيلىگىن نىعايتۋ ماقساتىمەن باسقا دامەلى ساياسي پەرسونالاردى باسقارۋشى توپتان ىسىرۋدا، قىلمىستىق ىستەر اشۋدا. ميرزياەيەۆ پوپۋليستىك ماقساتپەن ەسكى ساياساتتى سىناپ جاعدايدى وڭداماق. ءبىراق وزبەكستانعا رەفورمالار جاساۋعا ۋاقىت كەرەك، سول سياقتى قوماقتى قارجى كەرەك.ميرزياەيەۆتە نە قوسىمشا ۋاقىت، نە قوسىمشا قارجى جوق. وزبەكستان نەگىزىنەن مونوۇلتتىق مەملەكەت. ءبىراق از بولسا دا قالعان ورىستار مەن قازاقتار اتا مەكەنىنە كەتەدى. ەسەسىنە وزبەكستاننىڭ تاجىكتەرى سىرتقا كوشپەيدى، تەك ەڭبەك ەميگراسياسىنا كەتەدى.
بيلىك قادامدارى مەن ارەكەتتەرى. سەنارييلەر:
a) پاۋزا
b) تەست رەجيمى:ميرزياەيەۆتە حالىق ءۇمىتى مەن حالىق سەنىمى بار.سول سەنىمدى ول باس شەنەۋنىكتەردى الماستىرۋعا مەنشىكتى قايتا بولىسۋگە جۇمساپ جاتىر.
c) كونسەرۆاتيۆتىك قادامدار.يسلاميزممەن كۇرەسۋ.يسلامشىلدىقپەن كۇرەسۋ
d) پاللياتيۆتىك رەفورمالار
e) راديكالدىق ەكونوميكالىق، ساياسي جانە قۇقىقتىق رەفورمالاردىڭ باستالۋى
f) اقپاراتتىق تارتىستار.
بيلىكتىك جانە بەيرەسمي توپتاردىڭ قادامدارى مەن ارەكەتتەرى. سەنارييلەر:
a) پاۋزا-تولىق بويكۇەزدىك، ىمىرت بەلگىلەرى
b) تەست رەجيمى- “ەركىن ءباسپاسوزدىڭ” تارالىم الۋى- “جىلىمىق”
c) كونسەرۆاتيۆتىك قادامدار-حالىق ميرزيايەۆتى “قولداي باستاۋ” بەلگىلەرى-قولداۋ ميتينگتەرى. يسلاميزممەن كۇرەسۋ. يسلامشىلدىقپەن كۇرەسۋ
d) پاللياتيۆتىك رەفورمالار مەن “ءوش الۋ مەن جاڭا تاركىلەۋ كەزەڭى سۇيكىمسىز وليگارحتاردىڭ مۇلكى مەن داۋلەتى مەن قارجىلارىن يەمدەنۋ، بيلىك پەن داۋلەتتى قايتا ءبولىسۋ. جاڭا وليگارحتاردىڭ پايدا بولۋى”
e) راديكالدىق ەكونوميكالىق، ساياسي جانە قۇقىقتىق رەفورمالاردىڭ باستالۋى.
f) ازامات سوعىسىنىڭ قىلاڭ بەرۋى - وزبەكستاننان ەميگراسيانىڭ كۇرت ءوسۋى. كاپيتالدىڭ
وزبەكستاننان قاشۋى.
g) اقپاراتتىق تارتىستار
قازاقستان بيلىگىنىڭ وزبەكستانعا ساياساتى. بيلىك قادامدارى مەن ارەكەتتەرى. سەنارييلەر:
a) پاۋزا - اناليتيكالىق تالداۋ مەن باقىلاۋ كەزەڭى
b) تەست رەجيمى - قازاقستان مەن وزبەكستان بيلىگىنىڭ رەسمي جانە بەيرەسمي ارەكەتتەرى، پروبالىق قادامدار جانە رەاكسيا كۇتۋ.
c) كونسەرۆاتيۆتىك قادامدار- قازاقستان وزبەكستان بيلىگىنىڭ رەسمي جانە بەيرەسمي ميرزيايەۆتى “قولداي باستاۋ” بەلگىلەرى-قولايلى كەلىسىمشارتتار جاساسۋ. نازاربايەۆ وزبەكستانعا ءبىرقاتار ينيسياتيۆا جاسايدى. ميرزيايەۆتى استانادا كەرەمەت قىلىپ قابىلدايدى.
d) پاللياتيۆتىك رەفورمالار مەن “ءوش الۋ مەن جاڭا تاركىلەۋ كەزەڭى سۇيكىمسىز وليگارحتاردىڭ مۇلكى مەن داۋلەتى مەن قارجىلارىن يەمدەنۋ، بيلىك پەن داۋلەتتى قايتا ءبولىسۋ كەزەڭىندە جەكە وزبەك وليگارحتاردى، شەنەۋنىكتەردى قولداۋ جانە جاڭا وليگارحتاردى پايدالانۋ”
e) راديكالدىق ەكونوميكالىق، ساياسي جانە قۇقىقتىق رەفورمالاردىڭ باستالۋى.
f) ازامات سوعىسىنىڭ قىلاڭ بەرۋى- وزبەكستاننان ەميگراسيانىڭ كۇرت ءوسۋى.قازاقستانعا قاراقالپاق ەميگراسياسى وسەدى.كاپيتالدىڭ وزبەكستاننان رەسەي مەن قازاقستانعا قاشۋى.
g) اقپاراتتىق تارتىستار
ءازىمباي عالي
پىكىر قالدىرۋ