ق ر پرەزيدەنتى نۇرسۇلتان نازاربايەۆ پارلامەنت پالاتالارىنىڭ بىرلەسكەن وتىرىسىندا ءسوز سويلەۋ بارىسىندا الەۋمەتتىك جاڭعىرتۋعا باعىتتالعان بەس باستامانى اتاپ ءوتتى. بەسىنشى باستاما ەلدى گازبەن قامتاماسىز ەتۋدى جالعاستىرۋعا باعىتتالعان.

ق ر ەنەرگەتيكا مينيسترلىگىنىڭ گاز ونەركاسىبىن دامىتۋ دەپارتامەنتىنىڭ ديرەكتورى زياش قياقبايەۆ Primeminister.kz-كە بەرگەن ەكسكليۋزيۆتى سۇحباتىندا تاپسىرمالاردى ورىنداۋ بارىسى قالاي جۇرگىزىلەتىنىن جانە جاقىن ارادا قانداي ايماقتار گازبەن قامتاماسىز ەتىلەتىنىن ايتىپ بەردى.

— مەملەكەت باسشىسى پالاتالاردىڭ بىرلەسكەن وتىرىسىندا ەلىمىزدىڭ سولتۇستىك ءوڭىرىن ءبىر – ءبىر جارىم جىلدىڭ ىشىندە گازداندىرۋ تۋرالى تاپسىرما بەردى. جوبالاردى ىسكە اسىرۋ قانداي ساتىدا تۇر؟

— استانانى، ەلىمىزدىڭ ورتالىق جانە سولتۇستىك وڭىرلەرىن گازداندىرۋ ماقساتىندا گاز جانە گازبەن جابدىقتاۋ سالاسىنداعى ۇلتتىق وپەراتور «قازترانسگاز» اق «سارىارقا» ماگيسترالدى گاز قۇبىرىنىڭ قۇرىلىسى» جوباسىنىڭ تەن ازىرلەدى. وعان «مەمساراپتاما» رمك وڭ تۇجىرىم جاسادى.

قازىرگى تاڭدا «قازترانسگاز» اق 2018 جىلدىڭ ماۋسىم ايىندا مەملەكەتتىك ساراپتامادان وتكىزگەننەن كەيىن ىسكە قوسۋ جوسپارلانعان، جوبالىق-سمەتالىق قۇجاتتامانى ازىرلەپ جاتىر.

— بۇعان دەيىن استانا قالاسىن گازداندىرۋ ەققدب-دان الىناتىن قارىز قاراجاتى ەسەبىنەن باستالاتىنى تۋرالى حابارلانعان بولاتىن. جوبانى جۇزەگە اسىرۋدى باستاۋ ءۇشىن بارلىق قاجەتتى راسىمدەر جۇرگىزىلدى مە؟

— بۇگىندە مۇددەلى مەملەكەتتىك ورگاندار مەن ۇيىمداردىڭ قاتىسۋىمەن اتالعان جوبانىڭ 1-كەزەڭىن ىسكە اسىرۋعا قاتىستى ماسەلەلەردى پىسىقتاۋعا بايلانىستى، سونىڭ ىشىندە ەققدب، ەادب سەكىلدى حالىقارالىق قارجى ينستيتۋتتارىنان، سونىمەن قاتار قدب مەن باسقا دا كوزدەردەن قاراجات تارتۋ ارقىلى ءتيىستى شارتتار مەن قارجىلاندىرۋ سحەماسى بويىنشا جۇمىس توبى قۇرىلۋدا.

وسى جىلدىڭ ماۋسىم ايىنا دەيىن قارجىلاندىرۋ ماسەلەلەرىن شەشۋ جانە شىلدە ايىنىڭ باسىندا ماگيسترالدى گاز قۇبىرىنىڭ العاشقى تورابىن دانەكەرلەۋدىڭ سالتاناتتى ءراسىمىن وتكىزۋ جوسپارلانىپ وتىر.

— گاز قۇبىرىن سالۋدىڭ ناقتى مەرزىمىن اتاپ وتسەڭىز؟

— گاز جانە گازبەن جابدىقتاۋ سالاسىنداعى ۇلتتىق وپەراتور «قازترانسگاز» اق اقپاراتىنا سايكەس، جوبانى قارجىلاندىرۋ باستالعاننان كەيىن «قىزىلوردا – جەزقازعان – قاراعاندى – تەمىرتاۋ – استانا» باعىتى بويىنشا ماگيسترالدى گاز قۇبىرىنىڭ 1-كەزەڭى ءبىر جىل ىشىندە جۇزەگە اسىرىلادى دەپ كوزدەلگەن.

— جوبانىڭ بولجالدى قۇنى قانداي؟

— «سارىارقا» ماگيسترالدى گاز قۇبىرىنىڭ 1-كەزەڭىنىڭ قۇنى 267،3 ملرد تەڭگەنى قۇرايدى.

— گازداندىرۋ استانانىڭ ەكولوگياسىنا قالاي اسەر ەتەدى؟

— جوبانى جۇزەگە اسىرۋ جىل سايىن جەس – 1،2،3 سۋ جىلىتاتىن قازاندارىندا جاعىلاتىن كومىردىڭ ورنىن الماستىرۋ ارقىلى استانا ءۇشىن الەۋمەتتىك-ەكونوميكالىق جاعىنان پايدالى اسەرىن تيگىزەدى. قىسقارتۋدىڭ ىقپالى جىلىنا – 36،1 مىڭ توننا لاستاۋشى زاتتار شىعارىندىلارى (كۇكىرت ديوكسيدى، كومىرتەك توتىعى، ازوت ديوكسيدى، ازوت توتىعى، قاتتى بولشەكتەر) بولادى. سونداي-اق، حالىق كومىردىڭ ورنىنا تابيعي گازدى پايدالانۋدى ءجون سانايدى دەپ ەسەپتەيمىز، ويتكەنى گازدى وتىن رەتىندە پايدالانۋ – ەڭبەكتى از تالاپ ەتەدى ءارى سالىستىرمالى تۇردە ىڭعايلى.