2018 جىلى يۋنەسكو قاراماعىنداعى حالىقارالىق بالالار شىعارماشىلىعىنىڭ فەستيۆالى جاس سۋرەتشىلەرگە ءوز ەسىگىن «The Planet of ART» اتتى جاڭا ەسىمىمەن ايقارا اشادى. بۇرىنعىدان دا قىزىقتى وقيعالار مەن ماستەر-كلاستارعا تولى جوبانىڭ جاڭا سيكلى قازاقستان استاناسى - استانانىڭ 20 جىلدىعىن اتاپ وتۋگە ارنالعان جانە «رۋحاني جاڭعىرۋ» باعدارلاماسىنىڭ اياسىندا وتەدى. بيىلعى فەستيۆال ازيا-تىنىق مۇحيتى ايماعىنداعى 20-دان استام ەلدەردىڭ بەينەلەۋ، قولدانبالى جانە باسقا دا ونەر تۇرلەرىنىڭ 10 000-عا جۋىق جاس شەبەرلەرىن جيناۋعا ۋادە بەرەدى.

قازاقستان اۋماعىندا جارىس اعىمداعى جىلدىڭ 1 اقپانىنان 20 ساۋىرىنە دەيىگ وتەدى جانە 3-17 جاس ارالىعىنداعى بۇلدىرشىندەر مەن جەتكىنشەكتەردىڭ جۇمىستارىن قابىلدايدى. ورىنداۋ تەحنيكالارى ايتارلىقتاي كەڭ: «استانا – بەيبىتشىلىك قالاسى» تاقىرىبىندا ورىندالعان گرافيكا مەن قولدانبالى قولونەردەن شىعارماشىلىق سۋرەتكە ءتۇسىرۋ مەن 3D مودەلدەۋگە دەيىن. www.unescoclubs.kz سايتىندا بايقاۋ شارتتارىمەن تانىسا جانە ونلاين ءوتىنىمدى تولتىرا الاسىز.

1999 جىلى يۋنەسكو شەشىمى بويىنشا استانا «بەيبىتشىلىك قالاسى» اتاعىنا يە بولدى.

بايقاۋدىڭ قورىتىندىسى بويىنشا فەستيۆالدىڭ جەڭىمپازدارى انىقتالادى: ءاربىر قاتىسۋشى مەمەلەكەتتەن 5 ادام، قازاقستاننىڭ ءار وبلىسىنان جانە رەسپۋبليكالىق ماڭىزى بار الماتى مەن استانا قالالارىنان 5 ادام جەڭىمپاز اتانادى.

ءار ايماقتىڭ جەڭىمپازدارى ماۋسىم ايىندا استاناداعى جوبانىڭ فينالىنا شاقىرىلادى، وندا ولارعا بەلسەندىلىكتى تالاپ ەتەتىن ءبىلىم بەرۋ جانە مادەني باعدارلاما تانىستىرىلادى. بىرنەشە كۇن بويى ولار زاماناۋي شىعارماشىلىق، ءبىلىم بەرۋ، بەيبىتشىلىك مادەنيەتى مەن حالىقارالىق ورتا اتموسفەراسىنا باتادى. بالالار قازاقستان ەلورداسىنىڭ مەرەيتويىن تويلاۋ كەزىندە ءوز ەلدەرىنىڭ جاس ەلشىلەرىنە اينالادى.

سونىمەن قاتار، فەستيۆال اياسىندا كونكۋرستىڭ جەڭىمپازدارىن ماراپاتتاۋ سالتاناتى وتەدى جانە «The Planet of ART» البومدىق سەرياسىنىڭ «استانا – بەيبىتشىلىك قالاسى» تاقىرىپتاعى كىتابى كوپشىلىككە تانىستىرىلادى.

ۇيىمداستىرۋشىلاردىڭ ايتۋىنشا، كونكۋرس تەك الەۋمەتتىك ماقساتتا جۇزەگە اسىرىلادى جانە قاتىسۋ تەگىن. استانا قالاسىندا 150 جەڭىمپازدىڭ فينالعا كەلۋى دە تولىعىمەن بايقاۋ سەرىكتەستەرىنىڭ ەسەبىنەن تولەنەتىن بولادى.

ايتا كەتەرلىك جايت، «الەم بالالارى بەينەلەيدى» حالىقارالىق فەستيۆالى 1999 جىلى يۋنەسكو باس ديرەكتورىنىڭ ۇسىنۋىمەن تۋىندادى. قازاقستاندىق العاشقى البوم ەلباسىنىڭ العىسوزىمەن سيمۆوليكالىق تۇردە اشىلعان.

قازاقستان ايماعىندا ون جىلدان استام ۋاقىت ءساتتى جۇمىس جاساپ كەلگەن جارىس، 2010 جىلى «بالالار الەمدى بەينەلەيدى. ورتالىق ازيا» اتاۋىمەن ءوزىنىڭ

گەوگرافيالىق تارالىمىن ۇلعايتىپ، كورشىلەس ەلدەرىنىڭ بالالارىنا ءوز ويلارىن ونەر ارقىلى بەينەلەۋگە مۇمكىندىك بەردى. سونىڭ ارقاسىندا ءىس-شارا يۋنەسكو-نىڭ ورتالىق ازياداعى تۇراقتى پروگراممالارىنىڭ قاتارىنا ەنگىزىلدى. ناتيجەسىندە جوبا 2012 جىلى نيۋ-يورك قالاسىنداعى بۇۇ شتاب-پاتەرىندە تانىستىرىلدى.

2016 جىلى ازيا-تىنىق مۇحيتى دەڭگەيىنە كوتەرىلىپ، «بالالار الەمدى بەينەلەيدى. ازيا» جوباسى ءوز ءورىسىن كەڭەيتتى. بۇل قادامنىڭ ناتيجەسىندە بانگلادەش، ۆەتنام، ءۇندىستان، قازاقستان، جۇڭگو، كورەيا، قىرعىزستان، موڭعوليا، نەپال، رەسەي، تاجىكستان، تايلاند، تۇركمەنستان، وزبەكستان، جاپونيا جانە باسقا دا ەلدەردىڭ دارىندى جاستارى جوباعا قاتىسا الاتىن بولدى. فەستيۆال الماتى قالاسىنىڭ 1000-جىلدىعىنا ارنالىپ، اتالمىش جىلى المالار قالاسىنىڭ مەرەيتويىن تويلاۋ اياسىندا پاريج قالاسىنداعى يۋنەسكو شتاب-پاتەرىندە حالىقارالىق كوپشىلىكتىڭ نازارىنا تاعى دا ۇسىنىلدى.

دارىندى بالالار مەن جاستاردىڭ ودان دا كوپ سانىن قامتۋ ءۇشىن 2018 جىلى جوبا «بالالار الەم ىرعاعىندا» اتتى قازاقستاننىڭ شىعارماشىل جاستارىنىڭ فەستيۆالىمەن بىرىكتىرىلىپ، «The Planet of Art» جاڭا اتاۋىمەن دامۋدىڭ جاڭا كەزەڭىنە اياق باستى.

يۋنەسكو قاراماعىنداعى «The Planet of Art» حالىقارالىق فەستيۆالىن قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورىمەن بىرىگە وتىرىپ قازاقستاندىق ۇلتتىق يۋنەسكو كلۋبتارىنىڭ فەدەراسياسى ۇيىمداستىرادى. جوبا قازاقستان رەسپۋبليكاسى مادەنيەت جانە سپورت مينيسترلىگىنىڭ، ءبىلىم بەرۋ جانە عىلىم مينيسترلىگىنىڭ، سىرتقى ىستەر مينيسترلىگىنىڭ، قازاقستان رەسپۋبليكاسىنىڭ يۋنەسكو جانە يسەسكو ىستەرى جونىندەگى ۇلتتىق كومميسسياسىنىڭ، الماتىداعى يۋنەسكو كلاستەرلىك بيۋروسىنىڭ، استانا قالاسى اكىمدىگىنىڭ جانە ءبىرقاتار ءىرى كومپانيالاردىڭ قولداۋىمەن ىسكە اسىپ وتىر.