اقتوبە اكىمدىگى ماڭىندا بولعان اتىس سالدارىنان ءبىر ادام زارداپ شەكتى.
Instagram جەلىسىندەگى aktobe_zello پاراقشاسى وقيعانىڭ 11 ناۋرىزدا اقتوبە وبلىستىق اكىمدىگىنىڭ اينالاسىندا بولعانىن جازدى. وقيعا ورنىنا جەدەل جاردەم كولىگى مەن پوليسەي قىزمەتكەرلەرى كەلىپ، اباي بۋلۆارىنا وتەتىن جول جابىلعان.
«موي گورود» پورتالىنىڭ مالىمەتىنە سۇيەنسەك، ەر ادامنىڭ ءبىرى ەكىنشىسىنە وق اتقان. جارالانعان ادام دەرەۋ اۋرۋحاناعا جەتكىزىلدى. ال وق اتقاندى پوليسەي قىزمەتكەرلەرى ىزدەستىرىپ جاتىر.
اقتوبە وبلىسى ءىىد مالىمەتىنشە، وق تراۆماتيكالىق قارۋدان اتىلعان. وزگە دەرەكتەر ءالى ايتىلمادى.
پىكىر قالدىرۋ