«نۇر وتان» پارتياسى شىعىس قازاقستان وبلىسىنداعى تابيعات اپاتىنان زارداپ شەككەن جاندارعا العاشقىلاردىڭ ءبىرى بولىپ كومەككە كەلدى. تاسقىن مەن نوسەر جاۋىن سالدارىنان 140 جەكە ءۇي، 180 اۋلا جانە 110 ساياجايدى سۋ باسىپ قالعان. شامامەن 400-گە جۋىق جەرگىلىكتى تۇرعىن ءقاۋىپسىز جەرگە كوشىرىلدى.
شىعىس قازاقستان وبلىستىق توتەنشە جاعدايلار دەپارتامەنتىنىڭ مالىمەتىنە سۇيەنسەك، ءدال قازىرگى تاڭدا تاسقىن سۋ كەرى قايتا باستاعان. سوعان وراي حالىق تا ءوز ۇيلەرىنە ورالۋدا. دەگەنمەن، ءۇي-جايلارعا ايتارلىقتاي زالال كەلگەنىن اتاپ وتكەن ءجون.
وسىعان بايلانىستى «نۇر وتان» پارتياسىنىڭ شىعىس قازاقستان وبلىستىق فيليالى جىلى كيىمدەر، رەزىڭكە ەتىكتەر، بۇزىلمايتىن ازىق-تۇلىك جانە تاعى باسقا گۋمانيتارلىق كومەكتەر قابىلدايتىن ارنايى 5 پۋنكت اشتى. اتالعان قابىلداۋ نۇكتەلەرى مىنا مەكەنجايلاردا ورنالاسقان:
- وسكەمەن ق.، «نۇر وتان» پارتياسى شىعىس قازاقستان وبلىستىق فيليالىنىڭ عيماراتى، ق.قايسەنوۆ كوش.، 121؛
- وسكەمەن ق.، «جاس وتان» جاستار قاناتىنىڭ قالالىق ءبولىمى، اۋەزوۆ كوش.، 5؛
- وسكەمەن ق.، وبلىستىق جاستار ورتالىعى، پوتانين كوش.، 37؛
- سەمەي ق.، «نۇر وتان» پارتياسى قالالىق فيليالىنىڭ عيماراتى، ءشايجۇنىسوۆ كوش.، 138؛
- اياگوز ق.، «نۇر وتان» پارتياسى اۋداندىق فيليالىنىڭ عيماراتى، ح.دۇيسەنوۆ كوش.، 104.
سۋ تاسقىنىنان زارداپ شەككەن اياگوز قالاسىنىڭ تۇرعىندارىنا مىنا ەسەپشوت ارقىلى قارجىلاي كومەك كورسەتۋگە بولادى:
«بولاشاق اياگوز» قق
بين 110740000641
بيك KZKOKZKX
كبە 18
اعىمداعى ەسەپشوت ءنومىرى KZ279260301178000004 KZT «كازكوممەرسبانك» اق بولىمشەسى.
«نۇر وتان» پارتياسى شىعىس قازاقستان وبلىستىق فيليالىنىڭ مالىمەتى بويىنشا زارداپ شەككەندەرگە گۋمانيتارلىق كومەكتەر كەشە كەلىپ تۇسە باستاعان. اتالعان اكسياعا ءقازىردىڭ وزىندە اتىراۋ، ماڭعىستاۋ جانە اقتوبە وبلىستارىنىڭ فيليالدارى اتسالىسىپ ۇلگەردى.
پىكىر قالدىرۋ