سوت-مەديسينالىق ساراپتاماسى وقو سارىاعاش اۋدانى اباي اۋلىنىڭ 1-سىنىپ وقۋشىسىنا قاتىستى  زورلىق ارەكەتەرىنە  ۇشىراۋ فاكتىسىن انىقتاعان جوق. وڭتۇستىك قازاقستان وبلىسىنىڭ سوت ساراپشىلارى بالانىڭ دەنەسىنەن ەشقانداي زاقىمنىڭ ىزدەرىن تاپپاعان دەپ حابارلايدى. Qamshy.kz اقپارات اگەنتتىگى Sputnik كازاحستان-عا سىلتەمە بەرىپ.

ايتا كەتەيىك، وقو اباي اۋلىنىڭ 62 جاستاعى تۇرعىنى ءوزىنىڭ قاراۋىنداعى ءبىرىنشى سىنىپ وقۋشىسىنىڭ سەكسۋالدى زورلىققا ۇشىراعانىن حابارلاعان. 12 قاڭتاردا ول نەمەرەسىن  13 جاستاعى مەكتەپ وقۋشىسى زورلادى دەگەن شاعىممەن پوليسيا ارىزدانعان.

  «بىلتىرعى جىلدىڭ تامىزىندا بالانىڭ اپاسى ءاىىب-عا بارىپ نەمەرەسىنىڭ سوققىعا جىعىلعانىن ايتقان. الايدا قىزمەتكەرلەر جالعان اقپارات تاراتۋدىڭ جاۋاپكەرشىلىككە الىپ كەلەتىنىن ەسكەرتكەن سوڭ، ايەل ءوزىنىڭ ارىزىن قايتىپ العان. كەيىننەن 12 اقپاندا بالانىڭ اپاسى تاعى ءبىر رەت ارىز جازىپ،  مەكتەپتىڭ 6،7 سىنىپ وقۋشىلارى (باۋىرلار) ونىڭ نەمەرەسىن زورلاعانىن ايتقان. وسىدان كەيىن تەرگەۋ ارەكەتتەرى ءجۇرىپ، ارنايى كوميسسيا قۇرىلعان»،-دەيدى سارىاعاش اۋدانى ءبىلىم ءبولىمىنىڭ ءتوراعاسى باۋىرجان مايريحوۆ.

ول بالانىڭ اپاسىنىڭ سوزدەرىن تەكسەرۋ ماقساتىندا مەكتەپتەگى ساباقتار كەستەسىن، ۆيدەو باقىلاۋلاردى كورىپ، مەكتەپ ديرەكتورىمەن جينالىس وتكىزگەن. الايدا ب. مايريحوۆ ونىڭ سوزدەرىن شىندىققا جاناسىمدى ەمەس ەكەنىن العا تارتىپ وتىر.

سونىمەن بىرە ب.مايريحوۆ  مەكتەپتىڭ جوعارعى سىنىپ وقۋشىلارى 62 جاستاعى ايەلدى سوتقا بەرمەكشى بولىپ جاتقانىن اتاپ ءوتتى. ءتىپتى، وسى جاعدايعا بايلانىستى قاتتى الاڭداپ، تولقىعان وقۋشىلاردىڭ ءبىرىنىڭ اكەسى وسىدان بىرنەشە كۇن بۇرىن كوز جۇمعان.