اقتوبە وبلىسىنىڭ تجد باستىعى باۋىرجان سىزدىقوۆ قاۋىپسىزدىكتى قامتاماسىز ەتۋ تۋرالى ايتتى. اقتوبە سۋ قويماسىنداعى №1 قۇتقارۋ ستانسياسىنا بارعان كەزدە ءوڭىردىڭ باس قۇتقارۋشىسى 181 اقتوبە وبلىسىنىڭ ازاماتتىق قورعاۋ قىزمەتى قۇرىلعانىن اتاپ ءوتتى.

«كورشى وبلىستاردا: بقو، قوستاناي جانە قىزىلوردا وبلىستارىندا احۋال كۇردەلەنگەن كەزدە دەپارتامەنت بولىمشەسى كومەك كورسەتۋگە دايىن. ول ءۇشىن جەكە قۇرامنىڭ 28 ادامى، 8 بىرلىك تەحنيكا مەن 3 قايىق دايىندالدى»، - دەپ ايتتى اقتوبە وبلىسىنىڭ تجد باستىعى.

اقتوبە وبلىسىنداعى جاعداي ۋشىققان كەزدە باسقا وڭىرلەردەن 227 ادامى بار جەكە قۇرام، 35 بىرلىك تەحنيكا مەن 12 ءجۇزۋ قۇرالى مولشەرىندە كومەك كەلەدى دەپ كۇتىلۋدە.

«كۇشتەردىڭ كەلۋى ءبىرىنشى ەشالون 102 ادام، 15 بىرلىك تەحنيكا مەن 6 ءجۇزۋ قۇرالى، ەكىنشى ەشالون جەكە قۇرامى 125 ادام  20 بىرلىك تەحنيكا جانە 6 ءجۇزۋ قۇرالى مولشەرىندە بولاتىن ەكى ەشالونمەن ىسكە اسىرىلادى»،- دەپ ءسوزىن جالعاستىردى باۋىرجان سىزدىقوۆ.

سونداي-اق، ول 181 قۇرىلىمدا جەكە قۇرامى 2177 ادام ەكەنىن، ولار 584 بىرلىك تەحنيكامەن، سونىڭ ىشىندە، 200 بىرلىك سۋ ايدايتىن تەحنيكامەن، 149 موتوپومپامەن جانە 105 موتورلى قايىقپەن جابدىقتالعان.

«ودان باسقا ق ر ءىىم بۇيرىعىنا سايكەس 346 ادام مەن 45 بىرلىك تەحنيكا كولەمىندە قوسىمشا كۇشتەر مەن قۇرالدار تارتۋ كوزدەلگەن. ىشكى ىستەر دەپارتامەنتىنەن 286 ادام، 41 بىرلىك تەحنيكا جانە ۇلتتىق ۇلاننىڭ 6655 اسكەري بولىمىنەن 60 ادام، 4 بىرلىك تەحنيكا كۇتىلۋدە»، - دەپ تولىقتىردى اقتوبە وبلىسىنىڭ تجد باستىعى.

بۇدان بۇرىن اقتوبە وبلىسىنىڭ سۋ باسۋى مۇمكىن ايماعىنا 43 ەلدى-مەكەن كىرەتىنى، وندا 12580 ادام تۇراتىنى ايتىلعان بولاتىن. ولار ءۇشىن جالپى سىيىمدىلىعى 14797 ادام بولاتىن 90 ۋاقىتشا ورنالاستىرۋ پۋنكتتەرى الدىن-الا بەلگىلەندى. ازىق-تۇلىكپەن، ىستىق تاماقپەن جانە كيىممەن ۇزدىكسىز قامتاماسىز ەتۋ بويىنشا 157 شارت جاسالدى. 82 شاتىر، 3 مىڭنان استام كەرەۋەت، 300 مىڭنان استام توسەك جابدىقتارى دايىندالدى.