الماتىدا «ناۋرىز-2018» ءبىر اي بويىنا، ياعني 15 ناۋرىزدان 25 ءساۋىر ارالىعىندا مەرەكەلەنىپ، ونىڭ بارىسىندا 148 شارا وتەدى. بۇل جايىندا الماتى قالاسى اكىمدىگىنىڭ رەسمي سايتىندا حابارلاندى.

23-25 ناۋرىز ارالىعىندا قالانىڭ بارلىق اۋداندارىنىڭ نەگىزگى كوسەرتتىك الاڭدارىندا مەرەكەلىك شارالار ۇيىمداستىرىلادى. جىبەك جولى، پانفيلوۆ كوشەلەرى مەن «استانا» الاڭىندا، «Almaty Arena» كەشەنىنىڭ، ALMATY ART CENTER بۋلۆارىنىڭ، «اتلەتتەر اۋىلىنىڭ» ماڭىنداعى الاڭداردا، ورتالىق مادەنيەت جانە دەمالىس ساياباعىندا، قازگوسيركتە، الاتاۋ، اۋەزوۆ، ناۋرىزباي اۋداندارى اكىمدىكتەرىنىڭ عيماراتتارى الدىنداعى الاڭداردا، بوستاندىق اۋدانىنداعى «مەگا الماتى» وسو، جەتىسۋ اۋدانىنداعى «گۇلدەر» پاركىندە، تۇركسىب اۋدانىنداعى «Mart» وسو جانە باسقا دا جەرلەردە مەرەكە كەڭىنەن اتالادى.

مەرەكە بارىسىندا سپورتتىق، مادەني - بۇقارالىق شارالار، جاستار اكسيالارى، كورمەلەر مەن كونسەرتتەر ۇيىمداستىرىلادى.