«جاس وتان» جاستار اراسىندا «ەلباسىنىڭ 5 باستاماسى» تاقىرىبىندا رەسپۋبليكالىق ۆيدەو-بايقاۋ جاريالايدى.
جاقىندا ق ر پارلامەنتى پالاتالارىنىڭ وتىرىسىندا ەلباسى 5 الەۋمەتتىك باستاما كوتەردى. قازاقستاندىقتاردىڭ الەۋمەتتىك جاعدايىن جاقسارتۋعا ارنالعان ماڭىزدى باستامالاردى حالىق اراسىندا، اسىرەسە جاستارعا ءتۇسىندىرۋ ماڭىزدى.
بايقاۋ 14 ناۋرىز-4 مامىر ارالىعىندا وتەدى، جەڭىمپازدار الەۋمەتتىك جەلىدە قولداۋ تاپقان ۇزدىك 10 جۇمىستىڭ ىشىنەن ارنايى قازىلار القاسىمەن انىقتالادى. ۆيدەولار MP4، MPEG، AVI سيفرلىق فورماتىندا 1-5 مينۋت حرونومەتراجدا قابىلدانادى. بايقاۋعا 16 جاسقا تولعان كەز كەلگەن قازاقستاندىق قاتىسا الادى.
ناتيجەسىندە جەڭىمپازدارعا باعالى سىيلىقتار تابىستالادى (Canon 7d Mark فوتوكامەراسى، BestableCam Horizon H6 ەلەكتروندى ستەديكام، DJI Osmo كامەراسى، GoPRo HERO5 4K ەكشن-كامەراسى).
بايقاۋ ارقىلى جاستار ۇيىمى جاس ازاماتتار اراسىنان ساياساتقا دەگەن ەرەكشە، كرەاتيۆتى كوزقاراستى بايقاپ قانا قويماي، مەملەكەتتىك ساياسات پەن رەفورمالار تۋرالى ويلارىن ءبىلىپ، وزدەرىنىڭ ازاماتتىق ۇستانىمىن بىلدىرۋگە ىنتالاندىرۋدى كوزدەيدى.
دانيار سۇندەتبايەۆ، «جاس وتان» جاستار قاناتىنىڭ ءتوراعاسى:
«بايقاۋدى ۇيىمداستىرۋ ارقىلى قوعامنىڭ ەلباسىمىز ۇسىنعان 5 الەۋمەتتىك باستاماسىمەن تانىسۋعا، تۇرعىن ءۇي ماسەلەسىندەگى جەڭىلدىكتەردى، ءبىلىم الۋ سالاسىنداعى مۇمكىندىكتەردى، سالىق تولەۋ ەرەكشەلىكتەرى، شاعىن جانە ورتا بيزنەستەگى قىر سىرلارمەن تانىسۋعا مۇمكىندىك بەرەمىز. جاستاردىڭ قىزىعۋشىلىقتارى ءار ءتۇرلى. ءبىز ءۇشىن ءار باستامانى ءوزىمىزدىڭ ەلەگىمىزدەن وتكىزىپ، جاستار تىلىندە ءتۇسىندىرۋ وڭايىراق. سونداي-اق، بايقاۋ جاس تالانتتاردىڭ شىعارماشىلىق پوتەنسيالىن ارتتىرىپ قانا قويماي، باسەكەلەستىككە، سايىسقا تۇسۋگە ۇيرەتەدى، جاس تالانتتاردى حالىققا تانىستىرامىز. ۆيدەو سالاسىن بولاشاق كاسىبى رەتىندە كورەتىن جاستارعا باعالى تەحنيكا سىيلاۋ ارقىلى ولاردىڭ ءوز كاسىبىن جەتىلدىرۋلەرىنە جول اشامىز. ال ءبىز تاڭداعان تاقىرىپ قوعامداعى الەۋمەتتىك جاۋاپكەرشىلىكتى ارتتىرۋعا كومەكتەسەدى».
ۇزدىك جۇمىستاردى انىقتايتىن ارنايى قۇرىلعان ءادىل قازىلار قۇرامىندا تەلەجۇرگىزۋشى، جۋرناليست اسحات سادىرباي، تانىمال ۆاينەر، اكتەرلەر اقسۇلتان قالييەۆ جانە عاني اجيكەنوۆ بار.
سونداي-اق، بۇگىننەن باستاپ ەلىمىزدىڭ ءبىرقاتار وبلىستارىندا كورىسۋ كۇنى تويلانادى.
