بۇل تۋرالى الماتى قالاسى وڭىرلىك كوممۋنيكاسيالار قىزمەتىندە قالالىق دەنە شىنىقتىرۋ جانە سپورت باسقارماسىنىڭ باسشىسى ءابىل دوڭبايەۆ مالىمدەدى، دەپ جازادى Qamshy.kz اقپارات اگەنتتىگى.
ونىڭ سوزىنە سۇيەنسەك، 2017 جىلدىڭ ناتيجەلەرى بويىنشا 3 172 ءتۇرلى سپورتتىق بۇقارالىق شارالار وتكىزىلگەن، ولاردىڭ ىشىندە چەمپيوناتتار، ءتۇرلى سپورت تۇرىنەن بىرىنشىلىكتەر، بارلىق قالا تۇرعىندارىن قامتيتىن جارىستار مەن سپارتاكيادالار جانە تاعى دا باسقالارى.
"قازىرگى تاڭدا، سپورتپەن ءشۇعىلدانۋشىلار سانى 536 390 ادام نەمەسە جالپى تۇرعىندار سانىنىڭ 30% قۇرايدى"، - دەپ اتاپ ءوتتى باسقارما باسشىسى.
ەلباسىمىزدىڭ قولداۋىمەن وسى جىلى ءدۇبىرلى سپورتتىق وقيعالاردىڭ ءبىرى 2017 جىلى قاڭتاردىڭ 29-ى مەن اقپاننىڭ 8ء-ى ارالىعىندا 28ء-شى بۇكىلالەمدىك قىسقى ۋنيۆەرسيادا الماتىدا ءوتتى. بۇل ەل تاريحىنداعى ەڭ اۋقىمدى سپورتتىق دودالاردىڭ ءبىرى دە بىرەگەيى بولدى.
ۋنيۆەرسيادا جارىستارىندا 12 سپورت تۇرىنەن (بياتلون، تاۋ شاڭعى سپورتى، كورلينگ، كونكيمەن جۇگىرۋ سپورتى، شاڭعى قوسسايىسى، شاڭعى جارىسى، شاڭعىمەن تۇعىردان سەكىرىس، سنوۋبورد، مانەرلەپ سىرعاناۋ، شايبالى حوككەي، فريستايل، شورت-ترەك).
الماتىدا وتكەن ەلەۋلى وقيعا – ۋنيۆەرسياداعا 57 مەملەكەتتەن كەلگەن ب ا ق سىناستى. بۇل قىسقى ۋنيۆەرسيادا تاريحىنداعى ەڭ جوعارعى كورسەتكىش بولىپ تابىلادى. قاتىسۋشىلاردىڭ جالپى سانى 2498 ادام: 1631 سپورتشى، 867 رەسمي تۇلعالار (دەلەگاسيا باسشىلارى، باپكەرلەر، مەديسينا قىزمەتكەرلەرى، ب ا ق).
جالپى، الماتىدا 117 سپورت ءتۇرى دامىپ كەلەدى. ولاردىڭ: 38ء-ى – جازعى وليمپيادا سپورت تۇرلەرى، 12ء-سى – قىسقى وليمپيادا سپورت تۇرلەرى جانە 67 ء-سى – وليمپيدالىق ەمەس سپورت تۇرلەرى. سونىمەن قاتار، الماتى قۇراماسىنىڭ رەسپۋبليكالىق كەشەندى شارالاردا كورسەتكەن ناتيجەلەرىن اتاپ وتكىم كەلەدى: وسى جىلى الماتى كومانداسى IV جاستار ويىندارىندا ءبىرىنىشى ورىندى يەلەنسە، سونداي-اق، 2016 جىلى مەكتەپ جانە كوللەدج وقۋشىلارى اراسىندا وتكەن سپارتاكيادادا جالپىكوماندالىق ەسەپتە جەڭىس تۇعىرىنان كورىندى.
سونىمەن قاتار، الماتى قۇراماسى جالپىكوماندالىق ەسەپتە 571 ۇپاي جيناپ، IV قىسقى رەسپۋبليكالىق سپارتاكيادادا ءبىرىنشى ورىندى يەلەنگەن. ال بيىل باسقارما ۇلتتىق تاڭداۋىنىڭ ناتيجەسىندە 75 865 داۋىس جيناپ "ۇزدىك سپورتتىق ءوڭىر" اتاندى.
