الماتى وبلىسىنىڭ اكىمى ا. باتالوۆ تۇرعىندار الدىنداعى ەسەپتى جيىندا وبلىستا ءارقايسىسى 100 باسقا ارنالعان 350 وتباسىلىق ءسۇت-تاۋارلى فەرماسى قۇرىلسا، سونىڭ 50ء-ى 2018 جىلعا جوسپارلانعانىن، بۇل فەرمالاردان جىلىنا ورتا ەسەپپەن 5 مىڭ كگ. ءسۇت الىناتىنىن، سونىڭ ارقاسىندا بيىلعى جىلى ءسۇت ءوندىرۋ 3 ەسەگە دەيىن ءوسىپ، وڭدەۋ دەڭگەيى 43%-كە جەتەتىنىن، جانە ءسۇت زاۋىتتارىنىڭ جۇكتەمەسىن تولىق قامتۋعا مۇمكىندىك بولاتىنىن ايتقان ەدى. بۇگىندە تالدىقورعانداعى «JLC ءسۇت » ءسۇت زاۋىتىن شيكىزاتپەن قامتۋعا ۇلەس قوسىپ وتىرعان قاراتال اۋدانىنداعى «تاستوبە اگروفۋد» جشس-نىڭ جۇمىسى سونىڭ ءبىر ايعاعىنداي.

قاراتال اۋدانىنداعى «تاستوبە اگروفۋد» ج ش س كەشەنى - تاۋەلسىزدىكتىڭ 25 جىلدىعىنا ارناپ اشىلعان ماڭىزدى نىسانداردىڭ ءبىرى.

2015 جىلدان بەرى ىسكە قوسىلعان سەرىكتەستىكتىڭ يەلىگىندە بۇگىندە 700-دەي اسىل تۇقىمدى ءىرى قارا بار. مۇنداعى 410 انالىق باستان تاۋلىگىنە 6 توننادان استام ءسۇت الىنادى. مۇنداعى ءسۇت مايلىلىعىنىڭ ۇلەسى جوعارى دەڭگەيدە، ياعني 4،3 پايىزدى قۇرايدى. سوندىقتان دا بولار، شارۋاشىلىق سۇتىنە دەگەن سۇراسىن جوعارى.

ج ش س جەتەكشىسى شىڭعىس احمەتوۆتىڭ ايتۋىنشا، سيفرلاندىرۋ تالابىنا وراي مۇندا جۇمىستىڭ دەنى اۆتوماتتاندىرىلعان جۇيەدە اتقارىلادى. مۇنداعى ءار ساۋىنشى نەمىس تەحنولوگياسىمەن ءبىر مەزەتتە ارنايى اپپاراتتاردىڭ كومەگىمەن 24 سيىر ساۋا الادى جانە مال مەن جالپى جۇمىس پروسەسىنىڭ بارلىق دەرەكتەرى «Dairy plan» جۇيەسىندە ساقتالادى. شارۋاشىلىقتا 65 ادام جۇمىس ىستەسە، بۇگىندە دەيىن جۇمىسشىلارعا ارناپ سەرىكتەستىك بازاسىندا 15 تۇرعىن ءۇي سالعان.

سونىمەن قاتار، "تاستوبە اگروفۋد" جشس-دە شۆەيساريالىق سيىرلار تاۋلىگىنە 1،5 تونناعا دەيىن ءسۇت بەرەدى. جوسپاردا ونى 8 تونناعا دەيىن جەتكىزۋ كوزدەلگەن. ساۋىلعان ءسۇت تۇگەلىمەن ءسۇت ونىمدەرىن شىعاراتىن «ۇشتوبە ايدىن» جشس-عا جىبەرىلەدى. سونىڭ ناتيجەسىندە ءسۇت ءوندىرىسىنىڭ اۋدانداعى كوشباسشىسى ءونىم ءتۇرىن كوبەيتىپ، ساپاسىن ارتتىرۋعا مۇمكىندىك الدى. - ءسۇت كەشەنىن اشۋ - اۋدانىمىز ءۇشىن ايتۋلى وقيعا. كەشەن مالدىڭ جوعارى ونىمدىلىگىمەن، مالدى باپتاۋعا جاسالعان قولايلى جاعدايىمەن، جاڭا تەحنولوگيانى ەنگىزۋىمەن ەرەكشەلەنەدى.

اتاپ وتسەك، ج ش س الداعى ۋاقىتتا ءىرى قارا باسىن تاعى 500-گە كوبەيتىپ، جۇمىسشىلار سانىن ارتتىرۋدى دا جوسپارلانىپ وتىر. قاراساي اۋدانىندا 750 باسقا ارنالعان جوعارى ونىمدىلىكتى ءسۇت-تاۋارلى فەرما جانە «مەدەۋ كوممەرس» جشس-نىڭ پروگرەسسيۆتى تەحنولوگيا نەگىزىندە قۋاتتىلىعى جىلىنا 5 مىڭ توننا بولاتىن ءسۇت وڭدەۋ سەحى ىسكە قوسىلعان.