«نۇر وتان» پارتياسى تالدىقورعان قالالىق فيليالىنىڭ  ۇيىمداستىرۋىمەن  قالالىق ءماسليحاتتاعى «نۇر وتان» دەپۋتاتتىق فراكسياسىنىڭ كەزەكتى وتىرىسى ءوتتى. ەلباسى ن.نازاربايەۆتىڭ حالىققا ارناعان جولداۋى مەن  5 الەۋمەتتىك باستامانى جۇزەگە اسىرۋ  مەن ورىنداۋ بارىسى كۇن تارتىبىنە قويىلدى.قالاداعى جوعارى، ارنايى وقۋ ورىندارىنداعى كاسىپتىك مامانداردى دايىنداۋ،  جاتاقحانا ماسەلەسى  جاۋاپتى مامانداردىڭ ەسەبى تىڭدالدى.

سونداي-اق، «نۇرلى جول»، «نۇرلى جەر» مەملەكەتتىك  باعدارلامالاردىڭ جۇزەگە اسىرىلۋى تۋراسىندا قالالىق قۇرىلىس وكىلدەرى باياندادى.

جالپى، تالدىقورعاندا «نۇرلى جەر» باعدارلاماسى اياسىندا كوپقاباتتى 11 ءۇي پايدالانۋعا بەرىلەدى. اۋماعى 83 مىڭ شارشى مەتر باسپانانىڭ قۇرىلىسى شاھاردىڭ وڭتۇستىك-باتىس جانە شىعىس اۋداندارىندا ءجۇرىپ جاتىر. 2017 جىلدىڭ وزىندە اتالعان باعدارلاما بويىنشا 336  پاتەرلى ەكى ءۇي پايدالانۋعا  بەرىلدى. 55 پاتەرلى كوممۋنالدىق جانە 3 نەسيەلىك ءۇي قولدانىسقا ءوتتى.

كەزەك سانىن ازايتۋعا جاڭا كوتتەدج قالاشىعىنىڭ دا سەبى تيمەك. ونىڭ ينفراقۇرىلىمى تارتىلىپ، جەرى دايىن تۇر. باس-اياعى  607 ءۇي سالىنادى.