تاعى دا تاسقىن. شقو-دا 40-تان استام ءۇيدى سۋ باستى (فوتو، ۆيدەو)

/uploads/thumbnail/20180323235130023_small.jpg

شقو-دا وسكەمەننەن سەمەيگە باراتىن تاس جولدى سۋ الدى. گلۋبوكوە اۋدانىندا ەكى وزەن ارناسىنان اسىپ كەتكەن. وبلىس ورتالىعىندا 75 اۋلا سۋ استىندا قالعان، دەپ جازادى Qamshy.kz اقپارات اگەنتتىگى.

شقو توتەنشە جاعدايلار دەپارتامەنتىنىڭ حابارلاۋىنشا، گلۋبوكوە اۋدانىنداعى پروگرەسس اۋىلىندا 25 تۇرعىن، 10 ءىرى قارا مەن 20 ۇساق مال ءقاۋىپسىز جەرگە كوشىرىلدى. ادامدار اۋىل مەكتەبىنە جانە تۋىستارىنىڭ ۇيلەرىنە ورنالاستىرىلدى.

شقو-داعى سۋ تاسقىنى

وسى اۋدانداعى تارحانكا اۋىلىندا اۋداندىق تجد قىزمەتكەرلەرى جەرگىلىكتى اتقارۋشى ورگاندارمەن بىرلەسە وتىرىپ، اۋىلدى امان الىپ قالۋعا جانتالاسىپ جاتىر. مۇندا ەكى وزەن ەرنەۋىنەن اسىپ كەتكەن.

ال وسكەمەن – سەمەي تاس جولىنىڭ 29-شاقىرىمىندا شامامەن 50 مەتردەي جول توسەمىن سۋ العان. وقيعا ورنىندا جول جوندەۋ كاسىپورنى جۇمىس ىستەۋدە.

وسكەمەن قالاسىندا 32 ءۇي مەن 75 اۋلا سۋ استىندا قالعان.

شقو-داعى سۋ تاسقىنى

داعدارىس ورتالىعىندا قۇتقارۋشى بولىمشەلەردىڭ جۇمىسىن جەدەل شتاب ۇيلەستىرىپ وتىر.

«سۋ تاسقىنى بويىنشا «112» جانە «138» تەلەفوندارى ارقىلى حابار بەرۋگە بولادى. سونداي-اق قۇجاتتاردى، قاجەتتى زاتتاردى جانە ازىق-تۇلىكتى دايىنداپ قويىڭىزدار. سۋ ۇيگە جاقىنداعان جاعدايدا ەلەكتر ەنەرگياسىن ءوشىرىپ، ءقاۋىپسىز جەردە كومەك كۇتۋگە كەڭەس بەرەمىز»، – دەلىنگەن شقو تجد تاراتقان حابارلامادا.

پىكىر قالدىرۋ

قاتىستى ماقالالار