الماتىدا ءاز ناۋرىز مەرەكەسىنە وراي تانىمال ءانشى قايرات نۇرتاس تەگىن كونسەرت بەرەدى، دەپ حابارلايدى قازاقپارات. بۇگىن الماتىداعى «استانا» الاڭىندا ءانشى قايرات نۇرتاس تەگىن ءان كەشىن وتكىزەدى.

الماتى قالاسى اكىمدىگى باسپا ءسوز قىزمەتىنىڭ حابارلاۋىنشا، ءان كەشىندە قالالىق ءىىد-نىڭ ەكى مىڭ پوليسەيى ۇلتتىق ۇلان ساربازدارىمەن بىرگە ءتارتىپتى قاداعالايتىن بولادى.

سونىمەن قاتار «استانا» الاڭىندا 105 بەتوندالعان قورعانىس بلوكتارى قويىلىپ، پانفيلوۆ كوشەسىندە 105 تۋرنيكەت ورناتىلدى.

ايتا كەتەيىك،  بۇگىن الماتى ارەنا كەشەنىندە «DISCO ستيلىندەگى ناۋرىز» شاراسىندا شەتەلدىك انشىلەر ونەر كورسەتەدى. زامانۋي بي كەشىندە شەتەلدىك انشىلەردىڭ قاۋىپسىزدىگى مەن قوعام ءتارتىبىن قاداعالاۋعا قالالىق ءىىد-نىڭ 1 مىڭنان استام قىزمەتكەرى جۇمىلدىرىلادى.

سپورت كەشەنى ماڭىنا 25 بەتوندى بلوكپەن 450 تۋرنيكەت ورناتىلعان. بۇعان دەيىن حابارلانعانداي، الماتىدا ناۋرىز مەرەكەسى ءبىر اي تويلانادى. 22 ساۋىرگە دەيىنالماتىدا 150-گە جۋىق شارا ۇيىمداستىرىلادى.