ءبىزدىڭ ۋنيۆەرسيتەت ءۇشىن اعىمداعى وقۋ جىلى وتە تابىستى بولدى: ءال-فارابي اتىنداعى قازۇۋ الەمنىڭ ەڭ ۇزدىك 207 ۋنيۆەرسيتەتتەردىڭ قاتارىنا ەندى. «ءتورت جۇلدىز» ۇستەمدىك بەلگىسىنە يە بولعان قازۇۋ – قازاقستان مەن ورتا ازيا ەلدەرىنىڭ ىشىندە جانە الەمدەگى بار تۇركى ەلدەرى اكادەمياسىنىڭ ەڭ ۇزدىك وقۋ ورنى. ءال-فارابي اتىنداعى قازۇۋ 2020 جىلعا دەيىن بۇۇ «اكادەميالىق ىقپال» باعدارلاماسىنىڭ عالامدىق حابىنا جەتەكشىلىك ەتەتىن بولدى. بۇل شەشىم ءبىزدىڭ ۋنيۆەرسيتەتتىڭ تۇراقتى دامۋ سالاسىنداعى  باسشىلىق قىزمەتىنىڭ تابىستارى مەن ناتيجەسىنىڭ نەگىزىندە قابىلداندى. شەتەلدىك قانداستارعا، قازاق جاستارىنا اتامەكەنگە ورالىپ، انا تىلىندە ءبىلىم الىپ، العا قويعان ماقساتتارىڭىزدى جۇزەگە اسىرعىسى كەلگەن، قازۇۋ-دى تاڭداسا ۇلكەن مۇمكىندىككە يە بولادى. قازاقتىڭ قارا شاڭىراعى اتانعان قازۇۋ – جوسپارلارىن ورىندالۋىنا مۇمكىندىك بەرەتىن، ۇلكەن تابىستارعا باستايتىن، جارقىن بولاشاققا جول اشاتىن بىرەگەي وقۋ ورداسى.

ءبىزدىڭ ۋنيۆەرسيتەت، كافەدرا تۋرالى تولىق اقپاراتتى قازۇۋ-دىڭ سايتىنان htpp.www.kaznu.kz جانە سايتتاعى بايلانىس تەلەفوندارى بويىنشا بىلە الادى.

ءال-فارابي اتىنداعى قازاق ۇلتتىق ۋنيۆەرسيتەتىنىڭ عىلىمي كەڭەسىنىڭ 27.02.2009 جىلعى № 4 شەشىمىمەن 10.02.2009 جىلعى رەكتوردىڭ № 20 بۇيرىعىنا سايكەس كافەدرا ءوز جۇمىسىن جاڭا باعىتتا باستادى. كافەدرادا وقۋ-ادىستەمەلىك بيۋرو جانە ەدۆايزەرلىك كەڭەس جۇمىس ىستەيدى. نەگىزگى ماقسات – كەشەندى تەستىلەۋگە دايىنداۋ. وقۋ ۇدەرىسىندە ز نەگىزگى ءپان: وقۋ ساۋاتتىلىعى، قازاقستان تاريحى، ماتەماتيكا جانە تىڭداۋشىلاردىڭ تاڭداعان ماماندىقتارىنا سايكەس فيزيكا، حيميا، بيولوگيا، گەوگرافيا، جالپى تاريح، قازاق ادەبيەتى پاندەرى وقىتىلادى.

2001 جىلدان بەرى شەت ەلدەردەگى قازاق دياسپوراسى وكىلدەرىن قازاقستان رەسپۋبليكاسىنىڭ جوعارى وقۋ ورىندارىنا تۇسۋگە دايىنداپ، ولاردى الەۋمەتتىك ورتاعا بەيىمدەۋ ماسەلەسىن جۇزەگە اسىرىپ كەلگەن كافەدرا ۇجىمى 2010 جىلدان باستاپ پرەزيدەنت ن.نازاربايەۆتىڭ باستاماسىمەن قازاقستان جانە اۋعانستان رەسپۋبليكاسىنىڭ ءبىلىم بەرۋ سالاسىنداعى ءوزارا ىنتىماقتاستىق تۋرالى كەلىسىم نەگىزىندە اير تىڭداۋشىلارىنا دا مەملەكەتتىك باعدارلاما بويىنشا ءبىلىم بەرۋدە.

ءبىزدىڭ ۋنيۆەرسيتەتتە ورتالىقتاندىرىلعان بىرەگەي قىزمەت كورسەتۋ «كەرەمەت» ورتالىعى بار. «كەرەمەتتە» وقۋ-وندىرىستىك ۇدەرىسكە جانە ستۋدەنتتىك كەزەڭدەگى ۋاقىتشا تىركەۋگە، قاجەتتى مەديسينالىق كومەك پەن تەكسەرىلۋگە قاتىستى بارلىق قۇجاتتاردى رەسىمدەي الاسىزدار.

ءال-فارابي اتىنداعى قازۇۋ ۇستازدارى نارالييەۆا ر.ت.، بەگالييەۆا ا.ك.