قازاقستان پرەزيدەنتى قاسىم-جومارت توقايەۆتىڭ جارلىعىمەن مۇرات ايتەنوۆ شىمكەنت قالاسىنىڭ اكىمى بولىپ تاعايىندالدى. بۇل تۋرالى بۇگىن، 21 قاڭتاردا اقوردا سايتى حابارلادى.
39 جاستاعى مۇرات ايتەنوۆ 2019 جىلدىڭ جەلتوقانسان ايىنان بەرى شىمكەنت قالاسى اكىمنىڭ ءبىرىنشى ورىنباسارى بولعان. ول وعان دەيىن قورعانىس مينيسترلىگىندە، پرەزيدەنت ىستەرى باسقارماسىندا ءتۇرلى قىزمەت اتقارعان.
اقوردا سايتى 2019 جىلىدىڭ شىلدە ايىندا عانا شىمكەنت قالاسىنىڭ اكىم بولعان ەرلان ايتاحانوۆتىڭ توقايەۆتىڭ جارلىعىمەن قىزمەتىنەن بوستىلعانىن حابارلادى. ءبىراق اقوردا حابارلاماسىندا ايتاحانوۆتىڭ قىزمەتىنەن نە سەبەپتى بوستىلعانى ايتىلعان جوق.
بۇگىن، 21 قاڭتاردا پرەزيدەنت توقايەۆ پاۆلودار وبلىسىنا دا جاڭا اكىم تاعايىنداعان ەدى. ونىڭ جارلىعىمەن “جەمقورلىق كۇدىگىمەن” ەكى ايعا قاماۋعا الىنعان بولات باقاۋوۆ قىزمەتىنەن بوساتىلىپ، ءابىلقايىر ىسقاقوۆ پاۆلودار وبلىسىنا اكىم بولىپ تاعايىندالعان.
پىكىر قالدىرۋ