«رۋحاني جاڭعىرۋ» باعدارلاماسى اياسىندا الماتى وبلىسىنىڭ مادەنيەت،ارحيۆتەر جانە قۇجاتتاما باسقارماسىنىڭ باستاماسىمەن م.تىنىشپايەۆ اتىنداعى وبلىستىق تاريحي-ولكەتانۋ مۋزەيىندە «قاۋىشۋ» مەرەكەسى ۇيىمداستىرىلدى.
م.تىنىشپايەۆ اتىنداعى تاريحي-ولكەتانۋ مۋزەيى، كوركەمسۋرەت گالەرەياسى جانە تاريحي-مادەني مۇرانى قورعاۋ جونىندەگى وبلىستىق ورتالىعىنىڭ بىرلەسكەن شاراسى ناۋرىز مەرەكەسى قارساڭىندا ۇيىمداستىرىلىپ، تاتۋلىق پەن تۇراقتىلىقتى، باۋىرمالدىق پەن قامقورلىقتى پاش ەتتى.
ۇيىمداستىرۋشىلاردىڭ ايتۋىنشا، بۇل مەرەكە حالقىمىزدىڭ كونە ءسالت-داستۇرى مەن ادەت-عۇرىپتارىن قايتا جاڭعىرتۋ، تۇلەتۋ بولىپ وتىر. قاۋىشۋ ءداستۇرىنىڭ حالىق اراسىندا كەڭ تارالىپ، ناسيحاتتالۋىن ماقسات تۇتقان وبلىستىق مادەنيەت مەكەمەلەرى وسى مەرەكەلىك ءىس-شارا اياسىندا قازاق حالقىنىڭ ءسالت-داستۇرىن كورسەتتى.
شارا بارىسىندا ۇلكەندەر اق باتا بەردى. وبلىستىق مامانداندىرىلعان بالالار ۇيىندە تاربيەلەنۋشى ەكى ۇل جانە ءبىر قىز بالانىڭ تۇساۋى كەسىلدى.
مەرەكەگە وراي «ءار زامانداعى ءتۇرلى حالىقتاردىڭ ىدىستارى» اتتى كورمەسىنىڭ اشىلدى. سونداي-اق وبلىستىق كوركەمسۋرەت گالەرەياسى قورىنان اكەلىنگەن سۋرەت جاۋھارلارى دا كورمە اجارىن تولىقتىردى.
پىكىر قالدىرۋ