ەلباسى بيىلعى حالىققا ارناعان كەزەكتى جولداۋىندا: «قازىرگى   دەنساۋلىق ساقتاۋ ءىسى قىمباتقا تۇسەتىن ستاسيونارلىق ەمگە  ەمەس، نەگىزىنەن اۋرۋدىڭ الدىن الۋعا، سونىمەن بىرگە سالاماتتى ءومىر سالتىن ناسيحاتتاي وتىرىپ، قوعامدىق دەنساۋلىقتى باسقارۋ ءىسىن كۇشەيتۋ كەرەك»- دەپ اتاپ كورسەتتى.  جاستارعا قىزمەت كورسەتۋ  ورتالىعىندا «الماتى وبلىستىق  سالاۋاتتى ءومىر سالتىن قالىپتاستىرۋ پروبلەمالارى ورتالىعى» ج ش س  ب ا ق وكىلدەرىمەن باسپا ءسوز  كونفەرەنسياسىن وتكىزدى.

وبلىستىق، الماتى جانە استانا قالالارىنىڭ، قالالىق جانە اۋداندىق سالاۋاتتى ءومىر سالتىن قالىپتاستىرۋ ورتالىقتارى (بۇدان ءارى - ءسوسق ورتالىقتارى) وڭىرلىك دەڭگەيدە سالاۋاتتى ءومىر سالتىن قالىپتاستىرۋ (بۇدان ءارى - ءسوسق) سالاسىنداعى قىزمەتتى جۇزەگە اسىراتىن دەنساۋلىق ساقتاۋ ۇيىمدارى، رەسپۋبليكالىق دەڭگەيدە -  ءوزىنىڭ قىزمەتىن "قازاقستان رەسپۋبليكاسى ءبىلىم، مادەنيەت جانە دەنساۋلىق ساقتاۋ مينيسترلىگىنىڭ سالاۋاتتى ءومىر سالتىن قالىپتاستىرۋ پروبلەمالارى ۇلتتىق ورتالىعى تۋرالى" قازاقستان رەسپۋبليكاسى ۇكىمەتىنىڭ 1997 جىلعى 3 جەلتوقسانداعى N 1678  قاۋلىسىنا سايكەس جۇزەگە اسىراتىن قازاقستان رەسپۋبليكاسى دەنساۋلىق ساقتاۋ مينيسترلىگىنىڭ "سالاۋاتتى ءومىر سالتىن قالىپتاستىرۋ پروبلەمالارى ۇلتتىق ورتالىعى" رەسپۋبليكالىق مەملەكەتتىك قازىنالىق كاسىپورنى بولىپ تابىلادى.

ورتالىقتىڭ  باسشىسى ارسلان يندەرشييەۆتىڭ  ايتۋىنشا،  ەلىمىزدە 2025 جىلعا دەيىنگى دامۋىنىڭ ستراتەگيالىق جوسپارىندا «سالاۋاتتى ءومىر سالتىن ناسيحاتتاۋ» مىندەتى قالىپتاسقان، وندا سالاۋاتتى ءومىر سالتىن ۇستاناتىن، دۇرىس تاماقتاناتىن، سپورتپەن شۇعىلداناتىن  ادام سانىنىڭ كوبەيۋىنە ەرەكشە نازار اۋدارىلعان. قازاقستاندا سوڭعى 20 جىلدا سالاۋاتتى ءومىر سالتىن قالىپتاستىرۋ ساياساتى  جۇزەگە اسىرىلىپ كەلەدى. اتالمىش ورتالىق  دەنساۋلىق ساقتاۋ باسقارماسىنىڭ قولداۋىمەن وڭىرىمىزدەگى 16 اۋدان مەن 3 قالادا وتكەن جىلى 55 مىڭنان استام ءىس-شارا ۇيىمداستىرىپتى. كەڭ اۋقىمدى اكسيا، سەمينار، دوڭگەلەك ۇستەل، فلەش-موب تۇرىندەگى شارالارعا 700 مىڭنان اسا وبلىس تۇرعىندارى قاتىسقان.

مۇنان وزگە گازەت-جۋرنالداردا ماقالا جاريالانىپ، ستەند ىلىنگەن. دەنساۋلىقتى نىعايتىپ، ساقتاۋ ماسەلەلەرىن قامتىعان ميلليوننان استام اقپاراتتىق- كەڭەستىك  كىتاپشا جانە باسقا دا قۇرالدار جارىق كورگەن.  اقپاراتتىق ءبىلىم بەرەتىن  ستەند، اۋديو-بەينەروليكتەر تۇرعىندار ءجيى باراتىن حقكو، اۆتوبەكەتتەرگە، مەملەكەتتىك  كىرىستەر باسقارمالارى عيماراتتارىنا  ورنالاستىرىلدى. ال ساۋدا ورتالىقتارىندا، بازاردا راديولەكسيا ماتىندەرى تۋبەركۋلەزدەن، گەپاتيتتەن  ساقتانۋ،  تەمەكى، ىشىمدىك زياندىعى  جونىندە تاقىرىپتى قامتىدى. سونىمەن قاتار الەۋمەتتىك جەلىلەردە  وتكىزىلگەن  شارا جونىندە اقپارات بەرىلدى.

ءسوسق ورتالىقتارى - ءسوسق جانە ناسيحاتتاۋ، اۋرۋلار مەن مىنەز-قۇلىقتىق قاۋىپ-قاتەر فاكتورلارىنىڭ الدىن الۋ جانە دەنساۋلىقتى نىعايتۋ بويىنشا ۇيىمداستىرۋ-ادىستەمەلىك باسشىلىق كورسەتەتىن جانە   زاڭدى تۇلعالاردىڭ قۇقىقتارىن پايدالانادى، اتاۋى كورسەتىلگەن ءمورتاڭباسى، ءمورى مەن فيرمالىق بلانكى بار دەربەس دەنساۋلىق ساقتاۋ ۇيىمى بولىپ تابىلاتىن دەنساۋلىق ساقتاۋ ۇيىمدارى. 

بۇگىندە  حالىق اراسىندا جۇرەك-قان اۋرۋلارى كوبەيىپ وتىر.  بۇل اۋرۋ بەلگىلەرى، اسىرەسە، جاس بالالاردىڭ اراسىندا  ەتەك الۋى  مامانداردى الاڭداتادى. ونىڭ ءبىر سەبەبى، تولىقتىق،   قيمىل-قوزعالىس بولماعاندىقتان دەنەنى ماي باسادى. ءقازىر  بالالار كومپيۋتەردىڭ الدىنان شىقپايدى.

 سودان كەيىن تەمەكى، ىشىمدىكتى ساتاتىن دۇكەندەردىڭ ءبىلىم وشاعىنان تىسقارى ورنالاسۋى، جاسى 18-گە تولماعان جاسوسپىرىمدەرگە  زياندى زاتتاردى ساتپاۋ، قوعامدىق ۇيىمداردا كالياندى پايدالانباۋ تۋراسىندا  تۇسىندىرمە جۇمىستارى جاسالعان. اتالعان جۇمىستار الماتى وبلىسى تۇرعىندارىنىڭ  دەنساۋلىعىن ساقتاۋ مەن نىعايتۋعا،  ادامداردىڭ ءومىر جاسىن ۇزارتۋعا، ەڭبەك ونىمدىلىگىن جوعارلاتۋعا باعىتتالعان. سالاۋاتتى ءومىر سالتىن قالىپتاستىرۋ ورتالىعىنىڭ ماماندارى  ب ا ق وكىلدەرىنىڭ كوپتەگەن  سۇراقتارىنا جاۋاپ بەردى.