سولتۇستىك كورەيا باسشىسى كيم چەن ىن ايەلى لي سول چجۋمەن سوڭعى جەتى جىلدا العاش رەت شەت ەلگە ساپارعا شىقتى. بەيجىڭدە قحر ءتوراعاسى سي سزينپينمەن كەزدەسىپ، وتكەن كەلىسسوزدەردى «شىنايى جانە دوستىق ماقساتتا جۇرگىزىلدى» دەپ باعالادى.

كيم چەن ىننىڭ العاشقى ساپارىنىڭ سەبەبى – سي ءسزينپيننىڭ جۇڭگو ءتوراعالىعىنا قايتا سايلانۋى بولدى.

ساپار جايلى رەسمي حابارلانعان جوق. اپتانىڭ باسىندا بەيجىڭدە قاۋىپسىزدىك شارالارى كۇشەيتىلىپ، سەيسەنبىدە تەمىر جول ۆوكزالىنا قاراي ەش ءبىر بەلگىلەرسىز كورتەج ءجۇرىپ وتكەن. سودان كەيىن ب ا ق ۆوكزالدا سولتۇستىك كورەيادان كەلگەن ارنايى پويىزدىڭ بولعانىن حابارلادى.

كەزدەسۋ بارىسىندا كحدر جانە قحر باسشىلارى الەمدەگى جانە كورەي جارتى تۇبەگىندەگى جاعدايلاردى تالقىلاپ، ەكى ەل اراسىنداعى دوستىق قارىم-قاتىناستى قولدايتىندارىن مالىمدەگەن.

قحر ءتوراعاسى سي سزينپين جۇڭگو مەن سولتۇستىك كورەيا اراسىنداعى قارىم-قاتىناستىڭ دامۋى اياسىنداعى نەگىزگى قاعيدالارعا توقتالىپ ءوتتى. سونىمەن قاتار، وڭتۇستىك كورەيامەن قارىم-قاتىناستى وزگەرتۋ نيەتى بار ەكەنىن ەسكەرتىپ، امەريكا-سولتۇستىككورەيالىق سامميت وتكىزۋ تۋرالى جوسپارى بار ەكەنىن ايتتى.

ساپار قورىتىندىسىندا، سي سزينپين كيم چەن ىندى قىتايعا قايتا شاقىردى. وعان جاۋاپ رەتىندە كيم چەن ىن قحر ءتوراعاسىن پحەنيانعا شاقىردى.