ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە ح رەسپۋبليكالىق جۋرناليستيكا وليمپياداسى ءوتىپ جاتىر. اتالمىش سايىسقا 16 جوعارعى وقۋ ورنىنان 48 ستۋدەنت قاتىسۋدا.

ءبىلىم باسەكەسى 2 كۇنگە جوسپارلاندى. وليمپياداعا تەليەۆيزيانىڭ 60 جىلدىعى ارقاۋ بولدى. سايىستىڭ اشىلۋ سالتاناتىندا فيلولوگيا فاكۋلتەتىنىڭ دەكانى ءابدۋوۆ مۇحامەتقالي ءىلياس ۇلى ءسوز الىپ، قاتىسۋشىلارعا ساتتىلىك تىلەدى. جۇكتەلگەن تاپسىرما بويىنشا ستۋدەنتتەر سيۋجەت دايىنداپ، ەسسە جازدى. سونىمەن قاتار، بىرنەشە جۋرناليستيكا پاندەرىنەن  تەست تاپسىردى. وليمپيادانىڭ سوڭعى كۇنى ءجۋرناليستىڭ جەدەلدىلىگىن ايقىنداۋ ماقساتىندا جەدەل اقپارات سايىسى بويىنشا سىنعا تۇسۋدە.

سونداي-اق، ستۋدەنتتەر مەن وقىتۋشىلارعا شاحتەر شاھارىنىڭ كورىكتى جەرپلەرىن كورسەتتى. ولار سارىارقا ارحەولوگيالىق مۇراجايى مەن ۋنيۆەرسيتەت مۋزەيىن ارالادى.

مۇراجاي مەڭگەرۋشىسىنىڭ سوزىنشە، مۇنداعى ەڭ كونە جادىگەرگە 2000 جىل بولعان. ءار جادىگەر جەكە-جەكە نومىرلەنگەن. ستۋدەنتتەر ارقا جەرىنىڭ تالاي تاريحي قۇندىلىقتارىمەن تانىسىپ قايتتى.

اسلان قاجييەۆ