«قازاقستان ارۋى-2018» اتاعىن اتىراۋدان كەلگەن 16 جاستاعى الفيا ەرسايىن جەڭىپ الدى، دەپ حابارلايدى Qamshy.kz اقپارات اگەنتتىگى sputniknews.kz سايتىنىڭ دەرەگىن نەگىزگە الا وتىرىپ.

«قازاقستان ارۋى» اتانعان الفيا ەرسايىن اتىراۋ گۋمانيتارلىق كوللەدجىنىڭ ستۋدەنتى. 

III ۆيسە-ميسس اتاعىن «سەمەي ارۋى» دينارا بايمۇراتوۆا يەلەندى. 

II ۆيسە-ميسس اتاعى استانادان قاتىسقان 19 جاستاعى مايمۋنا كۇلكەشوۆاعا بۇيىردى. ول قازاق تەحنولوگيا جانە بيزنەس ۋنيۆەرسيتەتىنىڭ 2-كۋرس ستۋدەنتى.

«قاراعاندى ارۋى» 19 جاستاعى ەكاتەرينا دۆورەسكايا ءى ۆيسە-ميسس اتاندى.  حالىقارالىق قاتىناستار جانە الەمدىك تىلدەر ۋنيۆەرسيتەتىنىڭ 2-كۋرس ستۋدەنتى. بايقاۋعا وسىمەن ەكىنشى رەت قاتىسىپ وتىر.  

بۇگىن استاناداعى بەيبىتشىلىك جانە كەلىسىم سارايىندا 21ء-شى جىل سايىنعى «قازاقستان ارۋى» ۇلتتىق بايقاۋىنىڭ فينالى ءوتتى. سۇلۋلىق بايقاۋىنا ەلىمىزدىڭ تۇكپىر-تۇكپىرىنەن 30 بويجەتكەن قاتىستى.

بايقاۋ اشىقتىعىن قامتاماسىز ەتۋ ءۇشىن ءادىل قازىلار القاسى ۇزدىك بەستىكتى ىرىكتەدى. ال قازاقستاننىڭ ەڭ سۇلۋ ارۋىن قازاقستاندىقتار ونلاين-داۋىس بەرۋ ارقىلى تاڭدادى.

جاڭا جەڭىمپاز ارۋعا ءتاجدى قىزىلوردالىق گۇلبانۋ ءازىمحانوۆا تاپسىردى.

فينالدا ۇلتتىق، ءساندى كيىمدەر سياقتى ءداستۇرلى كورسەتىلىمنەن بولەك، كورەرمەندەر نازارىنا تالانتتار شوۋى ۇسىنىلدى. اتالعان شوۋدا ۇمىتكەر بەس قىز ونەر كورسەتتى.  

ايتا كەتسەك، ۇلتتىق بايقاۋدىڭ فينالىندا ءار قالانىڭ جەڭىمپاز اتانعان 20 ارۋى عانا ەمەس، Instagram-كاستينگى ارقىلى ىرىكتەلگەن 10 بويجەتكەن دە ب ا ق سىنادى. الەۋمەتتىك جەلىدەگى كاستينگ اقپان ايىندا وتكەن بولاتىن، وعان 17 مەن 25 جاس ارالىعىنداعى قىزدار قاتىستى. جىل سايىن قازاقستاننىڭ ەڭ سۇلۋ ارۋى جەلتوقسان ايىنىڭ سوڭىندا تاڭدالاتىن. بيىل 21 جىل ىشىندە العاش رەت ۇلتتىق بايقاۋ فينالى 31 ناۋرىزدا ءوتتى جانە تابيعاتتىڭ جاڭارۋ مەيرامى – ناۋرىزعا ارنالدى.

بايقاۋ بيلەتتەرىن ساتۋدان تۇسكەن بارلىق اقشا استاناداعى قايىرىمدىلىق شارالارعا جۇمسالادى. «قازاقستان ارۋى» جەڭىمپازىنا 3 ميلليون تەڭگە اقشالاي سىيلىق، ءداستۇرلى قىز جاساۋى تابىستالادى. سونىمەن قاتار جەڭىمپاز ارۋ تانىمال برەندتەرمەن جارناما كەلىسىمشارتىن بەكىتىپ، قازاقستان اتىنان «الەم ارۋى-2018» بايقاۋىنا قاتىسۋعا جولداما الادى.

بيىل بايقاۋعا  پرەزيدەنتتىڭ «التىن ساپا» سىيلىعىنىڭ لاۋرەاتى، «التىن وردا» ءۇيىنىڭ نەگىزىن قالاۋشى ىرزا تۇرسىنزادا، «Wyndham Garden» حالىقارالىق قوناق ءۇيىنىڭ باس ديرەكتورى قايرات جانىبەكوۆ، 2012 جىلعى وليمپيادا ويىندارىنىڭ چەمپيونى، جەڭىل اتلەت ولگا رىپاكوۆا، قازاقستاننىڭ ەڭبەك سىڭىرگەن قايراتكەرى، سۋرەتشى-رەستاۆراتور قىرىم التىنبەكوۆ، تانىمال اكتەر، تەلەجۇرگىزۋشى تاۋەكەل ءمۇسلىم، «قاراعاندى ارۋى-2013»، بايقاۋ تاريحىندا العاش رەت «قازاقستان ينتەرنەت ارۋى» اتانعان ديانا كەڭەسوۆا، پروديۋسەر، تەلەجۇرگىزۋشى لەيلا سۇلتان قىزى، «استانا وپەرا» تەاترىنىڭ جەتەكشى ءسوليسى سۇندەت بايعوجين، «قازاقستان ارۋى» بايقاۋىنىڭ «سۇلۋلىق پەن قايىرىمدىلىق» الەۋمەتتىك باعدارلاماسىنىڭ ديرەكتورى سوۆەت سەيىتوۆ، قازاقستاننىڭ وزىق fashion-پروديۋسەرى، ديزاينەر ساكەن جاقسىبايەۆ جانە «قازاقستان ارۋى» ۇلتتىق بايقاۋىنىڭ ءتورايىمى الەنا ريۆلينا-كىرباسوۆا قازىلىق ەتتى.

سونداي-اق، بايقاۋدا ءانشى Adam، «سامايا ۆىشكا» اتتى سوڭعى حيتىمەن Raim&Artur دۋەتى، «استانا وپەرا» تەاترىنىڭ ءسوليسى سۇندەت بايعوجين ونەر كورسەتتى.