ەلوردا اكىمدىگى گازداندىرۋ، ليفت شارۋاشىلىعى، كولىك تۇراقتارى اۋماقتارى مەن كولىك جۇيەسىن دامىتۋ جوبالارىن جۇزەگە اسىراتىن جۇمىس توپتارىن قۇردى، دەپ جازادى Qamshy.kz اقپارات اگەنتتىگى استانا قالاسى اكىمدىگىنىڭ باسپا ءسوز قىزمەتنە سىلتەمە جاساي وتىرىپ.
استانا اكىمى ەلوردانىڭ ءبىرقاتار نىسانىن ارالادى. جۇمىس بارىسىندا ول وقۋ-جاتتىعۋلار وتكەن «MEGA Silk Way» ساۋدا ويىن-ساۋىق ورتالىعىنداعى ءورت قاۋىپسىزدىگىمەن قامتۋ شارالارىمەن تانىسىپ،"كوكتال 1" تۇرعىن ءۇي الابىندا ورنالاسقان قۇرىلىس بازارىن رەتكە كەلتىرۋدى تاپسىردى.
ءار باعىت بويىنشا ناقتى شارالار جوسپارى ازىرلەندى. جوسپاردا ق ر ەكولوگيالىق زاڭىنا وزگەرىستەردى ەنگىزۋ بويىنشا ۇسىنىستاردى دايىنداۋ، ءورت قاۋىپسىزدىگى ماسەلەلەرى بويىنشا جەدەل ارەكەت ەتۋ، بەلگىلەنبەگەن جەرلەردەگى قوقىس ۇيىندىلەرىن جويۋ شارالارىن جۇرگىزۋ قاراستارىلعان.
بۇدان بولەك، قالا جەتەكشىلىگى گازداندىرۋ، ليفت شارۋاشىلىعى، كولىك تۇراقتارى اۋماقتارى مەن كولىك جۇيەسىن دامىتۋ جوبالارىن، سونداي-اق، كونە جانە اپاتتى ۇيلەرگە قاتىستى جوبالاردى جۇزەگە اسىراتىن جۇمىس توپتارىن قۇردى.
ايتا كەتەيىك، ەلوردانى ودان ءارى دامىتۋ تاقىرىبىنداعى كەڭەس بارىسىندا مەملەكەت باسشىسى قالانى اباتتاندىرۋعا قاتىستى ءبىرقاتار ناقتى تاپسىرما بەرگەن-دى.
