سينوپتيكتەر الداعى ءۇش تاۋلىكتە ارتيكالىق سۋىق فرونپەن بايلانىستى سولتۇستىك وبلىستاردا ىلعالدى قار، تۇندە تۇمان جانە كوكتايعاق بولۋى مۇمكىن ەكەنىن ەسكەرتى، دەپ جازادى Qamshy.kz اقپارات اگەنتتىگى قازگيدرومەت رمك رەسمي سايتىنا جاساي وتىرىپ.

"قازاقستاننىڭ سولتۇستىك اۋداندارىندا كەزەكتى سيكلون ورنالاسىپ، ەلىمىزدىڭ بارلىق وبلىستارىنداعى اۋا-رايىنا اسەر ەتەتىن بولادى. الداعى ءۇش تاۋلىكتە ارتيكالىق سۋىق فرونپەن بايلانىستى سولتۇستىك وبلىستاردا ىلعالدى قار، تۇندە تۇمان جانە كوكتايعاق كۇتىلەدى"، - دەلىنگەن حابارلامادا.

سونىمەن قاتار، ەلىمىزدىڭ وڭتۇستىك بولىگىندە جاڭبىر، كەي جەرلەردە قاتتى نايزاعاي، ەكپىندى جەل بولجانادى. اۋا تەمپەراتۋراسىنىڭ اۋىتقۋى كۇتىلەدى: جاۋىن-شاشىنمەن تەز تومەندەپ، كۇن اشىلعاندا شاپشاڭ جوعارىلاي باستايدى.

"8 ساۋىردە تۇندە قىزىلوردا وبلىسىندا، 10 ساۋىردە تۇندە وڭتۇستىك قازاقستان وبلىسىنىڭ كەي جەرلەرىندە 2 گرادۋس ۇسىك ءجۇرۋى ىقتيمال. ىقتيمالدىق 90-95 پايىز"، - دەيدى قازگيدرومەت رمك وكىلدەرى.

7-8 ساۋىردە اقتوبە، باتىس قازاقستان، قوستاناي، اقمولا، سولتۇستىك قازاقستان، پاۆلودار، قاراعاندى جانە شىعىس قازاقستان وبلىستارىندا اۋا تەمپەراتۋراسىنىڭ جوعارىلاۋى جانە جاۋىن-شاشىن بولجامىنا بايلانىستى قاردىڭ ەرۋى، جەرگىلىكتى اعىننىڭ قالىپتاسۋى، سۋ دەڭگەيىنىڭ كوتەرىلۋىنە جانە سۋدىڭ وزەن جايىلماسىنا شىعۋىنا (سۋ باسۋعا) بايلانىستى ەسكەرتۋ جاريالاعان بولاتىن. 

سونىمەن قاتار، الماتى، جامبىل، وڭتۇستىك قازاقستان وبلىستارىندا جانە الماتى قالاسىندا جاڭبىر بولجامىنا بايلانىستى، كەي جەرلەردە قاتتى، جەرگىلىكتى جانە باۋرايلى اعىننىڭ قالىپتاسۋى، سۋ دەڭگەيلەرىنىڭ كوتەرىلۋى جانە جايىلمالىق اۋدانداردى سۋ باسۋى كۇتىلەتىنىن ەسكەرتتى.