اقتوبەدە سوتتالعانداردىڭ ونىمدەرىنىڭ كورمە-جارمەڭكەسى ءوتتى

/uploads/thumbnail/20180407184817306_small.jpg

اقتوبە قالاسىنداعى قىلمىستىق-اتقارۋ جۇيەسى مەكەمەسىندە ازىرلەنگەن  500-دەن استام بىرەگەي بۇيىمدار «سەرپىن» جارمەڭكەسىندە ۇسىنىلدى، دەپ جازادى Qamshy.kz اقپارات اگەنتتىگى اقتوبە قالاسى اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.

اقتوبەدە العاش رەت وتكىزىلىپ وتىرعان شاراعا وبلىس اكىمى بەردىبەك ساپاربايەۆ قاتىستى.

– مەملەكەت باسشىسىنىڭ تاپسىرماسىنا سايكەس سوتتالعان ازاماتتاردىڭ قالىپتى ومىرگە قايتا ورالۋىنا بارلىق جاعدايدى جاساۋىمىز كەرەك. ءبىزدىڭ وبلىستا تۇزەۋ مەكەمەلەرىندە ەكى كوللەدج بار، وندا 150-دەن استام سوتتالعاندار جۇمىسشى ماماندىقتار بويىنشا ءبىلىم الادى. وسىلايشا، ءبىز ولارعا تۇزەتۋ جولىن تاڭداپ، ءوز وتباسىلارىنا اقشا تابۋعا، كومەكتەسۋگە، قارجىلىق مىندەتتەمەلەرىن تولەۋگە، سونداي-اق شاعىن جانە ورتا بيزنەستى دامىتۋعا مۇمكىندىك بەرەمىز، - دەدى ب.ساپاربايەۆ.

اقتوبە

بۇگىنگى كۇنى اقتوبە وبلىسىنىڭ تۇزەۋ مەكەمەلەرىندە 1500-دەن استام ادام جۇمىس ىستەيدى، ولاردىڭ 554ء-ى «ەڭبەك-اقتوبە» فيليالىندا جۇمىس جاساۋدا.

«ەڭبەك» رمك باس ديرەكتورىنىڭ ورىنباسارى مارات ءساليننىڭ ايتۋىنشا، تەك وتكەن جىلى مەملەكەتتىك كاسىپورىن 1،3 ملرد تەڭگە سوماسىندا سالىق تولەدى. رەسپۋبليكادا بارلىعى 4000 تۇتقىن جۇمىس ىستەيدى. ورتاشا جالاقى شامامەن 35 مىڭ تەڭگەنى قۇرايدى.

اقتوبە

جارمەڭكەدە اعاش جانە مەتالل، قۇرىلىس ماتەريالدارى مەن تىگىن ونىمدەرىنىڭ جۇزدەگەن تۇرلەرى بار. ۇيگە قاجەتتى تۇرمىستىق كيىم-كەشەك پەن كادەسىيلار، كارتينالار، قوبديشالار، ناردى، شاحماتتار ۇسىنىلدى. وسىنىڭ ءبارى سوتتالعانداردىڭ قولىمەن جاسالىپ، كۇندەلىكتى ومىردە پايدالانۋعا جاراۋدا.

اقتوبە

بۇدان باسقا، ءىس-شارا اياسىندا «ەڭبەك-اقتوبە» فيليالى مەن جەرگىلىكتى كاسىپكەرلەر اراسىندا 35 ميلليون تەڭگەدەن استام سوماعا ىنتىماقتاستىق تۋرالى بارلىعى 60 مەموراندۋمعا قول قويىلدى.

پىكىر قالدىرۋ

قاتىستى ماقالالار