اقتوبە قالاسىندا باتىس قازاقستانداعى ەڭ ءىرى وتباسىلىق دەمالىس ساياباعى ك.نوكين مەن 312ء-شى اتقىشتار ديۆيزياسى داڭعىلدارىنىڭ قيىلىسىندا اشىلادى. ونىڭ جالپى اۋدانى 3،5 گا قۇرايدى، جوباعا سالىنعان ينۆەستيسيالار كولەمى 658 ملن. تەڭگەدەن اسادى. تاپسىرىس بەرۋشى - «NuraiInvestGroup» اكسيونەرلىك قوعامى.

وتكەن سەنبىدە وبلىس اكىمى بەردىبەك ساپاربايەۆ ۋچاسكەدەگى قۇرىلىس جۇمىستارىنىڭ بارىسىمەن تانىستى.

اشىق اسپان استىنداعى بىرەگەي ويىن-ساۋىق ساياباعى اعىمداعى جىلدىڭ 1-ماۋسىمىندا اشىلادى. بۇل جەردە حايۋاناتتار پاركى، ەتنواۋىل، ۇيالى پلانەتاريي، ميني-گولف الاڭى، جازعى كىتاپحانا، ۇلكەن لابيرينت، قۇزعا ورمەلەۋ، جىل بويعى مۇز ايدىنى، سپورت جانە ويىن الاڭدارى، باتۋتتار، ارقاندار پاركى، تير، بوۋلينگ تاعى باسقالار بولادى.

– بالالار مەن ەرەسەكتەرگە ارنالعان بۇل وتباسىلىق ساياباعى دەمالىس پەن ويىن-ساۋىقتى بىرىكتىرۋگە مۇمكىندىك بەرەدى. جابدىقتارعا تاپسىرىس بەرىلدى، جەتكىزىلىپ جاتىر، دەدى – وبلىس اكىمىنە «NuraiInvestGroup» ديرەكتورى ەربول مۇحامەدجان.

ايماق باسشىسى ساياباق ساپاسىنا ەرەكشە نازار اۋدارا وتىرىپ، ساياباقتىڭ «باقىتتى بالا» جوباسى اياسىندا كىشكەنتاي اقتوبەلىكتەر ءۇشىن ەڭ ۇلكەن سىيلىق بولاتىنىن اتاپ ءوتىپ، ونى حالىقارالىق بالالاردى قورعاۋ كۇنىنە دەيىن ءبىتىرۋدى تاپسىردى.

ەسكە سالا كەتەيىك، دەمالىس ساياباعى «كيىز ءۇي پاركى» ءىرى جوباسىنىڭ ءبىر بولىگى بولىپ تابىلادى، ونىڭ ەكىنشى كەزەڭىن 2020 جىلعا دەيىن ىسكە اسىرۋ جوسپارلانىپ وتىر. اتاپ ايتقاندا، ينۆەستورلار وسى ۋاقىتقا دەيىن 9 ميلليارد تەڭگە تۇراتىن مادەني-ساۋىق كەشەنىنىڭ قۇرىلىسىن اياقتاۋدى كوزدەپ وتىر.

– كەشەننىڭ جالپى اۋدانى 40 مىڭ شارشى مەتردى قۇرايدى. بۇل باتىس وڭىرىندەگى جانە قازاقستانداعى ەڭ ءىرى ساياباقتار تىزىمىنە ەنەتىن بولادى. سەگىز قاباتتى عيمارات ءۇش بلوكتان تۇرادى: ىسكەرلىك-اكىمشىلىك، سپورتتىق-ساۋىقتىرۋ جانە مادەني دەمالىس ويىن-ساۋىق بولىپ بولىنەدى دەپ، - ەربول مۇحامەدجان ءسوزىن جالعاستىردى.

 جوبادا ينۆەستيسيالىق ۋچاسكەلەر، اسفالتتاۋ، كوگالداندىرۋ، جاقىن ماڭداعى اۋماقتى اباتتاندىرۋ قاراستىرىلعان. اتاپ ايتقاندا، 500-گە جۋىق شىرشا جانە كانادالىق ۇيەڭكىلەر وتىرعىزىلادى.