11 ءساۋىر كۇنى ورال قالاسىندا «وركەنيەت: JAIYK SMART IDEAS CLUB» بەيرەسمي زياتكەرلىك الاڭى ءوتتى دەپ حابارلايدى Qamshy.kz اقپارات اگەنتتىگى.

اتالعان شارا ەلباسى ن.ءا.نازاربايەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنىڭ جارىق كورگەنىنە 1 جىل تولۋى قارساڭىندا ۇيىمداستىرىلىپ، باعدارلامادا ايتىلعان نەگىزگى يدەيالار قوعام وكىلدەرىنىڭ قاتىسۋىمەن كەڭىنەن تالقىعا سالىندى.

اشىق فورماتتا وتكىزىلگەن زياتكەرلىك الاڭعا باتىس قازاقستان وبلىسى اكىمىنىڭ ورىنباسارى ع.وسپانقۇلوۆ، سپيكەرلەر مەن ساراپشى ماماندار، باستاماشىل جاستار وكىلدەرى قاتىستى.

شارانىڭ العاشقى سپيكەرى – ەكونوميكا عىلىمدارىنىڭ دوكتورى، پروفەسسور، «رۋحاني جاڭعىرۋ» باعدارلاماسىنىڭ باستى باعىتتارىن جانە جاڭا باستامالاردىڭ ىسكە اسىرىلۋىنا  اتسالىسىپ جۇرگەن كاسىپكەر ليليا مەرگالييەۆا ءبىلىم بەرۋ ىسىمەن قوسا بيزنەستى الىپ ءجۇرۋدىڭ قىر-سىرىمەن ءبولىستى.

الاڭنىڭ جاس، ءارى كرەاتيۆتى سپيكەرى - «بولاشاق» حالىقارالىق باعدارلاماسى بويىنشا نيۋ-يورك كينو اكادەمياسىنىڭ تۇلەگى – باقىت قادەر «بولاشاق» باعدارلاماسىنىڭ جاستارعا بەرىلگەن زور مۇمكىندىك ەكەنىن ايتا وتىرا، جەتىستىككە جەتۋگە تاباندىلىق پەن جاڭاشىلدىقتىڭ قاجەت ەكەندىگىن بايقاتىپ، بولاشاق جوسپارلارىن العا تارتتى.

ورال قالاسىنداعى بۇگىنگى تاڭدا قالا جاستارىنىڭ كوشە بيىنە دەگەن قىزىعۋشىلىعى ۇلكەن. تانىمال «Urban Style» بي قوزعالىسىنىڭ جەتەكشىسى اسان ساماتوۆتىڭ ايتۋىنشا  اسان ورال قالاسىندا «break» بي ءتۇرىن مەيىلىنشە دامىتىپ، جاستاردى سالاۋاتتى ءومىر سالتىنا جەتەلەگىسى كەلەتىن پىكىرىن ايتتى. ال، ءداستۇرلى جانە زاماناۋي ونەردى ۇشتاستىرىپ جۇرگەن دانيار راحمەتجانوۆ «DIDI RECORDS» دىبىس جازۋ ستۋدياسىندا كوپتەگەن جاستارعا دەمەۋ بەرىپ،  سوڭعى حيت پارادتاعى «07 ايماق»، «سامايا ۆىشكا» سەكىلدى كوپتەگەن حيت اندەردى جازعان.

29 جاستاعى اسحات رامازانوۆتىڭ بيزنەس سالاسىندا جەتكەن جەتىستىگى مەن تاجىريبەسى وتە كوپ، ونىڭ جاستارعا ايتارى دا كوپ. «Fiesta» دۇكەندەر جەلىسىن ءوز قارجىسىنا – 700 مىڭ تەڭگە العاشقى جارنامەن باستاعان ول قازىرگى تازا تابىسى – 900 ملن. تەڭگەنى  قۇراعان. بۇگىندە ول كاسىپكەرلىكتەن بولەك ورال قالاسىن الەۋمەتتەندىرۋ بويىنشا دا ۇلكەن جوبالار قولعا الۋدا.