قاتونقاراعاي اۋدانىنىڭ سولونوۆكا اۋىلدىق وكرۋگىنە قاراستى كوكوزەك ۋچاسكەسىندە ەكى شاقىرىمعا سوزىلعان گەولوگيالىق جارىق تارىزدەس جىرا پايدا بولدى. وعان كوكتەمدە ەرىگەن قارعىن سۋ سەبەپ بولعان ەكەن. بۇل تۋرالى جەرگىلىكتى Altaynews.kz پورتالى حابارلادى.
جىرانىڭ تەرەڭدىگى 5-6 مەتر، ەنى 4-5 مەترگە جەتەدى. بۇل جەر وسىدان ءبىر اي بۇرىن عانا «جاس قانات» شارۋا قوجالىعىنىڭ قىستاۋلارىن بىر-بىرىمەن جالعاپ تۇرعان ورىن ەدى. ەگىستىككە قاراي جايىلىپ، توقتاۋسىز اققان سۋ جولدى جىراعا اينالدىرىپ جىبەرگەن.
قازىرگى ۋاقىتتا اتالعان شارۋاشىلىقتىڭ باسشىلىعى جىرانى توپىراقپەن تولتىرىپ، جولدى قايتا قالپىنا كەلتىرۋگە تىرىسىپ باعۋدا.
