بۇگىن كوكشەتاۋعا قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ ينسپەكتورى قالدىبەك بايمبەتوۆ باردى.               

قالدىبەك باقتىباي ۇلى پارتيانىڭ قوعامدىق قابىلداۋىنا كەلىپ، اقمولالىقتاردى قابىلداپ، ولاردىڭ ماسەلەلەرىن تىڭداپ، ناقتى تاپسىرما بەردى. بۇل تۋرالى «نۇر وتان» پارتياسى فيليالىنىڭ باسپا ءسوز قىزمەتىنە سىلتەمە جاساپ.

بۇگىنگى قابىلداۋعا كەلگەندەردىڭ  دەنى بۋراباي اۋدانىنان بولدى. ولار تۇرعىن ءۇي كوممۋنالدىق شارۋاشىلىعىنا شاعىمدانىپ، مەملەكەتتەن پاتەر الۋ، پاتەر كەزەگىنىڭ جىلجىماۋى، جالعىز باسپانالارى اپاتتى دەپ تانىلعان، الايدا سان جىلدان بەرى ءۇيسىز جۇرگەندەر بولدى. وسى كوپ  ماسەلەنىڭ  ىشىندە قابىلداۋعا كەلگەن ەكى ادام نازاردى بەي-جاي قالدىرمادى. ونىڭ بىرەۋى 6 بالانىڭ اناسى، بۇگىندە كوكشەتاۋدىڭ ىرگەسىندەگى «نۇرلى كوشتە» پاتەر جالداپ تۇرىپ جاتقان گۇلميرا گاليموۆا. گۇلميرا جەتىنشى ءسابيىن كۇتىپ وتىر. كۇيەۋى مال باعادى ەكەن. 6 قىزى مەكتەپ جاسىندا، ءبارى دە ساباقتارىن جاقسى وقىپ، سپورتتان دا جەتىستىكتەرگە يە دەيدى.  شەتتەن كەلگەن قانداستارعا دەپ سالىنعان «نۇرلى كوشتەن» 20 مىڭ تەڭگەگە  ءۇي جالداپ تۇرىپ جاتقان ولاردى، ءۇيدىڭ يەسى تەز ارادا بوساتۋىن سۇراعان. امالى تاۋسىلعان وتاناسى «نۇر وتاننان» كومەك سۇرادى. كوكشەتاۋ قالاسى اكىمىنىڭ ورىنباسارى يۆان يۋرچەنكو  بۇل وتباسىنىڭ پاتەر كەزەگىندە 2941 بولىپ تۇرعاندىعىن جانە تەك زاڭ جۇزىندە عانا جۇمىس ىستەيتىندىگىن.

گاليموۆتار وتباسى جەر بەرسە، مال ءوسىرىپ اۋىلعا بارىپ تۇرۋعا دا قارسى ەمەستىگىن ءبىلدىردى. ءۇيسىز، ۇنەمى  كوشىپ شارشاعان وتباسىنا كومەكتەسۋدىڭ ءبىر امالىن تاۋىپ بەرۋگە ۋادە بەرىپ، كوپ بالالىن انانى جىلاتپاي، جۇباتىپ شىعارىپ سالدى.

ال زەرەندى اۋدانىنىڭ ەلەنوۆكا اۋىلىنان كەلگەن ەسىم اتا وسى ەلدى-مەكەننىڭ اتاۋىن وزگەرتۋ قاجەتتىگىن ايتتى. 

«ەلباسىنىڭ «بولاشاققا باعدار: رۋحاني جاڭعىرۋ» ماقالاسىن وقىپ، ورىسشا اتاۋمەن كەتكەن ءبىراز ەلدى مەكەننىڭ اتاۋى قازاقشالانىپ، ۇلتتىق سانامىزدى ءدۇر سىلكىندىرگەن جاڭالىققا جانىم قۋاندى. وسى جۋمىستى قولعا الۋىمنىڭ سەبەبى، بۇگىندە 385-تەن استام ءۇيى بار، ونىڭ 90 پايىزىندا قازاقتار تۇرىپ جاتقاندىقتان ەلەنوۆكا اتاۋىن قازاقشالاۋدى سۇراپ كەلدىم»، - دەيدى جاسى 80-نەن اسىپ كەتسە دە ۇلتتىڭ مۇددەسىن ويلاپ كەلگەن  اۋىل اقساقالى ەسىم حاسەنوۆ.

مەملەكەتتىك ينسپەكتور اۋدان اكىمى مەرەكە مۇستافينگە حابارلاسىپ ەلدى مەكەن، جەر سۋ اتتارىن قازاقشالاۋعا كەلگەندە ءوز اتا-باباسىنىڭ ەرلىگىن ايتىپ، اركىم ءوز تەگىن بەرۋگە تىرىسپاي، وناماستيكا كوميسسياسىنىڭ قاراۋىنا سالىپ تارازىلانسىن دەگەن تاپسىرما بەردى.

ەكى ساعاتتان ارتىق قابىلداۋ جۇرگىزگەن قالدىبەك باقتىباي ۇلى ءار ءوتىنىش يەسىنىڭ سۇراعى جەكە باقىلاۋىندا بولىپ، 30 كۇننىڭ ىشىندە ناقتى جاۋاپ بەرىلەتىندىگىنە حالىقتى سەندىردى.