اقش پرەزيدەنتى دونالد ترامپ 18 ساۋىردە رەسەيگە قارسى جاڭا سانكسيانى «كرەمل ءوزى سوعان لايىقتى ءىس جاساعاندا» سالاتىنىن مالىمدەدى.

دونالد ترامپ بۇل جايىندا ۆاشينگتوندا جاپونيا پرەمەر-مينيسترى سيندزو ابەمەن بىرگە وتكىزگەن باسپا ءسوز ءماسليحاتىنان سوڭ جۋرناليستەر قويعان ساۋالدارعا جاۋابىندا ايتتى.

«پرەزيدەنت دونالد ترامپتان وزگە ەشكىم رەسەيگە قاتىستى وسىنشالىقتى قاتالدىق تانىتقان جوق. تاياۋدا عانا سيريادا ءبىزدىڭ اسكەرىمىز بەن رەسەي اسكەرىنىڭ اراسىندا كەسكىلەسكەن ۇرىس بولدى جانە ول وتە قايعىلى جاعداي. ول ۇرىستا كوپ ادام قازا تاپتى»، - دەدى اقش پرەزيدەنتىنە.

ترامپ امەريكالىق باق-تىڭ «كرەملگە قاتىستى جۇمساق ساياسات ۇستانادى دەپ نەگىزسىز تۇجىرىم جاسايتىنىنا» قىنجىلدى. «ءبىراق دونالد ترامپتان باسقا ەشكىم قاتال بولا الماعانىن سىزدەرگە رەسەيدىڭ ءوزى ايتادى»، - دەپ ەسكەرتتى ول.

بىرنەشە كۇن بۇرىن ب ا ق ترامپ اكىمشىلىگىندە سيريادا حيميالىق قارۋ جاساۋعا قاتىسى بار دەلىنگەن رەسەيلىك كومپانيالارعا جاڭا سانكسيالار سالۋعا قاتىستى كەلىسپەۋشىلىك بارىن حابارلاعان.

5 ساۋىردە اقش-تىڭ بۇۇ-داعى تۇراقتى وكىلى نيككي حەيلي رەسەيگە قارسى سانكسيا 16 ساۋىردە جاريالاناتىنىن حابارلاعان ەدى. ءبىراق دۇيسەنبىدە سانكسيا جاريالانباي، كەيىنگە قالدىرىلعان.