ەلباسى ن.نازاربايەۆ «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىندا «سمارت سيتي» قالالىق ورتانى باسقارۋ جۇيەسىنىڭ تۇجىرىمداماسىن ەنگىزۋگە ەرەكشە ءمان قويدى. حالىقارالىق تاجىريبە بويىنشا «اقىلدى قالا» جۇيەسى قالاداعى كوشەلەردى جارىقتاندىرۋعا بەرىلەتىن ەلەكتر ەنەر­گياسىن 60 پايىزعا دەيىن، كوممۋنال­دىق جەلىلەر مەن جىلۋدى قولدانۋ قىزمەتتەرىن 30 پايىزعا دەيىن، ەلەكتر ەنەرگياسىنا جۇمسالاتىن ەسەپ-شوتتاردى 26 پايىزعا دەيىن تومەندەتۋگە مۇمكىندىك بەرەدى.   «اقىلدى قالانى» دامىتۋ «سيفرلى قازاقستان – 2020» مەملەكەتتىك باعدارلاما­سىنىڭ ءبىر بولىگى بولىپ سانالادى. ۇكى­مەتتىڭ «Smart ءسىty» جوباسىن ەنگىزۋ جوس­پارىندا ەلىمىزدىڭ 5 ءىرى  قالاسى بار – استانا، الماتى، قاراعاندى، شىمكەنت جانە اقتوبە.

الماتى قالاسىندا «Smart Almaty»-نىڭ 7 نەگىزگى جوبالىق باعىتى بار:

– جايلى قالا (كوشەلەردە جاياۋ جۇرگىنشى جولدارىن جاساۋ، باقتار مەن ساياباقتاردى قايتا جوندەۋدەن وتكىزۋ)؛

– «Open Almaty» ( «ءبىر تەرەزە» پرين­ءسيپى بويىنشا الماتى قالاسى اكىم­شىلىگىنىڭ  قوعامدىق قابىلداۋى)؛

– تۇرعىندارعا ارنالعان قولجەتىمدى سەرۆيس (پاتەر يەلەرىنىڭ كووپەراتيۆىنىڭ ونلاين رەجيمدە جۇمىس ىستەۋى، جىلۋ جانە سۋ ماگيسترالدارىنداعى ىسىراپ موني­تورينگىنە ارنالعان ءىoT داچيكتەرىن قولدانۋ)؛

– اشىق بيۋدجەت، اشىق دەرەكتەر (almatygenplan.kz پورتالىنىڭ جۇمىسى، Open Data-دا بيۋدجەت جوبالارى مەن ەسەپتەرىن جاريالاۋ)؛

– زياتكەرلىك كولىك جۇيەسى جانە ءقاۋىپسىز قالا (قالانىڭ كولىك جەلىلەرىن ءبىر جۇيەگە ينتەگراسيالاۋ، قوعامدىق كولىك­تەرگە جول جولاقشالارىن جاساۋ، ۆەلو-دالىزدەر، تۇراقتار جانە جاياۋ جۇرگىنشى جولدارى، جولدار مەن قوعامدىق ورىنداردى بەينەتىركەۋ).

الماتى اقشامى