الماتىدا، «سپورتتىق الماتى» باعدار­لاماسى اياسىندا ۆەلوشەرۋدىڭ توعىزىنشى ماۋسىمى باستالدى. سپورتتىق شاراعا اراسىندا قالا اكىمى بار ەكى  مىڭنان استام ادام  قاتىستى.

مەگاپوليس تۇرعىندارى مەن قوناقتارى «نۇرلى تاۋ» بيزنەس ورتالىعىنان باس­تالىپ، تۇڭعىش پرەزيدەنت ساياباعىنا دەيىن جالعاسقان 9 شاقىرىمدى ققاشىق­تىقتى  باعىندىردى. ۆەلوۋەسقويلارمەن بىرگە بۇل  ۆەلوشەرۋگە الماتى قالاسىنىڭ اكىمى باۋىرجان بايبەك، دەنە شىنىقتىرۋ جانە سپورت باسقارماسىنىڭ باسشىسى  ءابىل  دوڭبايەۆ   قاتىستى.

– وسىنداي  ءىس-شارالار قالا تۇرعىن­دارىنا ۋاقىتىن ءتيىمدى ءارى كوڭىلدى وتكىزۋگە جاقسى مۇمكىندىك. وسى ۋاقىتقا دەيىن ءبىز قوعامدىق  كولىكتەردە، كوشەلەردە، ساياباق­تاردا، كەز-كەلگەن جاستاعى ادامدار  تانى­سىپ، دەمالىپ، جۇمىس جاسايتىنداي جاعداي قالىپتاستىرۋ  جولىندا جۇمىس  اتقارىپ  كەلەمىز، – دەيدى مەگاپوليس اكىمى.

سونىمەن قاتار، باۋىرجان بايبەك قازىرگى تاڭدا قالادا  سالاۋاتتى  ءومىر  سالتى مەن سپورتقا جاقسى كوڭىل ءبولىنىپ  جات­قانىن اتاپ  ءوتتى. الماتىدا بۇگىنگى تاڭدا 68 شاقىرىمدىق ۆەلودالىزى سالىندى. سونى­مەن قاتار، قالاباسشىسى ۆەلوسيپەد­تەردى جالعا بەرەتىن «Almatybءىke» جوباسى قارقىمدى دامىپ، قالانىڭ ورتالىق كوشەلەرىندە 1730 ۆەلوسيپەدكە ارنالعان 200 ۆەلوسيپەد تۇراقتارى جۇمىس ىستەپ تۇرعا­نىن تىلگە تيەك ەتتى. ونىڭ ايتۋىنشا، جىلدا وتەتىن «الماتى تۋرى» ۆەلوجارىسى قالانىڭ تانىمال برەندىنە اينالىپ، الما­تىنىڭ تۋريستىك جانە سپورتتىق قالا ءيميدجى رەتىندە شەت ەلگە تانىمالدىعىن   ارتتىرۋدا.

ماۋسىمنىڭ اشىلۋ ۆەلوشەرۋىنىڭ ءما­رەسىندە قاتىسۋشىلاردىڭ  اراسىندا 20 ۆە­لوسيپەد،  وزگە دە باعالى سىيلىقتار وي­ناتىلدى. بارلىق كەلۋشىلەردىڭ الدىندا ءوز ونەرلەرىمەن Shamsءى، Alءىme توپتارى شىعىپ، ءىس-شارا «Almaty Street Fءىtness»  باعدارلاماسىمەن جالعاسىن  تاپتى.

بىلتىرعى، 2017  جىلى «سپورتتىق ال­ماتى»  باعدارلاماسى بويىنشا  قالادا 21 ۆەلوشەرۋ  ۇيىمداستىرىلىپ،  21 مىڭ  ادام  قاتىسقان بولاتىن.