ق ر قارۋلى كۇشتەرى اسكەري پوليسياسى ورگاندارىنىڭ قۇرىلعانىنا بيىل 21 جىل. وسىعان وراي تالدىقورعان گارنيزونىنىڭ اسكەري پوليسيا جاساعىنىڭ جەكە قۇرامىنا مەرەكەلىك بۇيرىق وقىلىپ، قىزمەت بارىسىندا كوزگە تۇسكەن اسكەري قىزمەتشىلەر باسشىلىقتىڭ گراموتالارىمەن ماراپاتتالدى. سالتاناتتى شارا بارىسىندا اسكەري پوليسيا ءبولىمىنىڭ باستىعى پودپولكوۆنيك قايرات جۇنىسپەكوۆ اسكەري پوليسيانىڭ قۇرىلۋى مەن مىندەتتەرىنە ارنايى توقتالىپ ءوتتى.   

–تالدىقورعان گارنيزونىنىڭ اسكەري پوليسياسى اسكەري كومەنداتۋرا مەن اۆتوموبيل ينسپەكسياسىنان باستاۋ العان. ءبولىم بۇگىندە ق ر قارۋلى كۇشتەرىنىڭ ارنايى اسكەري قۇرىلىمدىق بولىمشەلەرىنىڭ ءبىرى بولىپ تابىلادى. قۇرىلعان كۇننەن بەرى ق ر كونستيتۋسياسىن، «اسكەري پوليسيا ورگاندارى تۋرالى» ق ر زاڭىن، سونداي-اق وزگە دە نورماتيۆتىك-قۇقىقتىق اكتىلەردى باسشىلىققا الا وتىرىپ ءوز جۇمىسىمىزدى تىڭعىلىقتى جۇرگىزىپ كەلەمىز، – دەدى پودپولكوۆنيك ق.جۇنىسپەكوۆ.

اتالعان قۇرىلىمدىق بولىمشە ق ر زاڭدارىمەن بەلگىلەنگەن قۇزىرى شەگىندە قىلمىستار مەن قۇقىق بۇزۋشىلىقتاردى انىقتايدى، ولاردىڭ الدىن الادى. قىلمىس پەن قۇقىق بۇزۋشىلىقتاردىڭ سالدارىمەن كۇرەسىپ قانا قويماي، ولاردى جاساۋعا ىقپال ەتەتىن جاعدايلاردىڭ سەبەبىنە ءۇڭىلىپ، تەرگەۋ امالدارىن جۇرگىزەدى. اسكەري ءبولىمدى ءوز بەتىمەن تاستاپ كەتكەن تەرگەۋ ورگاندارى مەن سوتتان جاسىرىنىپ جۇرگەن اسكەري قىزمەتشىلەردى ىزدەۋدە دە قارقىندى جۇمىس اتقارىپ كەلەدى.

سونىمەن قاتار، اسكەري پوليسيا ءبولىمى ازاماتتاردىڭ ارىز-شاعىمدارىن قارايدى، گارنيزونداعى اسكەري بولىمدەر بويىنشا توتەنشە جاعدايلار جايلى جەدەل اقپاراتتى تىركەپ، ونى تالدايدى.

بۇدان باسقا زاڭمەن بەلگىلەنگەن ءتارتىپ بويىنشا مەرزىمدى جانە كەلىسىمشارتتى اسكەري قىزمەتكەرلەرمەن، اسكەري جيىن كەزىندە زاپاستاعى ازاماتتارمەن، اسكەري بولىمدەر مەن مەكەمەلەر ىشىندەگى ازاماتتىق پەرسونالمەن ولاردىڭ قىزمەت اتقارۋ بارىسىندا نەمەسە سول ءبولىم ىشىندە جاساعان قىلمىستارىن اشكەرەلەپ، تەرگەۋ امالدارىن جۇرگىزەدى.