الماتى قالاسىنىڭ وڭىرلىك كوممۋنيكاسيالار قىزمەتىندە «قازاقستان رەسپۋبليكاسىندا تەحنيكالىق رەتتەۋدەگى مەترولوگيا جانە اككرەديتتەۋ جۇيەسىن جەتىلدىرۋ» تاقىرىبىندا باسپا ءسوز كونفەرەنسياسى ءوتتى. بريفينگكە قازاقستان رەسپۋبليكاسى ينۆەستيسيالار مينيسترلىگى تەحنيكالىق رەتتەۋ جانە مەترولوگيا كوميتەتىنىڭ الماتى قالاسى بويىنشا دەپارتامەنتىنىڭ باسشىسى ساۋىقبەك ءارىپ ۇلى قاتىسىپ، بەلگىلەنگەن تاقىرىپ اياسىندا وي ءوربىتتى.

قاپايەۆ ساۋىقبەكتىڭ سوزىنە سۇيەنسەك، 2019 - جىل مەملەكەتتىك باقىلاۋ جۇيەسى مەن سايكەستىكتى باعالاۋ سالاسىن جەتىلدىرۋ. تەحنيكالىق رەتتەۋ جۇيەسىن رەفورمالاۋدىڭ ەكىنشى كەزەڭىنىڭ شەڭبەرىندە سايكەستىكتى باعالاۋ جۇيەسىن جەتىلدىرۋ جۇمىستارى باستالدى، ءبىرقاتار پروبلەمالىق ماسەلەلەردى شەشۋدى قاراستىراتىن ءبىرقاتار زاڭنامالىق اكتىلەرگە ۇسىنىستار ازىرلەنۋدە:

بىرىنشىدەن، سەرتيفيكاتتاۋ سىناقتارىنىڭ ناتيجەلەرىنە ءوزارا سەنىمنىڭ تومەندەۋى؛

ەكىنشى پروبلەمالىق ماسەلە يمپورتتاۋشىلاردىڭ «تاۋارلاردى شارتتى تۇردە شىعارۋ» كەدەندىك ءراسىمى ارقىلى سەرتيفيكاتتاۋدان جالتارۋى بولىپ تابىلادى.

تەحنيكالىق رەتتەۋ، ونىڭ ىشىندە مەملەكەتتىك باقىلاۋ ماسەلەلەرى بويىنشا احۋالدى ماسەلەلەردى شەشۋ بويىنشا جۇيەلىك شارالار قابىلداۋ ءۇشىن 2018 جىلدىڭ ءبىرىنشى توقسانىنىڭ سوڭىنا قاراي «تەحنيكالىق رەتەۋ ماسەلەلەر بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭ جوباسىنىڭ تۇجىرىمداماسى دايىندالادى. وسى زاڭ اكتىسىن قابىلداۋ 2019 جىلى اياقتالادى، - دەپ حابارلادى دەپارتامەنت باسشىسى ساۋىقبەك ءارىپ ۇلى.

ءوزىنىڭ قۇزىرەتى شەگىندە، 2017 جىلى دەپارتامەنت ەلەكتر جانە جىلۋ ەنەرگياسىن، دەنساۋلىق ساقتاۋ، بايلانىس قىزمەتتەرى، جانارماي قۇيۋ ستانسيالارىن، سايكەستىكتى باعالاۋ جانە سالىستىرىپ-تەكسەرۋ زەرتحانالارى كاسىپورىندارىنىڭ قىزمەتىن تەكسەردى.

سونىمەن، جىلدىڭ قورىتىندىسى بويىنشا 128 تەكسەرۋ جۇرگىزىلدى (ولاردىڭ ىشىندەگى 53ء-ى كەستەستەگە سايكەس ىرىكتەلىپ تەكسەرۋ، 75ء-ى جوسپاردان تىس شاعىمدار بويىنشا تەكسەرۋلەر)، قازاقستان رەسپۋبليكاسىنىڭ تەحنيكالىق رەتتەۋ جانە ولشەم بىرلىگىن قامتاماسىز ەتۋ سالاسىنداعى زاڭناماسىن بۇزۋ بويىنشا 71 فاكت ورىن الدى، بۇل  تەكسەرۋدىڭ جالپى 55% قۇرادى،-دەپ اتاپ ءوتتى ول.

دەپارتامەنت رەسپۋبليكالىق بيۋدجەتتەن بولىنگەن قاراجاتتىڭ شەڭبەرىندە ءبۋىپ-تۇيۋ ونىمدەرىنىڭ 109 ۇلگىلەرىن جالپى سوماسى 315 725،74 تەڭگەگە ساتىپ الىپ، ونىڭ ىشىدە 32 تاۋار ءتۇرى ناقتى سالماققا سايكەس كەلمەگەندىگىن انىقتادى.

تەكسەرۋدىڭ قورىتىندىلارى بويىنشا اينالىمنان 3381 بىرلىك ولشەۋ قۇرالدارىن قولدانۋعا جارامسىز جانە ماسساعا سايكەس كەلمەيتىن 32 پارتيا ونىمدەرىن ساتۋعا تىيىم سالۋ تۋرالى، سونداي-اق انىقتالعان بۇزۋشىلىقتاردى جويۋ تۋرالى نۇسقامالار بەرىلدى.

مەملەكەتىك باقىلاۋدىڭ قورىتىندىسى بويىنشا زاڭ بۇزۋشىلارعا جالپى سوماسى 11 ملن. 617 مىڭ. 280 تەڭگە اكىمشىلىك ايىپپۇل سالىندى، - دەپ ءسوزىن قورىتىندىلادى ساۋىقبەك ءارىپ ۇلى.

الماتى قالاسىندا 969 زەرگەرلىك اشەكەيلەردى ساتۋعا تىيىم سالىنعان.

بۇل تۋرالى تولىق اقپاراتتى الماتى قالاسىنىڭ وڭىرلىك كوممۋنيكاسيالار قىزمەتى الاڭىندا قازاقستان رەسپۋبليكاسى ينۆەستيسيالار مينيسترلىگى تەحنيكالىق رەتتەۋ جانە مەترولوگيا كوميتەتىنىڭ الماتى قالاسى بويىنشا دەپارتامەنتىنىڭ باسشىسى ساۋىقبەك ءارىپ ۇلى مالىمدەدى.

ونىڭ ايتۋىنشا، «اسىل تاستار مەن باعالى مەتالدار تۋرالى» قازاقستان رەسپۋبليكاسىنىڭ زاڭىنا سايكەس، زەرگەرلىك بۇيىمداردى ساتاتىن 41 شارۋاشىلىق جۇرگىزۋشى سۋبەكتىسىنە قاتىستى جوسپاردان تىس تەكسەرۋلەر جۇرگىزىلىپ جانە 36 ۇيىمدا زاڭ بۇزۋشىلىقتار انىقتالدى، اتاپ ايتقاندا، ۋاكىلەتتى ۇيىمداردىڭ كودتارىمەن قازاقستان رەسپۋبليكاسىنىڭ «بارىس باسى» بەلگىسى جانە حالىقارالىق «KZ» بىرەگەي اببريەۆياتۋراسى بەلگىسى بولماۋى.

انىقتالعان زاڭ بۇزۋشىلىقتارعا سايكەس 969 زەرگەرلىك اشەكەيلەردى ساتۋعا تىيىم  سالۋ تۋرالى بۇزۋشىلىقتاردى جويۋ نۇسقامالارى بەرىلدى جانە جالپى سوماسى 6 580 100 تەڭگە قۇراعان اكىمشىلىك ايىپپۇلدار سالىندى،-دەيدى ول.

سونداي-اق، قازاقستان رەسپۋبليكاسىنىڭ اۋماعىنا الىپ كەلىنەتىن جانە قازاقستان رەسپۋبليكاسى اۋماعىنان شىعارىلاتىن اسىل تاستار، زەرگەرلىك جانە باسقادا بۇيىمداردى قازاقستان رەسپۋبليكاسىنىڭ اۋماعىنا ەۋرازيالىق ەكونوميكالىق وداققا كىرمەيتىن ەلدەردەن اكەلىنەتىن وپەراسيالاردى جۇزەگە اسىرۋ جانە قازاقستان رەسپۋبليكاسىنىڭ اۋماعىنان زەرگەرلىك بۇيىمداردى وسى ەلدەرگە ەكسپورتتاۋ ءۇشىن 2017 جىلى 18 زاڭدى تۇلعالار جانە جەكە كاسىپكەرلەر ارنايى ەسەپكە قويىلدى.

746 098 بىرلىك زەرگەرلىك بۇيىمدارعا 331 مەملەكەتتىك باقىلاۋ اكتىلەرى بەرىلدى (ونىڭ ىشىندە 152 383 بىرلىككە 267 كىرگىزۋ اكتىسى، 593 715 بىرلىككە 64 شىعارۋ اكتىسى).

دەپارتامەنتپەن قالانىڭ كاسىپورىندارىندا جانە ۇيىمدارىندا باسقارۋ جۇيەلەرىن ەنگىزۋ جۇيەسى تۇراقتى تۇردە تالدانىپ وتىرادى.

دەپارتامەنتتىڭ جۇرگىزگەن تالداۋ كورسەتكىشى بويىنشا 2017 جىلدىڭ 31 جەلتوقسانىنداعى قورىتىندىسىنا سايكەس الماتى قالاسىندا 2005 كاسىپورىندا سمج ەنگىزدى، - دەپ ايتىپ ءوتتى ساۋىقبەك قاپايەۆ ءوز سوزىندە.