دەپارتامەنتتىڭ زەرتحانالىق-تالدامالى باقىلاۋ بولىمىمەن 4536 سىنامالار الىنعان.

بۇل تۋرالى الماتى قالاسى وڭىرلىك كوممۋنيكاسيالار قىزمەتىندە –دە الماتى قالاسى بويىنشا ەكولوگيا دەپارتامەنتىنىڭ باسشىسى ورمان اقكوزييەۆ مالىمدەدى.

دەپارتامەنتتىڭ زەرتحانالىق-تالدامالى باقىلاۋ بولىمىمەن 2016-2017 جىلدارى بارلىعى 4536 سىنامالار الىندى، سونىڭ ىشىندە اتموسفەرالىق اۋا – 12، ۇيىمداستىرىلعان كوزدەردەن (ونەركاسىپتىك شىعارىندىلار) - 1643، قوزعالمالى كوزدەر بويىنشا - 2299، توپىراق جامىلعىسى - 102، سۋ – 476 جانە رادياسيالىق باقىلاۋ – 4. 11844 قورشاعان ورتا كومپونەنتتەرى تالداندى.

اناليتيكالىق باقىلاۋ ناتيجەسى بويىنشا 1 784 718 تەڭگەنى قۇرايتىن 58 تالاپ ءوندىرىلىپ الىندى، ال حيميالىق-تالدامالىق جۇمىستار ناتيجەسىندە سوماسى 6 811 820 تەڭگەنى قۇرايتىن 131 ايىپپۇل سالىنىپ ءوندىرىلدى،-دەپ اتاپ ءوتتى دەپارتامەنت باسشىسى.

مەملەكەتتىك قىزمەت كورسەتۋ قىزمەتى بويىنشا دەپارتامەنتپەن 2016-2017 جىلدارى مەملەكەتتىك ەكولوگيالىق ساراپتامانىڭ قورىتىندىسىن الۋعا 35 جوبالىق ماتەريالدار قارالدى. ونىڭ ىشىندە 8 مەملەكەتتىك ەكولوگيالىق ساراپتاماعا وڭ قورىتىندىلار بەرىلدى. سونداي-اق، قورشاعان ورتاعا ەميسسياعا رۇقسات الۋعا 8 ءوتىنىم قاراستىرىلىپ، 2 ەكولوگيالىق رۇقسات بەرىلدى. مەملەكەتتىك قىزمەتتەر دەپاراتمەنتپەن تولىعىمەن ەلەكتروندى فورماتتا «ە-ليسەنزيالاۋ «مەملەكەتتىك دەرەكتەر بازاسى» ارقىلى كورسەتىلەدى،-دەيدى ول.