تابيعات پايدالانۋشىلاردىڭ ارنايى سۋ پايدالانۋعا رۇقساتتىڭ بولماۋىنان 216 452 235 تەڭگە ايىپپۇل سالىنعان.

بۇل تۋرالى الماتى قالاسى وكق  الاڭىندا  الماتى قالاسى بويىنشا ەكولوگيا دەپارتامەنتىنىڭ باسشىسى ورمان اقكوزييەۆ حابارلادى.

 جەراستى سۋلارىن زاڭسىز ءوندىرۋ تابيعي رەسۋرستاردىڭ سارقىلۋىنا اكەپ سوقتىرىپ، قورشاعان ورتاعا زالالىن تيگىزدى جانە قازاقستان رەسپۋبليكاسى كونستيتۋسياسىنىڭ 6 بابىنىڭ 3 تارماعىنىڭ سايكەس جەر جانە ونىڭ قويناۋى، سۋ كوزدەرى، وسىمدىكتەر مەن جانۋارلار دۇنيەسى، باسقا دا تابيعي رەسۋرستار مەملەكەت مەنشىگىندە بولادى نەگىزگى ەرەجەلەرى بۇزىلعان. ق ر ەكولوگيالىق كودەكسىنىڭ 12 بابىنىڭ، 1، 2 تارماقتارىنا، ق ر سۋ كودەكسىنىڭ 66 بابىنا، ق ر «جەر قويناۋى جانە جەر قويناۋىن پايدالانۋ» زاڭىنىڭ 35 بابىنا سايكەس تابيعي رەسۋرستاردى پايدالانۋ تابيعاتتى ارنايى پايدالانۋ قۇقىعى اياسىندا ۋاكىلەتتى ورگانداردىڭ رۇقساتىنا سايكەس جۇزەگە اسىرىلادى. ق ر ەكولوگيالىق كودەكسىنىڭ 1 بابىنىڭ 42 تارماقشاسىنا، 5 بابىنىڭ 7 تارماقشاسىنا، 321 بابىنىڭ 2 تارماعىنا سايكەس تابيعي رەسۋرستار ءتيىستى تۇردە رەسىمدەلمەگەنگەن رۇقساتسىز پايدالانۋ قورشاعان ورتاعا زيان كەلتىرۋ دەپ تانىلادى جانە ول مىندەتتى تۇردە وتەلۋى قاجەت.

جوعارىدا اتالعان تابيعات پايدالانۋشىلاردى تەكسەرۋدىڭ ناتيجەسى بويىنشا ارنايى سۋ پايدالانۋعا رۇقساتتىڭ بولماۋىنا بايلانىستى، جالپى سوماسى 216 452 235 تەڭگەنى قۇرايتىن اكىمشىلىك جازا قولدانۋ تۋرالى قاۋلى شىعارىلدى جانە قورشاعان ورتاعا كەلتىرگەن زالالدى وتەۋ جونىندە شاعىمدار ۇسىنىلدى.

قازىرگى تاڭدا ازاماتتىق وندىرىستەر بويىنشا 2016-2017 جىلدارداعى سوت پروسەسستەرى تولىعىمەن اياقتالعان، - دەيدى ول.