الماتى قالاسىنىڭ 45 % پايىزىن جاستار قۇرايدى.
بۇگىن الماتى قالاسىنىڭ وڭىرلىك كوممۋنيكاسيالار قىزمەتى الاڭىندا الماتى قالاسى جاستار ساياساتى ماسەلەلەرى جونىندەگى باسقارماسىنىڭ باسشىسى بەسكەمپىروۆ شىڭعىس جۇماعالي ۇلىنىڭ قاتىسۋىمەن بريفينگ ءوتتى.
باسقارما باسشىسى شىڭعىس جۇماعالي ۇلىنىڭ ايتۋىنشا، الماتى جاستار قالاسى بولىپ سانالادى. قالانىڭ ءاربىر ەكىنشى تۇرعىنى جاستار قاتارىنا جاتادى. 14 پەن 35 جاس ارالىعىندا 800 مىڭعا جۋىق جاستار ءومىر سۇرەدى جانە ول قالانىڭ بارلىق تۇرعىنىنىڭ 45،2% پايىزىن قۇرايدى.
جاستار ساياساتى سالاسىنداعى نەگىزگى مىندەتتەردى شەشۋ ءۇشىن، ەلباسى نۇرسۇلتان ءابىش ۇلى نازاربايەۆتىڭ تاپسىرماسى بويىنشا، 2017 جىل الماتى قالاسىندا جاستار جىلى بولىپ جاريالاندى، - دەپ باياندادى باسقارما باسشىسى.
جاستار جىلى، سونىمەن قاتار «بولاشاققا باعدار: رۋحاني جاڭعىرۋ» اتتى مەملەكەت باسشىسىنىڭ جوباسى اياسىندا «2020 جىلعا دەيىن جاستاردى قولداۋ جول كارتاسى» جوباسى جاسالدى. اتالمىش قۇجات قۇرامىندا قالا ءۇشىن تەڭدەسسىز شارالار قاراستىرىلعان. جول كارتاسى جاستار مەن قوعام اراسىندا كەڭ اۋقىمدى تالقىعا ءتۇسىپ (50-دەن استام كەزدەسۋلەر وتكىزىلدى)، قوعامدىق كەڭەس پەن قالالىق ماسليحاتپەن ماقۇلداندى.
جول كارتاسىنىڭ ەڭ باستى ماقساتى – جاستاردىڭ وزىندىك دامۋى مەن جان-جاقتى دامۋىنا جاعداي جاساۋ، مەگاپوليس تالابىنا ساي ءومىر سۇرۋگە ۇيرەتۋ، جاستار اراسىندا سالاۋاتتى ءومىر سالتىن ساقتاۋدى دامىتۋ بولىپ تابىلادى.
قۇجات بارلىعى 5 باستى باعىتتا جاساقتالعان:
- ساپالى ءبىلىم؛
- جۇمىس باستىلىق پەن جۇمىسقا ورنالاسۋ؛
- مادەني دەمالىس جانە سالاۋاتتى ءومىر سالتى؛
- باسپانا جانە جاس وتباسىلارعا كومەك؛
- بەلسەندى جاستار قالاسى، - دەپ اتاپ ءوتتى باسقارما باسشىسى شىڭعىس جۇماعالي ۇلى.
