جاستار اراسىنداعى ستارتاپ-جوبالارعا كومەك كورسەتۋ ماقساتىندا «Zhastar Innovation» جوباسى ىسكە قوسىلدى.
بۇل تۋرالى الماتى قالاسى وڭىرلىك كوممۋنيكاسيالار قىزمەتىنىڭ الاڭىندا وتكەن بريفينگتە الماتى قالاسى جاستار ساياساتى ماسەلەلەرى جونىندەگى باسقارماسىنىڭ باسشىسى شىڭعىس جۇماعالي ۇلى ايتتى.
شىڭعىس جۇماعالي ۇلىنىڭ اقپاراتى بويىنشا، «Zhastar Innovation» بارلىعىنا تانىمال برەندكە اينالدى، ەڭ باستىسى جاس عالىمدار مەن ونەر تاپقىشتاردىڭ ءوز تۋىندىلارىن كورسەتىپ، ارى قاراي دامىتاتىن، جاڭا ويلارىمەن ءبولىسىپ، سول جوبالارىنا ينۆەستورلار تابا الاتىن اشىق الاڭىنا اينالدى.
وسى جوبا اياسىندا: 3 ستارتاپ كورمە، بيزنەس-ترەنەرلەرمەن كاسىپكەرلىك باعىتىندا 8 سەمينار-ترەنينگ، جوبانىڭ نەگىزگى جۇمىستارىنىڭ ءبىرى بولعان، تانىمال كاسىپكەرلەردىڭ قاتىسۋىمەن وتكەن، 3 مودۋلدىق وقۋ جۇيەسى بار 5 كەزدەسۋ جانە تاعى دا كوپتەگەن قىزىقتى ءارى پايدالى شارالار وتكىزىلدى. شاراعا بارلىعى 100 جوبا قاتىستى جانە دە جەڭىمپازدار 10 نوميناسيا بويىنشا اقشالاي ماراپپاتتالدى. جوبانىڭ نەگىزگى قاتىسۋشىلار سانى 5000-نان، ال قوسىمشا قاتىسۋشىلار سانى 200 000-نان استى.
جاستاردى سالاۋاتتى ءومىر سالتىن ۇستانۋعا جانە دە ازاماتتىق مادەنيەتكە تاربيەلەۋ ماقساتىندا 2017 جىلى مادەني دامۋعا ۇلەس قوساتىن، سپورتتىق شارالار وتكىزىلدى – «الماتى ق. ەرىكتىلەر كورپۋسى»، كۆن ويىندارى، «جايدارمان»، «كوزقاراس» جاس ەكسپەرتتەر ديسكۋسس كلۋبى، «مەنىڭ ەلىم» دەبات ويىندارى، رەسپۋبليكالىق دەلفيي ويىندارى، جالپىقالالىق ۆەلوجارىستار. سونىمەن قاتار، جاس وتباسىن قالىپتاستىرۋ، اتا-انالىق جاۋاپكەرشىلىكتى ارتتىرۋ، وتباسى قۇندىلىقتارىن وسىرۋگە پروپاگاندا جاسايتىن «جاس وتباسى» جوباسى ىسكە قوسىلدى،-دەپ اتاپ ءوتتى باسقارما باسشىسى شىڭعىس جۇماعالي ۇلى.
«الماتى جاستارى» جوباسى اياسىندا 100 جاس وتباسى جاڭا قونىس يەسى اتاندى.
ونىڭ سوزىنشە، ستۋدەنتتىك جاتاقحانا مەن جاس وتباسىلارعا قولجەتىمدى باسپانا ۇسىنۋداعى ماسەلەلەردى شەشۋ جولىندا، جول كارتاسى قۇجاتى اياسىندا، الماتى قالاسىنىڭ ستۋدەنتتەرىنە، 2020 جىلعا دەيىن 20 جاڭا جاتاقحانا سالۋ جوسپارلاندى. جوو-دارىنا ارنالعان 20 جاڭا جاتاقحانانىڭ، 5-ەۋى (2 500 ورىن) اعىمداعى جىلدىڭ اياعىنا دەيىن قۇرىلىس جۇمىستارىن اياقتايتىن بولادى.
جول كارتاسى بارىسىندا، «الماتى جاستارى» جەڭىلدەتىلگەن باسپانامەن قامتۋ جوباسى بويىنشا «جيلسترويسبەربانك» ارقىلى نەسيەمەن باسپانا الۋدىڭ العاشقى قادامدارى جاسالدى. جەرگىلىكتى بيۋدجەتتەن ارنايى جوبا ءۇشىن ءبىر ميلليارد تەڭگە كولەمىندە قارجى ءبولىندى.
«الماتى جاستارى» جوباسىنىڭ تاعى ءبىر ارتىقشىلىعى قاتىسۋشىلاردىڭ جاس مولشەرىن 35 جاسقا دەيىن ۇلعايتىلعاندىعىندا. حالىقتىڭ الەۋمەتتىك وسال بولىگىنە – كوپبالالى وتباسى، 1ء-شى جانە 2ء-شى توپتاعى مۇگەدەكتەر، تولىق ەمەس وتباسى جانە جەتىمدەرگە ءبىراز جەڭىلدىك شارالارى قاراستىرىلعان. تومەن پايىزدىق مولشەرلەمە – 10 ملن. تەڭگەگە دەيىنگى نەسيەلەر، جىلىنا 5% وسىممەن بەرىلەتىن بولادى. جىل اياعىندا «الماتى جاستارى» جوباسى بويىنشا 100 جاس وتباسى جاڭا قونىس يەسى اتانادى،-دەپ ايتىپ ءوتتى ول ءوز سوزىندە.
سونىمەن قاتار، اق «نك «سپك «الماتى» ارقىلى جاستارعا (ستۋدەنتتەر، 35 جاسقا دەيىنگى جاس وتباسىلار ج.ت.ب) ارنالىپ جاتاقحانالار سالۋ جوباسى قاراستىرىلۋدا. قازىرگى تاڭدا الماتى ەنەرگەتيكالىق جانە بايلانىس ۋنيۆەرسيتەتىمەن، اباي اتىنداعى قازاق ۇلتتىق پەداگوگيكالىق ۋنيۆەرسيتەتىمەن، الماتى مەنەدجمەنت ۋنيۆەرسيتەتىمەن جانە دە
س.د. اسفەندياروۆ اتىنداعى قازاق ۇلتتىق مەديسينالىق ۋنيۆەرسيتەتىمەن مەموراندۋمعا قول قويىلدى،-دەپ باياندادى باسقارما باسشىسى شىڭعىس جۇماعالي ۇلى.
الماتى قالاسىنىڭ 45 % پايىزىن جاستار قۇرايدى.
باسقارما باسشىسى شىڭعىس جۇماعالي ۇلىنىڭ ايتۋىنشا، الماتى جاستار قالاسى بولىپ سانالادى. قالانىڭ ءاربىر ەكىنشى تۇرعىنى جاستار قاتارىنا جاتادى. 14 پەن 35 جاس ارالىعىندا 800 مىڭعا جۋىق جاستار ءومىر سۇرەدى جانە ول قالانىڭ بارلىق تۇرعىنىنىڭ 45،2% پايىزىن قۇرايدى.
جاستار ساياساتى سالاسىنداعى نەگىزگى مىندەتتەردى شەشۋ ءۇشىن، ەلباسى نۇرسۇلتان ءابىش ۇلى نازاربايەۆتىڭ تاپسىرماسى بويىنشا، 2017 جىل الماتى قالاسىندا جاستار جىلى بولىپ جاريالاندى، - دەپ باياندادى باسقارما باسشىسى.
جاستار جىلى، سونىمەن قاتار «بولاشاققا باعدار: رۋحاني جاڭعىرۋ» اتتى مەملەكەت باسشىسىنىڭ جوباسى اياسىندا «2020 جىلعا دەيىن جاستاردى قولداۋ جول كارتاسى» جوباسى جاسالدى. اتالمىش قۇجات قۇرامىندا قالا ءۇشىن تەڭدەسسىز شارالار قاراستىرىلعان. جول كارتاسى جاستار مەن قوعام اراسىندا كەڭ اۋقىمدى تالقىعا ءتۇسىپ (50-دەن استام كەزدەسۋلەر وتكىزىلدى)، قوعامدىق كەڭەس پەن قالالىق ماسليحاتپەن ماقۇلداندى.
جول كارتاسىنىڭ ەڭ باستى ماقساتى – جاستاردىڭ وزىندىك دامۋى مەن جان-جاقتى دامۋىنا جاعداي جاساۋ، مەگاپوليس تالابىنا ساي ءومىر سۇرۋگە ۇيرەتۋ، جاستار اراسىندا سالاۋاتتى ءومىر سالتىن ساقتاۋدى دامىتۋ بولىپ تابىلادى.
