ەلىمىزدە وتكەن جىلدارمەن سالىستىرعاندا ءولىم-جىتىم كورسەتكىشى 27 پايىزعا تومەندەگەن. بۇل جونىندە ورتالىق كوممۋنيكاسيالار قىزمەتىندە وتكەن «جالپىعا ورتاق دەنساۋلىق ساقتاۋ قىزمەتىنە» ارنالعان باسپا ءسوز ماسليحاتىندا ايتىلدى.

 «سوڭعى 10 جىلدا ءومىر ءسۇرۋ ۇزاقتىعىنىڭ 6 جىلعا ۇلعايعانى بايقالادى، 2016 جىلدىڭ قورىتىندىسى بويىنشا قازاقستاندىقتاردىڭ ءومىر ءسۇرۋ ۇزاقتىعى 72،3 جاسقا جەتتى، ءولىم 27 پايىزعا تومەندەدى، انا ءولىمى 4 ەسە تومەندەدى، نارەستە ءولىمى 1،6 ەسە تومەندەدى، تۋبەركۋلەزدەن ءولىم 5 ەسە تومەندەدى، قجا-دان بولاتىن ءولىم 3 ەسە تومەندەدى، ال قاتەرلى ىسىكتەردەن بولاتىن ءولىم 20%-عا تومەندەدى» - دەپ مالىمدەدى دسم مەديسينالىق كومەكتى ۇيىمداستىرۋ دەپارتامەنتىنىڭ ديرەكتورى لاۋرا احمەتنيازوۆا.

دەنساۋلىق ساقتاۋ جۇيەسىنىڭ قىزمەتى اۋرۋلاردىڭ الدىن الۋعا، ەرتە انىقتاۋعا جانە ءتيىمدى ەمدەۋگە باسىمدىقتى باعىتتالعانىن، مەملەكەت قابىلداعان كەشەندى شارالار قازاقستاندىقتاردىڭ ءومىر ءسۇرۋ ۇزاقتىعىن ۇلعايتۋ جانە ساپاسىن جاقسارتۋ بويىنشا ەلەۋلى ناتيجيەلەر بەرگەنىن اتاپ ءوتتى.

«مەديسينالىق قىزمەتتىڭ قولجەتىمدىلىگىن قامتاماسىز ەتۋ ماقساتىندا جەكەمەنشىك كلينيكالاردى حالىققا قىزمەت كورسەتۋگە كوپتەپ جۇمىلدىرۋدى قور قولعا الدى جانە بيىلعى جىلى 1390 كومپانيانىڭ 602ء-ى - جەكەمەنشىك كلينيكالارىمەن كەلىسىمشارت بەكىتىلدى»، - دەيدى ل. احمەتنيازوۆا.

سپيكەردىڭ سوزىنە سۇيەنسەك،بۇل حالىققا تەگىن قىزمەت كورسەتەتىن مەديسينا ۇيىمدارىنىڭ 43 پايىزىن قۇرايدى. بۇل كورسەتكىش 2017 جىلمەن سالىستىرعاندا 183-كە ارتقان.

2017 جىلدىڭ قورىتىندىسىنا سايكەس، 2016 جىلمەن سالىستىرعاندا بىلتىر ءولىم-جىتىم بويىنشا نەگىزگى كورسەتكىشتەر جاقساردى. جالپى ءولىم-جىتىم 3،1%، نارەستەلەردىڭ ءولىمى 6،2% ، انالار ءولىمى 5،5%، قان اينالىم جۇيەسىنەن ءولىم-جىتىم 1،8%، قاتەرلى ىسىكتەردەن 5،3 %، تۋبەركۋلەزدەن 11،8 % تومەندەدى. 2017 جىلى 11 ملن استام سكرينينگتىك تەكسەرىس وتكىزىلگەن. 806 مىڭ ادامدا سىرقات تابىلىپ، ولاردىڭ 46 پايىزى ديسپانسەرلى باقىلاۋعا الىندى. حالىقارالىق ساراپشىلار كەڭەسى بويىنشا، سكرينينگتىڭ 4 ءتۇرى ءتيىمسىز بولعاندىقتان توقتاتىلعان. الايدا، سكرينينگتەن وتەتىن ادامداردىڭ جاسى ۇلعايتىلىپ، قارالۋدىڭ جيىلىگى ارتتى. تۇرعىنداردىڭ يممۋنوپروفيلاكتيكامەن قامتىلۋى 2017 جىلى 97% قۇرادى.

ادامي كاپيتالدى دامىتۋ ماقساتىندا قازاقستان ءوز ازاماتتارىنىڭ ءومىر ءسۇرۋ ۇزاقتىعىن جاقسارتۋ قاجەت.