الماتى قالاسىندا «زايىرلىلىق جانە ءدىنتانۋ نەگىزدەرى» فاكۋلتاتيۆتى كۋرسى وقىتىلادى.

بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگ بارىسىندا ءدىن ىستەرى جونىندەگى باسقارماسىنىڭ باسشىسى ەسەنبەكوۆ ايدار راحىمجان ۇلى مالىمدەدى.

ايدار راحىمجان ۇلىنىڭ اقپاراتىنشا، قازاقستان رەسپۋبليكاسى ءبىلىم جانە عىلىم ءمينيسترىنىڭ 2009 جىلعى 22 شىلدەدەگى №353 بۇيرىعىنا سايكەس 2009-2010 وقۋ جىلىنان باستاپ جالپى ورتا ءبىلىم بەرەتىن مەكتەپتەردىڭ 9 سىنىپتارى ءۇشىن «زايىرلىلىق جانە ءدىنتانۋ نەگىزدەرى» فاكۋلتاتيۆتى كۋرسى (جىلىنا 34، اپتاسىنا 1 ساعات) ەنگىزىلدى.

«زايىرلىلىق جانە ءدىنتانۋ نەگىزدەرى» كۋرستىق ءپانى بويىنشا ديپلومى بار ماماندار سانىنىڭ جەتىسپەۋشىلىگىنە بايلانىستى فاكۋلتاتيۆتى كۋرستى تاريح ءپانىنىڭ مۇعالىمدەرى جۇرگىزەدى. ءدىن سالاسىنان الماتى قالاسىنداعى مۇعالىمدەردىڭ دايىندىق جانە حاباردارلىق دەڭگەيىنىڭ تومەندىگىن كورسەتكەن 2017 جىل باسىندا «زايىرلىلىق جانە ءدىنتانۋ نەگىزدەرى» ءپانى وقىتۋشىلارىنىڭ جۇمىسى جانە ءبىلىمى تالدانعان بولاتىن

اتالعان ماسەلەنى شەشۋ ءۇشىن 2017 جىلى «زايىرلىلىق جانە ءدىنتانۋ نەگىزدەرى» ءپانىنىڭ وقىتۋشىلارى ءۇشىن بىلىكتىلىكتى ارتتىرۋدىڭ 72 ساعاتتىق كۋرسى ۇيىمداستىرىلدى. وتكىزىلگەن كرۋستارعا قاتىسۋشىلاردىڭ جالپى سانى 115 ادامدى قۇرادى. اعىمداعى جىلى اتالعان ءپاننىڭ مۇعالىمدەرىن 100% قامتۋعا مۇمكىندىك بەرەتىن وسىنداي 5 كۋرستى وتكىزۋ جوسپارلانۋدا.

بۇدان وزگە، باسقارمانىڭ مەملەكەتتىك الەۋمەتتىك تاپسىرىسى اياسىندا «زايىرلىلىق جانە ءدىنتانۋ نەگىزدەرى» ءپانى وقىتىلۋىن ساراپشىلاردىڭ قاتىسۋىمەن (ءدىنتانۋ سالاسىنداعى جوعارى بىلىكتى ماماندار) تاۋەلسىز مونيتورينگىلەۋ ۇيىمداستىرىلدى. مىسالىعا، «پەداگوگيكالىق عىلىمدار اكادەمياسى» قوعامدىق بىرلەستىگى جانە ءال-فارابي اتىنداعى قازاق ۇلتتىق ۋنيۆەرسيتەتىنىڭ ءدىنتانۋ جانە مادەنيەتتانۋ كافەدراسى «زايىرلىلىق جانە ءدىنتانۋ نەگىزدەرى» پانىنەن ساباق بەرەتىن جالپى ورتا ءبىلىم بەرەتىن مەكتەپتەردىڭ وقىتۋشىلارى ءۇشىن سەمينار وتكىزدى. سەمينارعا قالانىڭ 8 اۋدانىنان 90 ءمۇعالىم قاتىستى. سونداي-اق، قالا مەكتەپتەرىنىڭ 600-دەن استام وقۋشىلارىنىڭ اراسىندا ساۋالناما، «زايىرلىلىق جانە ءدىنتانۋ نەگىزدەرى» ءپانىنىڭ وقىتۋشىلارى ءۇشىن 9 فوكۋس گرۋپپا وتكىزدى، - دەپ حابارلادى ايدار راحىمجان ۇلى ءوز سوزىندە.

ءدىني ەكسترەميزم مەن تەرروريزمنىڭ الدىن-الۋعا باعىتتالعان 24 الەۋمەتتىك-ماڭىزدى جوبا جۇزەگە اسىرىلدى.

باسقارما باسشىسىنىڭ سوزىنە سۇيەنسەك، قالادا ءدىن سالاسىنداعى مەملەكەتتىك ساياساتتى ءتۇسىندىرۋ بويىنشا ازاماتتىق قوعام ينستيتۋتتارىنىڭ الەۋەتى ءتيىمدى تۇردە پايدالانىلۋدا. مەملەكەتتىك الەۋمەتتىك تاپسىرىس اياسىندا قىزمەت كورسەتەتىن ۇكىمەتتىك ەمەس ۇيىمداردىڭ جىل سايىن ءوسۋ ءۇردىسى بايقالۋدا.

2017 جىلى مەملەكەتتىك الەۋمەتتىك تاپسىرىس اياسىندا ءدىني ەكسترەميزم مەن تەرروريزمنىڭ الدىن-الۋعا، ەتنوسارالىق كەلىسىم جانە تولەرانتتىلىق يدەيالارىن ناسيحاتتاۋعا باعىتتالعان 24 الەۋمەتتىك-ماڭىزدى جوبا جۇزەگە اسىرىلدى.

جوبانىڭ ماقساتى وسكەلەڭ جاس قىزداردىڭ اراسىندا تولەرانتتىلىق سانانى، قوعامنىڭ زايىرلىلىق قۇندىلىقتارىن قابىلداۋدى قالىپتاستىرۋ بويىنشا اقپاراتتىق-تۇسىندىرۋشىلىك جانە اعارتۋشىلىق جۇمىستارىن جۇرگىزۋ جانە جاستاردى پاتريوتتىق رۋحتا تاربيەلەۋ مەن ءوز حالقىنىڭ تاريحىن قۇرمەتتەۋدىڭ ماڭىزدى كورىنىسى بولىپ تابىلاتىن حالقىنىڭ باي مادەني ءداستۇرى جونىندە حاباردار ەتۋ.

كلۋب اياسىندا ءدىننىڭ وزەكتى ماسەلەلەرى، ءدىني ەكسترەميزم مەن دەسترۋكتيۆتى اعىمدار يدەولوگيالارىمەن كۇرەسۋ بويىنشا جالپى سانى 1800 ادام قامتىلعان وقۋشىلار اراسىندا 40-قا جۋىق الدىن الۋ جانە ءتۇسىندىرۋ ءىس-شارالارى وتكىزىلدى.

سونىمەن قاتار، «قوعامدا زايىرلىلىق قاعيدالارىن ناسيحاتتاۋ بويىنشا ءىس-شارالاردى ىسكە اسىرۋ» جوباسى اياسىندا مەملەكەتتىك قىزمەتكەرلەردىڭ، ۇەۇ وكىلدەرىنىڭ، قۇقىق قورعاۋ ورگاندارى، ءبىلىم بەرۋ جانە مادەنيەت مەكەمەلەرى قىزمەتكەرلەرىنىڭ، جاستار قوعامدىق ۇيىمدارىنىڭ جانە ستۋدەنتتەر قوزعالىسىنىڭ وكىلدەرى جالپى سانى 760-كە جۋىق ادام قاتىسقان             8 «دوڭگەلەك ۇستەل» جانە 1 جاستار اكسياسى ءوتتى.

سونىمەن بىرگە، تۇرعىنداردا ءدىني ەكسترەميزم مەن تەرروريزم يدەيالارىنا توزبەۋشىلىكتى قالىپتاستىرۋعا، سونداي-اق، دەسترۋكتيۆتى قۇبىلىستار تارالۋىنىڭ الدىن الۋعا (تەرروريزم جانە ەكسترەميزممەن كۇرەسۋ) باعىتتالعان اقپاراتتىق-ناسيحاتتىق ءىس-شارالاردى وتكىزۋگە نەگىزدەلگەن قىسقا مەتراجدى الەۋمەتتىك روليكتەر سيكلى ازىرلەندى.

سونىمەن قاتار، رۋحاني كەلىسىم كۇنىن مەرەكەلەۋگە ارنالعان ءىس-شارالار اياسىندا 2017 جىلعى 18 قازاندا ەرەكشەلەنگەن ءدىن قىزمەتكەرلەرىن، ءدىن ماسەلەلەرى بويىنشا ءاقپاراتتىق-تۇسىندىرۋ توپتارىنىڭ بەلسەندى مۇشەلەرىن ماراپاتتاۋ وتكىزىلدى. سونىمەن، ءدىن ارالىق بەيبىتشىلىك پەن رۋحاني كەلىسىم، ءدىن سالاسىنداعى مەملەكەتتىك ساياساتتى جۇزەگە اسىرۋ ىسىندە، ەكسترەميزم جانە تەرروريزمنەن ەسكەرتۋدە بەلسەندى قىزمەتى ءۇشىن ءدىني بىرلەستىكتەر كوشباسشىلارى كلۋبىنىڭ جانە قالالىق ءاقپاراتتىق-تۇسىندىرۋ توپتارىنىڭ مۇشەلەرى قالا باسشىلىعىنىڭ العىس حاتىمەن ماراپاتتالدى. سونداي-اق، كىتاپ كورمەسى جانە كونسەرتتىك باعدارلاما ۇيىمداستىرىلدى. ءىس-شاراعا 70 ادام قاتىستى.

جالپى، جوبالاردى جۇزەگە اسىرۋ بارىسىندا جالپى سانى 32 مىڭ ادام قامتىلعان 3 لەكسيا، 59 كەزدەسۋ، 14 سەمينار، 275 سەمينار-ترەنينگ، 3 كونفەرەنسيا، 30 «دوڭگەلەك ۇستەل»، 15 اكسيا وتكىزىلدى، - دەپ ايتتى باسقارما باسشىسى.