الماتىدا مەملەكەتتىك ورگاندار مەن مەگاپوليس بيزنەس قاۋىمداستىعىنىڭ قاتىسۋىمەن جىل سايىنعى كاسىپكەرلەر كونفەرەنسياسى ءوتتى. تاراپتار الماتىنىڭ بيزنەس احۋالىن جاقسارتۋ ماسەلەلەرىن تالقىلادى.

جيىندى اشىپ بەرگەن «اتامەكەن» ۇكپ پرەزيديۋم ءتوراعاسى تيمۋر قۇلىبايەۆ ۇكپ قۇرىلعان 2013 جىلدان بەرى كاسىپ­كەرلەردىڭ مۇلىكتىك قۇقىعى 92 ملرد. تەڭگە­دەن استام قارجىعا قورعالعانىن ايتتى.

– الماتى – قازاقستاندىق بيزنەستىڭ بەسىگى. مۇندا ەلدىڭ كاسىپكەرلىك قاۋىمداس­تىعىنىڭ ەڭ كوپ بولىگى شوعىرلانعان. بۇگىنگى تاڭدا مەگاپوليستە كاسىپكەرلەر ءۇشىن كەدەرگىسىز جۇمىس ىستەيتىن بيزنەس-احۋال جاسالعان. بيىل ءبىز الماتىدا تولىق فورماتتى كاسىپكەرلەرگە قىزمەت كورسەتۋ ورتالىعىن اشۋدى جوسپارلاپ وتىرمىز. ورتالىق «ءبىر تەرەزە» قاعيداسىمەن جۇمىس ىستەيتىن بولادى»، – دەدى «اتامەكەن» باسشىسى ت.قۇلىبايەۆ.

ءوز كەزەگىندە ءسوز العان الماتى قالاسى­نىڭ اكىمى ب.بايبەك كونفەرەنسيانىڭ مەملەكەت پەن بيزنەس اراسىنداعى ءتيىمدى ديالوگ الاڭىنا اينالعانىن اتاپ ءوتتى.

– مەملەكەت باسشىسىنىڭ تاپسىرما­سىمەن الماتىدا بيزنەس-احۋالدى جاقسارتۋ مەن جەكە باستامالارعا جاعداي جاساۋ ەرەكشە جولعا قويىلعان. بۇگىنگى تاڭدا مەگاپوليس جەكە بيزنەس پەن شيكىزاتتىق ەمەس ەكونوميكا قالاسى بولىپ قالىپتاستى. قالادا 170 مىڭنان استام شوب سۋبەكتىسى بار، بيزنەس 10 الماتىلىقتىڭ جەتەۋىن قامتىپ وتىر. مەگاپوليستە ۇكپ-مەن بىرلەسىپ بيزنەسكە جاعداي جاساۋ جولعا قويىلعان، – دەدى شاھار باسشىسى باۋىرجان بايبەك.

الماتىدا تارتىمدى ينۆەستيسيالىق احۋال قالىپتاستىرۋ ءۇشىن قۇرىلىسقا رۇقسات بەرۋ، كوممۋنالدىق جۇيەگە قوسىلۋ­لار ەلەكتروندى فورماتقا كوشىرىلگەن. ال almaty.genplan.kz ينتەراكتيۆتىك كارتاسى اشىق تا قولجەتىمدى. ينجەنەرلىك جەلىلەر، ەلەكتر قۋاتى مەن سۋدىڭ ەركىن قۋاتى، «قىزىل سىزىقتار»، ت.ب. اقپاراتتار ورنالاسقان بۇل سايتقا ەركىن كىرۋگە بولادى. جانە دە بيزنەس وكىلدەرىنە قالانىڭ دامۋىنىڭ باس جوسپارى، جوسپارلاۋ جۇيەسى، جەر-كاداسترلىق كارتالار، ت.ب. قولجەتىمدى.

وتكەن جىلى ەلەكتروندىق جۇيەدەگى مەملەكەتتىك قىزمەت سانى 8 ەسە ءوستى. بيىل اكىمدىكتىڭ «paper-free» قاعيداسىنداعى 10 سۇرانىسقا يە قىزمەت ءتۇرى ەلەكتروندى فورماتقا كوشەدى.

بۇدان وزگە، تۇرعىن ءۇي كوممۋنالدىق شارۋاشىلىق (تكش) سالاسىندا جاڭا جو­با­لاردى جۇزەگە اسىرۋ جوسپارلانعان. ولار – «اقىل­دى جارىقتاندىرۋ»، Bءىg data قالىپ­تاستىرۋ جوبالارى. Open Almaty الاڭىندا «ءبىر تە­رەزە» فورماتىندا تەحنيكالىق قىزمەت كور­سەتۋ جوسپارلانعان. الماتىنىڭ دامۋ ورتا­لىعى نەگىزىندە سيفرلى وفيس جاساق­تادى.

بۇگىندە مەگاپوليس دكب-2020 باعدار­لاماسى باستالعالى ماقۇلدانعان جوبا­لاردى جۇزەگە اسىرۋ بويىنشا ءبىرىنشى ورىنعا شىقتى. جۇمىسسىزداردى، ءوزىن-وزى قامتۋشىلاردى جىلىنا 6 پايىزبەن شاعىن نەسيە بەرۋ ارقىلى كاسىپكەرلىككە تارتۋ بويىنشا باعدارلاما دا جۇزەگە اسۋدا. باعدارلامانىڭ باسىنان 1،4 ملرد. تەڭگەنىڭ 90 جوباسى ىسكە اسقان.

الماتى اقشامى