ءساۋىردىڭ 21-25 ارالىعىندا "دوستىق" سپورت كەشەنىندە باسكەتبولدان ۇلتتىق ستۋدەنتتەر ليگاسىنىڭ پلەي-وفف كەزەڭى وتەدى، دەپ حابارلايدى اقپاراتتىق جانە سپورتتىق حاب.

21-24 ءساۋىر ارالىعىندا باسكەتبولشىلار توپتىق كەزەڭدە جارتىلاي فينالداردا كەزدەسەدى. ۇلدار “نارحوز” ۋنيۆەرسيتەتىندە، ال قىزدار  ءال–فارابي اتانداعى قازۇۋ حيميا فاكۋلتەتىنىڭ زالىندا ءوزارا مىقتىنى انىقتايدى. ال گراند فينالدار مەن قولا ءۇشىن ويىندار ەكى سانات بويىنشا 25 ساۋىرگە جوسپارلانعان.

ەرلەر ساناتى: تۇراقتى چەمپيوناتتىڭ ناتيجەلەرىنە سايكەس ۇزدىك 16 كوماندا 4 توپقا ءبولىنىپ، جارتىلاي فينالعا جولدامانى ساراپقا سالادى. ءار توپتان جارتىلاي فينالعا تەك ءبىر كوماندا وتەدى.

نەگىزگى شارتتاردىڭ ءبىرى، ءبىر ديۆيزيونداعى كوماندالار ءبىر توپتا باستەسە المايدى، «الماتى» ديۆيزيونىنان باسقا. سەبەبى، فينالدا ولاردان 5 كوماندا قاتىسادى. جارتىلاي فينالداردىڭ جەڭىمپازدارى اقتىق مارەدە كەزدەسەدى، ال جەڭىلگەندەر قولا ءۇشىن جارىس جولىنا شىعادى.

ايەلدەر ساناتى: ماۋسىم ناتيجەلەرى بويىنشا 8 ۇزدىك كوماندا 2 توپقا بولىنەدى، ال 1 جانە 2 ورىنداردىڭ يەگەرلەرى جارتىلاي فينالعا شىعادى. ونىڭ چەمپيوندارى سايكەسىنشە التىن مەدالداردى، ال قالعاندارى 3 ورىندى ساراپقا سالادى.

ۇيىمداستىرۋشىلاردىڭ حابارلاۋىنشا، فينالدا باسكەتبول جانكۇيەرلەرىن توسىن سىي، قۇرمەتتى قوناق كۇتەدى.

ءتۋرنيردىڭ شەشۋشى كەزەڭىنىڭ ۇزدىك ويىنشىلارى ISBC حالىقارالىق كۋبوگىنا قاتىسادى. ق ر ۇلتتىق باسكەتبول فەدەراسياسى ستۋدەنتتىك قاۋىمداستىعىنان قازاقستان قۇراما كومانداسىنىڭ حالىقارالىق ستۋدەنتتىك كۋبوگىنا شاقىرۋىن قابىل الدى. باسكەتبول دوداسى مامىردىڭ 17ء-ى مەن 24ء-ى كۇندەرى رەسەي استاناسى ماسكەۋ قالاسىندا وتەدى.