الماتىدا قالا قازىناسىنان حالىقتىڭ الەۋمەتتىك قاجەتتىلىگىنە قوسىمشا قاراجات ءبولىندى. 65 ميلليارد تەڭگەگە جۋىق قارجى بيۋدجەتتى وڭتايلاندىرىپ، سالىق ءتۇسىمىنىڭ ارتۋى ارقاسىندا بەرىلىپ وتىر. ءماسليحاتتا 2018 جىلعا ارنالعان بيۋدجەت ەلباسىنىڭ جولداۋى مەن 5 الەۋمەتتىك باستامالارىن ەسكەرە وتىرىپ ناقتىلاندى. بيىل جەڭىس كۇنى قارساڭىندا ۇلى وتان سوعىسى ارداگەرلەرىنە 250 مىڭ تەڭگەدەن بەرىلەدى. سونداي-اق «الماتى جاستارى» باعدارلاماسىنا 2 ميلليارد تەڭگە بولىنبەك.
بيىل الماتىدا 3 مىڭعا جۋىق بالانى قامتيتىن جەكە بالاباقشالاردا مەملەكەتتىك تاپسىرىستى ۇلعايتۋعا 850 ملن تەڭگە ءبولىندى. ال از قامتىلعان وتباسىلاردىڭ 4 مىڭنان استام بالالارى جازعى دەمالىستارعا جىبەرىلەدى. ۇلى وتان سوعىسى ارداگەرلەرىنە اي سايىن كورسەتىلەتىن كوممۋنالدىق قىزمەت اقىسىن تولەۋ 5،5-تەن 6،5 ايلىقتىق ەسەپتىك كورسەتكىشكە جەتتى. ياعني، ادەتتە 13 مىڭ 227 تەڭگە بولىنسە، ەندى بۇل 15 مىڭ 632 تەڭگەگە ءوستى. سونداي-اق الەۋمەتتىك جاعىنان از قامتىلعان ازاماتتارعا ورتالىق تارماقتان جەكە ۇيلەرىنە دەيىن گاز تارتۋ شىعىنىن اكىمدىك 100 پايىز وتەيدى. وعان قوسا، جىل اياعىنا دەيىن 3 مىڭنان استام ادام «ەڭبەكپەن قامتۋ ونىمدىلىگى» باعدارلاماسى اياسىندا جۇمىسقا تارتىلادى. باسىمدىق بۇل جولى دا تۋريزمگە بەرىلىپ وتىر.
«اعىمداعى جىلى الماتىدا ءتۋريزمنىڭ بارلىق سالاسىن دامىتۋ ءۇشىن كەشەندى جوسپار ازىرلەندى. مەديسينا، سپورت، تاۋ-شاڭعى كۋرورتى، ەكو جانە ەتنو ءتۋريزمدى ىلگەرىلەتۋ كەرەك. حالىقارىلىق دەڭگەيدەگى 50 ءىس-شارانى وتكىزۋدى جوسپارلاپ وتىرمىز. قالانىڭ ءارىن كەتىرگەن اۆتوبەكەتتەر مەن تەمىر جول ۆوكزالىن رەتكە كەلتىرۋ بويىنشا جۇمىستار اتقارىلۋدا. ءقازىر «قازاقستان تەمىر جولى» 22 ملرد تەڭگە ءبولىپ، 2 جىلدا قايتا جوندەۋدەن وتكىزەدى»، - دەدى الماتى قالاسىنىڭ اكىمى باۋىرجان بايبەك.
قالادا كولىك سالاسىن رەفورمالاۋ اياسىندا 2018 جىلى اۆتوبۋس پاركىنىڭ ۇشتەن ءبىرى جاڭارتىلدى. ماسەلەن، «الماتىەلەكتروترانس» مەكەمەسىنە 199 اۆتوبۋس ساتىپ الۋ ءۇشىن قارجى بولىنگەن. ال 200 قوعامدىق كولىكتى «Green Bus Company» كومپانياسى جاڭارتسا، باسقا دا جەكە تاسىمالداۋشىلار شامامەن 131 اۆتوبۋس الادى. جالپى، سوڭعى ەكى جىل ىشىندە قالا باعىتتارى بويىنشا 500 جاڭا اۆتوبۋس جولعا شىققان. رەيستەردىڭ جيىلىگى 90% دەيىن ارتتى، ال ينتەرۆال 3 ەسەگە قىسقاردى. سونداي-اق بيىل قالانى كورىكتەندىرۋ مەن اۋلالاردى جاڭارتۋعا قاراجات ءبولىندى.
«ەگەر وتكەن جىلى 455 اۋلا جوندەلسە، 2018 جىلى قالانىڭ بارلىق اۋداندارىندا تاعى دا 585 اۋلا جاڭارادى. بۇل بارلىق اۋلالارداعى 15 پايىزدى قۇرايدى. بيىل جالپى 30 پايىزى زاماناۋي، بارلىق جاعدايمەن جاسالادى»، - دەدى الماتى قالاسىنىڭ اكىمى باۋىرجان بايبەك.
سونداي-اق 2018 جىلى مەدەۋ، بوستاندىق، تۇركسىب جانە جەتىسۋ اۋداندارىنداعى ساياباقتار رەتكە كەلتىرىلمەك. «Yلكەن جانە كiشi قاراسۋ» وزەندەرىنىڭ جاعالاۋلارىن، جەر استى وتكەلى جولدارىن قايتا جاساۋ ءۇشىن قارجى ءبولىندى. ال بيىل تۇرعىن ءۇي كەشەنىن مودەرنيزاسيالاۋ اياسىندا 130 ءۇي كەشەن جوندەۋدەن وتكىزىلمەك.
پىكىر قالدىرۋ