2017 جىلدا زەينەتكەرلەرگە مەملەكەتتىك كەپىلدىك رەتىندە 12،8 ملرد. تەڭگە تولەنگەن.

بۇل تۋرالى الماتى قالاسى وڭىرلىك كوممۋنيكاسيالار قىزمەتىنىڭ الاڭىندا وتكەن بريفينگتە «بجزق» اق وڭىرلىك جەلىنى دامىتۋ جانە ىلەسپە قىزمەت كورسەتۋ دەپارتامەنتىنىڭ ديرەكتورى ماميلا قۇرمانجان قىزى ايتتى.

ماميلا مۇسابەكوۆانىڭ ايتۋىنشا، «بجزق» اق مەملەكەتتىك اكسيالار پاكەتى ۇلتتىق بانكتىڭ سەنىمگەرلىك باسقارۋىندا. ۇلتتىق بانك زەينەتاقى اكتيۆتەرىن ۇلتتىق قوردى باسقارۋ كەڭەسىمەن بىرلەسە باسقارادى. سالىمشىلاردىڭ زەينەتاقى جارنالارى تاۋەكەل-كىرىستىلىك بالانسىن مۇلتىكسىز ساقتاي وتىرىپ، ديۆەرسيفيكاسيا نەگىزىندە ءتۇرلى قارجى قۇرالدارىنا ينۆەستيسيالانادى. اكتيۆتەردىڭ قىرىق پايىزدان استامى قازاقستان رەسپۋبليكاسىنىڭ مەملەكەتتىك باعالى قاعازدارىنا ورنالاستىرىلادى. قالعاندارى – ينۆەسدەكلاراسياعا ساي ەلىمىزدىڭ، سونداي-اق شەتەل اۋماعىندا – كۆازيمەملەكەتتىك ۇيىمداردىڭ، ەكىنشى دەڭگەيدەگى بانكتەردىڭ باعالى قاعازدارىنا، كورپوراتيۆتىك وبليگاسيالارعا جانە باسقا دا قارجى قۇرالدارى سىندى ءىرى ينۆەستيسيالىق باعىتتارعا ورنالاستىرىلادى.

سالىمشىلار مەملەكەتتىك كەپىلدىك بويىنشا تولەمگە قۇقىقتى زەينەت جاسىنا جەتكەندە الادى. سونداي-اق مۇگەدەكتىگى مەرزىمسىز بولىپ بەلگىلەنسە، ءى جانە ءىى توپتاعى مۇگەدەكتەر، قازاقستان اۋماعىنان تۇراقتى تۇرۋعا كەتكەن تۇلعالار، مزج، مكزج اۋدارىپ وتىرعان شەتەلدىكتەر جانە ازاماتتىعى جوق تۇلعالار، مەملەكەتتىك كەپىلدىك بويىنشا تولەمگە قۇقىعى بار تۇلعا قايتىس بولعاندا، مۇراگەرلەر الا الادى،-دەپ ايتىپ ءوتتى ول ءوز سوزىندە.

مەملەكەتتەن كەپىلدىك بويىنشا تولەمدى الۋ ءۇشىن تۇرعىلىقتى مەكەنجاي بويىنشا «ازاماتتارعا ارنالعان ۇكىمەت» مەملەكەتتىك كورپوراسياسىنىڭ الەۋمەتتىك تولەمدەردىڭ ۆەدومستۆوارالىق ەسەپتەۋ ورتالىعىنا وتىنىشپەن جۇگىنۋ قاجەت. مەملەكەتتىك كەپىلدىك سوماسىنىڭ ەسەبى ازىرلەنگەن ادىستەمە بويىنشا ءار ءوتىنىش بىلدىرگەن تۇلعاعا جەكە ەسەپتەلەدى. ايىرما (مەملەكەتتىك كەپىلدىك) تولەمى ءبىرجولعى تولەمدى بىلدىرەدى جانە ينفلياسيا دەڭگەيىمەن ناقتى ەنگىزىلگەن مىندەتتى زەينەتاقى جارنالارى سوماسى جانە زەينەتاقى تولەمدەرىنە قۇقىقتى الۋ ساتىنە بجزق-داعى زەينەتاقى جيناقتارى (جارنالار + ينۆەستيسيالىق تابىس) سوماسى اراسىنداعى ايىرما رەتىندە انىقتالادى. ەگەر جيناق سوماسى ينفلياسيا ەسكەرىلگەن جارنالار سوماسىنان اسىپ تۇسسە، وندا مەملەكەتتىك كەپىلدىك تولەنبەيدى.

2017 جىلدىڭ ىشىندە قازاقستاندىق زەينەتكەرلەرگە مەملەكەتتىك كەپىلدىك رەتىندە 12،8 ملرد. تەڭگە تولەنگەن بولاتىن. مۇنداي كەپىلدىكتەر دامىعان ەلدەردە دە كوزدەلمەگەندىگىن ەسكەرسەك، كوپتەگەن ساراپشىلار قازاقتاندىق جۇيەنى وزىق جانە ءادىل دەپ ەسەپتەيدى، - دەپ ءسوزىن قورىتىندىلادى ماميلا قۇرمانجان قىزى.

الماتى قالاسىندا 600-دەن استام كاسىپورىن مىندەتتى كاسىپتىك زەينەتاقى جارنالارىن اۋدارادى.

دەپارتامەنت ديرەكتورىنىڭ اقپاراتىنشا، الماتى – ەلىمىزدىڭ ءىرى مەگاپوليسى. بۇل جەردە قازاقستاننىڭ بارلىق ءجىو-سىنىڭ بەسىنشى بولىگى وندىرىلەدى. بۇل رەتتە، الماتى قالا تۇرعىندارىن عانا ەمەس، جاقىن جاتقان اۋدانداردىڭ دا تۇرعىندارىن جۇمىسپەن قامتىپ وتىر.

الماتى قالاسىنداعى فيليال (01.01.2018 ج.) بارلىق شارت ءتۇرى بويىنشا 1،7 ملن بىرلىككە جۋىق جزش-عا قىزمەت كورسەتەدى، ولار بويىنشا زەينەتاقى جيناقتارىنىڭ سوماسى – 1،54 ترلن. تەڭگە، ال مزج بويىنشا زەينەتاقى جيناقتارىنىڭ ورتاشا سوماسى – 908 216 تەڭگە.

الماتى قالاسىنىڭ 600-دەن استام كاسىپورنى مىندەتتى كاسىپتىك زەينەتاقى جارنالارىن (مكزج) اۋدارادى، مكزج بويىنشا جيناقتاردىڭ جالپى سوماسى – 5،2 ملرد تەڭگە نەمەسە قر-داعى مكزج بويىنشا زەينەتاقى جيناقتارىنىڭ جالپى كولەمىنە 3،6 %.

ونىڭ ۇستىنە، 5،7 مىڭ ادامنىڭ ەرىكتى زەينەتاقى جارنالارى بويىنشا شوتى بار. الماتى ۇلەسى – سان بويىنشا 16،1 % جانە ق ر ەرىكتى زەينەتاقى جارنالارىنىڭ سوماسى بويىنشا 14،4 %،-دەپ اتاپ ءوتتى ول.

2017 جىل ءۇشىن الماتى ق. بارىپ قىزمەت كورسەتۋ ءبولىمىنىڭ ماماندارى 1900-دان استام تۇساۋ كەسەرلەر وتكىزدى، وعان 62،5 مىڭ ادام قاتىستى. اعىمداعى جىلدىڭ ءبىرىنشى توقسانىندا تۇساۋ كەسەرلەر سانى 445 قۇرادى (13 000-عا جۋىق ادام قاتىستى)، بۇل وسىعان ۇقساس كەزەڭنىڭ كورسەتكىشىنەن 7،6 ەسەگە ارتىق.

تۇساۋ كەسەر كەزىندە كاسىپورىن قىزمەتكەرلەرى قىزىقتىراتىن ساۋالدارىنا جاۋاپتار الىپ، دەربەس دەرەكتەرىن جاڭارتا الادى جانە ءوز زەينەتاقى جيناقتارىنىڭ جاي-كۇيى تۋرالى بىلە الادى.

بارىپ قىزمەت كورسەتۋ ءبولىمى قىزمەتىنىڭ باسقا دا ماڭىزدى باعىتىنىڭ ءبىرى قور كەڭسەسىنە وزدەرى كەلە المايتىن مۇمكىندىكتەرى شەكتەۋلى ادامدارعا قىزمەت كورسەتۋ بولىپ تابىلادى. 2017 جىلى 2409 سالىمشىعا (الۋشىعا) قىزمەت كورسەتىلدى، - دەپ ءسوزىن تۇيىندەدى دەپارتامەنت ديرەكتورى ماميلا مۇسابەكوۆا.