ەلباسىنىڭ «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋىنداعى «رەسۋرستىق الەۋەتتى ودان ءارى دامىتۋ» اتتى ەكىنشى مىندەتىندە قاتتى تۇرمىستىق قالدىقتاردى زامان تالابىنا ساي كادەگە جاراتۋ جانە قاتتى تۇرمىستىق قالدىقتاردى وڭدەۋ قاجەتتىلىگىنە توقتالعانى بەلگىلى. سوعان وراي باتىس قازاقستان وبلىسىندا ءتيىستى ءىس-شارالار قولعا الىنۋدا.
وبلىستا جىلىنا ورتا ەسەپپەن 108 مىڭ تونناداي قاتتى تۇرمىستىق قالدىقتار (قتق) جيناقتالادى. بۇگىنگى كۇنى وڭىرىمىزدە 6،2 ملن. توننا قالدىق بار. اۋدانداردا 318 قوقىس ورنى جانە ورال، اقساي قالالارىندا 2 قتق پوليگونى ورنالاسقان. قوقىس ورىندارىن زاڭنامالار تالاپتارىنا سايكەستەندىرۋ ماقساتىندا بۇگىنگى تاڭدا اۋداندىق اكىمدىكتەرمەن قوقىس ورىندارىنا 247 جەر تەلىمى (77%) رەسىمدەلدى، قالعانى رەسىمدەلۋ ۇستىندە.
ءداستۇرلى ءتاسىل، ياعني قالدىقتاردى قوقىس ورىندارىنا تاسىپ شىعارۋ ءتيىمسىز ءارى ءقاۋىپتى ەكەنىن ءومىردىڭ ءوزى دالەلدەپ وتىر. سودان كەلىپ قازىرگى قوقىس ورىندارى قورشاعان ورتاعا شەكتەن تىس سالماق تۇسىرۋدە جانە ول توپىراقتىڭ، جەراستى سۋلارى مەن اتموسفەرانىڭ نەگىزگى لاستاۋشى بولىپ تابىلادى. ال قالدىقتاردى باسقارۋ بويىنشا ەلىمىزدەگى تاجىريبە كورسەتكەندەي، ءىرى قوقىس
وڭدەۋ زاۋىتتارىن سالۋ ءتيىمسىز. قازاقستان ءۇشىن ەڭ وڭتايلى ءادىس قوقىستاردى بولەك جيناۋ جانە سۇرىپتاۋ، قتق-نى كىشى جانە ورتا بيزنەس كاسىپورىندارىندا وڭدەۋ بولىپ تابىلادى. سوعان وراي ەل ۇكىمەتىمەن ءبىرقاتار ءىس-شارالار قولعا الىنىپ، رەسپۋبليكامىزدا تۇرمىستىق قالدىقتاردى سۇرىپ-
تايتىن كاسىپورىندار قۇرىلىپ، جۇمىستارىن باستادى. الايدا ولار قوسالقى شيكىزاتتاردىڭ تاپشىلىعىنا كەزىگۋدە. تۇرعىندار قوقىستاردى ءبولىپ، سۇرىپتاماي، بارلىعىن ءبىر جەرگە تاستاي سالۋى وعان سەبەپ بولىپ وتىر. ال جەڭىل اقشا تاۋىپ وتىرعان قوقىس ورىندارى بۇل قالدىقتاردى سۇرىپتاۋعا
مۇددەلى ەمەس. قازاقستاننىڭ جاسىل ەكونوميكاعا كوشۋىنە جانە زاڭنامالارعا
ءتيىستى تالاپتاردىڭ ەنگىزىلۋىنە بايلانىستى وبلىسىمىزدا دا قالدىقتاردى بولەك جيناۋ بويىنشا جۇمىستار باستالدى. قالدىقتاردى بولەك جيناۋ جانە كاسىپكەرلىك نىساندارىن قالدىقتاردى باسقارۋ سالاسىنا تارتۋ وڭ ناتيجە
بەرۋدە. سوڭعى ءۇش جىلدا قتق وڭدەۋ 0،8 %-دان 2،14 %-عا دەيىن ارتتى. وبلىستا 2020 جىلعا دەيىنگى تۇرمىستىق قاتتى قالدىقتاردى بولەك جيناۋدى، سۇرىپتاۋدى، كادەگە جاراتۋدى جانە قايتا وڭدەۋدى ەنگىزۋ بويىنشا ءتورت جول
كارتاسى جاساقتالىپ، بەكىتىلدى. وڭىردە قالدىقتاردى بولەك جيناۋ ءۇشىن 1084 تورلى كونتەينەر، ونىڭ 767ء-سى ورال قالاسىنا، 317ء-سى اۋداندارعا قويىلدى. اقساي قالاسىندا 2016-2017 جىلدارى قالدىقتاردى جيناۋ ءۇشىن 118 بىرلىك
جەراستى كونتەينەرى ورناتىلدى. وندىرۋشىلەردىڭ كەڭەيتىلگەن مىندەتتەمەلەرىن جۇزەگە اسىرۋ ماقساتىندا ۇكىمەت قاۋلىسىمەن «وكم
وپەراتورى» ج ش س قۇرىلدى. بۇل سەرىكتەستىك شىعارىلعان ءونىمنىڭ قورشاعان ورتاعا زالالىن بارىنشا تومەندەتۋ باعىتىندا جۇمىس ىستەيدى. وڭدەۋشى كاسىپورىندار قالدىقتاردى جيناعانى جانە قايتالاپ پايدالانعانى ءۇشىن وكم وپەراتورىنان ءتيىستى وتەماقى الادى. مىسالى، رەسپۋبليكا بويىنشا
2016 جىلى اۆتوكولىك شينالارىن وڭدەۋشى كاسىپورىندار 540 ملن. تەڭگەدەن استام قارجى السا، ەسكى اۆتوكولىكتەردى كادەگە جاراتۋعا تاپسىرعان زاڭدى جانە
جەكە تۇلعالارعا 849،1 ملن. تەڭگە تولەندى. سونىمەن قاتار تۇرعىنداردى قالدىقتارمەن ساۋاتتى جۇمىستانۋعا شاقىراتىن ەكولوگيالىق ءبىلىم بەرۋ جۇيەسىن دە قولعا الۋدا. سەرىكتەستىك سىناپقۇرامدى شامدار مەن قۇرىلعىلاردى، باتارەيكالاردى جيناۋ ءۇشىن وبلىسىمىزعا 54 ارنايى
كونتەينەر ورناتتى، ونىڭ 27ء-سى ورال قالاسىنا جانە 27ء-سى اۋدان ورتالىقتارىنا قويىلدى.
پىكىر قالدىرۋ