«رۋحاني جاڭعىرۋ»: الماتى اۋداندارىندا جۇزدەگەن ءىس-شارا ءوتتى.

الماتى قالاسى بوستاندىق اۋدانىنىڭ تۇرعىندارى «رۋحاني جاڭعىرۋ» باعدارلاماسىن جۇزەگە اسىرۋعا بەلسەندى ات سالىستى. «100 جاڭا ەسىم» جوباسىنا ەنگەن الماتىلىق 20 ازاماتتىڭ 8ء-ى ءدال وسى اۋداننىڭ تۇرعىندارى. ەلباسىنىڭ باعدارلاماسىن جاستار دا ەرەكشە قولداعان. اۋدانداعى مەكتەپ، كوللەدج جانە وقۋ ورىندارىندا 100-دەن اسا ءىس-شارا وتكەن. «تۋعان جەر» باعدارلاماسىنىڭ اياسىندا 300 وقۋشى التىن ادام سىندى تاريحي جادىگەر تابىلعان ەسىك قالاسىنا بارىپ قايتقان.

«تاعى دا جوسپارىمىز بار، 300 بالا جىبەرەمىز. 50 بالانى وسى جاقىن ارادا جىبەردىك. وسى كۇن جىلىنعاننان كەيىن بۇل جۇمىسىمىز ارى قاراي جالعاسىن تابادى. سودان كەيىن وزدەرىڭىز بىلەسىزدەر، ءقازىر جاستاردىڭ كىتاپ وقۋعا تارتۋ جونىندە ءساۋىر ايىندا جوسپارلانعان. ەسەنتاي وزەنىنىڭ جاعاسىندا اشىق كىتاپحانا جاسايىق دەپ وتىرمىز. ۇلتتىق كىتاپحانا ءبىزدىڭ بوستاندىق اۋدانىندا ورنالاسقانىنا بايلانىستى. وسى كىتاپحانالارىمىزدىڭ بارلىعى وعان قاتىسادى»، - دەدى الماتى قالاسى بوستاندىق اۋدانى اكىمىنىڭ ورىنباسارى مارجان بالابايەۆا.

مەدەۋ اۋدانىندا «رۋحاني جاڭعىرۋ» باعدارلاماسى اياسىندا 300 شارا ۇيىمداستىرىلعان. ونىڭ ەڭ اۋقىمدىسى - تۇلەكتەر فورۋمى. وعان ەلىمىزدىڭ ءار وڭىرىنەن كەلگەن 500-دەن اسا ازامات قاتىستى. اۋدانداعى مەكتەپ تۇلەكتەرى ءبىلىم بەرۋ مەكەمەلەرىن قالپىنا كەلتىرۋگە، سونداي-اق ونىڭ قۇرىلىسىنا 50 ميلليون تەڭگە كولەمىندە قارجى قۇيعان. «تۋعان جەر» باعدارلاماسى اياسىندا 5 وقۋ وشاعىنىڭ اۋلاسى جوندەۋدەن وتكىزىلگەن. 120 اۋلا اباتتاندىرىلىپ، اعاشتار وتىرعىزىلعان. وعان قوسا، كوشەلەر كۇنى اتالىپ وتكەن.

«مەرەيلى مەدەۋ» اكسياسى اياسىندا وسى مەدەۋ اۋدانىندا تۇرىپ جاتقان 25 مىڭ زەينەتكەرىمىزدىڭ قانداي جاعدايدا تۇرىپ جاتىر؟ ونىڭ تۇرمىس-تىرشىلىگى قانداي؟ ءتىپتى ولاردىڭ قانداي ەڭبەگى ءسىڭىردى؟ ەلگە قانداي قىزمەت اتقاردى؟ وسىنىڭ ىشىندە ءومىرى ەلگە، جاستارعا ونەگە بولاتىن، ونەگەلى ءومىر يەسى بولاتىن قاريالارىمىزدىڭ، قازىنالى قاريالارىمىزدىڭ جاستارمەن كەزدەسۋىن ۇيىمداستىردىق. سول ارقىلى 15 مىڭ جاستى قامتىدىق»، - دەدى الماتى قالاسى مەدەۋ اۋدانى اكىمىنىڭ ورىنباسارى عاني مايلىبايەۆ.