بيىل جازدا الماتىلىقتار ايدىڭ 3 ساعات تۇتىلعانىن كورە الادى.

الماتىلىقتار وسى جازدا ايدىڭ 3 ساعات تۇتىلعانىن كورە الادى. بۇل ەرەكشە قۇبىلىس 17 جىلدا ءبىر رەت ورىن الادى، دەيدى ماماندار. عارىشكەرلەر كۇنى قارساڭىندا استرونومدار ءبىراز قىزىقتى مالىمەتتەرمەن ءبولىستى.

وبسەراۆتوريانىڭ باستى قۇرالى بۇل تەلەسكوپ. مىنا قۇرىلعى 1949 جىلدان بەرى جۇمىس ىستەيدى. ديامەترى 50 سم بولاتىن ونىڭ كورۋ شەگى 30 شارشى مەتردى قۇرايدى. ءبىراق ەرەكشەلىگى ماسشتابىندا ەمەس، باستان وتكەرگەن تاريحىندا. ءدال وسى قۇرىلعىنىڭ كومەگىمەن 1969 جىلعى كەڭەس وداعىنىڭ عالىمدارى چۋريۋموۆا-گەراسيمەنكو كومەتاسىن اشقان. جۇلدىزشىلاردىڭ تاعى ءبىر ماقتانىشى - 1947 جىلى سىبىرگە تۇسكەن مەتەوريتتىڭ بولشەكتەرى. ونىڭ 95 پايىزى تەمىر، 6 پايىزى نيكەلدەن تۇرادى.

«بۇل قانداي دا ءبىر عالامشاردىڭ يادروسى بولاتىن. اسپاندا شاشىلىپ كەتىپ، ونىڭ كىشىگىرىم بولشەكتەرى بىزگە ۇزاق ۋاقىتتان كەيىن جەتتى. ەرەكشەلىگى سول، تەمىر مەتەوريتتىڭ 10 پايىزى عانا جەرگە كەلىپ تۇسەدى. تاريحي تۇرعىدان دا قاراساق، وسىنداي مەتەوريتتەردى تاپقاندا ودان پىشاق، قانجار تاعاتالاعان. بۇل ونىڭ التىننان دا قىمبات باعالانعان»، - دەدى ەكسكۋرسيا جۇرگىزۋشى سۆەتلانا موشكينا.

استرونومدار وبسەرۆاتورياعا اي، ساقيناسى بار ساتۋريندى، جولاقتى يۋپيتەر جانە مارستىڭ پوليارلى باسىن كورۋگە كەلەتىندەردىڭ قاتارى كوپ دەيدى. مۇندا اسپانداعى ادەمىلىكتى تاماشالاۋعا وقۋشىلاردان باستاپ، تۋريستەر دە كەلەدى ەكەن. ال جۇلدىزشىلار قالا تۇرعىندارىنا جازدا ەرەكشە تابيعي قۇبىلىستى تاماشالاۋعا بولادى دەپ وتىر.

«بيىل ايدىڭ تۇتىلۋىن تۋرا ءتۇننىڭ ورتاسىندا 28 شىلدە كۇنى كورە الادى. ول تۇنگى 12.23-تە كورىنەدى. سول ءۇشىن 27 شىلدە كۇنى تۇندە دالاعا شىعىپ، ۋاقىتتىڭ 12.00-گە اۋىسقانىن باقىلاۋ كەرەك. تۇتىلۋ 3 ساعاتقا سوزىلادى دەپ كۇتەمىز»، - دەدى  زەرتحانا مەڭگەرۋشىسى ليۋبوۆ شەستاكوۆا.

ماماندار ايدىڭ بەتى تولىقتاي جابىلادى دەيدى. ودان بولەك، 28 شىلدە - ۇلى مارسپەن قاراما-قارسىلىق تۋادى. بۇل دەگەنىمىز جەر مەن مارس 17 جىلدا ءبىر رەت بىر-بىرىنە وتە جاقىن قاشىقتىقتا جاقىندايدى. وسى كەزدە مارستاعى شاڭدى داۋىلدى كورۋگە مۇمكىندىك تۋاتىن كورىنەدى.