قازگيدرومەت 1 مامىرعا ارنالعان اۋا رايى بولجامىن جاريالادى، دەپ حابارلايدى Qamshy.kz اقپارات اگەنتتىگى.

اتموسفەرالىق اۋا اعىنداردىڭ وتۋىنە بايلانىستى ەلىمىزدىڭ كەي جەرلەرىندە جاڭبىر جاۋادى، نايزاعاي كۇتىلەدى، جەكەلەگەن اۋداندارىندا بۇرشاق بولۋى مۇمكىن.

قازاقستاننىڭ وڭتۇستىك-باتىسىندا جاۋىن-شاشىنسىز اۋا رايى كۇتىلەدى.

رەسپۋبليكانىڭ كەي جەرلەرىندە تۇمان ءتۇسىپ، جەل كۇشەيەدى. باتىس قازاقستان، قاراعاندى، پاۆلودار، اقمولا، قىزىلوردا وبلىستارىنىڭ كەي جەرلەرىندە جەلدىڭ جىلدامدىعى 15-20 م/س-گە دەيىن جەتىپ، تۇمان كۇتىلەدى.

 وڭتۇستىك قازاقستان،  قوستاناي وبلىستارىنىڭ كەي جەرلەرىندە قاتتى جەل سوعىپ،  نايزاعاي، تۇمان بولادى. وڭتۇستىك قازاقستان وبلىسىندا بۇرشاق بولۋى مۇمكىن.  جامبىل،  شىعىس قازاقستان، اقتوبە، الماتى، سولتۇستىك قازاقستان وبلىستارىنىڭ كەي جەرلەرىندە جەل 15-23 م/س-گە جەتىپ،  نايزاعاي وينايدى، كۇندىز كەي جەرلەرىندە بۇرشاق بولۋى ىقتيمال.