كاسىبي بوكسشى جانە الەم چەمپيونى قانات يسلام Street Workout KZ ءىس-شاراسىنا قاتىسقان ق ر مادەنيەت جانە سپورت ءمينيسترى ارىستانبەك مۇحامەدي ۇلىنىڭ باستاماسىن قولدادى.

اقش-تاعى فلوريدا شتاتىندا تۇرىپ جاتقان قانات يسلام قازاقستانداعى وقيعالاردى ۇنەمى باقىلاپ جۇرەدى. ول جاستاردى بۇقارالىق سپورتقا تارتۋعا باعىتتالعان رەسپۋبليكالىق جوبا جايلى وقي سالا، قازاقستاندىقتاردىڭ بەلسەندى ءومىر سالتىنا قاتىسۋعا شەشىم قابىلداعان.

«مەن الەم چەمپيونى، كاسىبي بوكسشى بەيبىت شۇمەنوۆ پەن ارالاس جەكپە-جەكتىڭ الەم چەمپيونى ارداق نازاروۆقا جولدايمىن»، - دەلىنگەن سپورتشىنىڭ ۆيدەو جولداۋىندا.

2017 جىلدىڭ 9 قىركۇيەگىندە استانا تورىندە قانات ءوزىنىڭ كەزەكتى جەڭىسىنە جەتىپ، كانادالىق برەندون كۋكتى نوكاۋتقا جىبەرىپ، 25ء-شى جەڭىسىنە قول جەتكىزدى، اتالمىش جەڭىسىمەن قازاقستاندىقتاردى سپورتقا ىنتالاندىرا تۇسكەن ەدى. جالپى قانات يسلام 25 كەزدەسۋدىڭ 25-ىندە دە جەڭىسكە جەتكەن. ول WBA Inter-Continental، WBO NABO (2017-ن.ۆ.)، WBO Inter-Continental، WBA Fedelatin ي WBA Fedecaribe نۇسقالارىنىڭ 1ء-شى ورتا سالماقتاعى يەگەرى. ەندى الەمگە ايگىلى كاسىبي بوكسشى قازاقستاندىق ەستافەتاعا دا قاتىسۋدا.

ەستەرىڭىزگە سالساق، مادەنيەت جانە سپورت ءمينيسترى «Street Workout KZ» بايقاۋىن باستاعان ەدى. ارىستانبەك مۇحامەدي ۇلى وليمپيادا چەمپيونى سەرىك ساپييەۆكە، ءانشى قايرات نۇرتاسقا جانە اكتەر ءادىل احمەتوۆكە ەستافەتانى تاپسىردى. سودان كەيىن باحتيار ارتايەۆ، ءىلياس سۇلەيمەنوۆ، دەنيس تەن، گاليب دجافاروۆ، ارمان چيلمانوۆ سياقتى ايگىلى سپورتشىلار ءمينيستردىڭ باستاماسىن قولداپ، ەستافەتانى جالعاپ كەتكەن ەدى.

ءسىز كونكۋرسقا قاتىسا وتىرىپ، ءوزىڭىزدىڭ قالا نەمەسە اۋىلىڭىز ءۇشىن StreetWorkout ارنايى الاڭىن، سونداي-اق اقشالاي سىيلىقتى ۇتىپ الاسىز. بايقاۋدىڭ شارتتارى «Challenge Street Workout KZ» سايتىندا ورنالاستىرىلعان.

بايقاۋ 10 ماۋسىمعا دەيىن جالعاسادى.