تۇركيانىڭ بيلەۋشى پارتياسى بيىل 24 ماۋسىمدا وتەتىن پرەزيدەنت سايلاۋىنا ۇمىتكەر رەتىندە تۇرىك باسشىسى تايىپ ەردوعاندى ۇسىندى.
ەردوعاننىڭ پرەزيدەنتىككە ۇمىتكەر بولۋىن پارتيانىڭ 316 دەپۋتاتى قولداعان.
بۇعان دەيىن ەردوعان كەزەكتەن تىس پرەزيدەنت جانە پارلامەنت سايلاۋى 24 ماۋسىمدا وتەتىنىن مالىمدەگەن. مۇنداي شەشىمدى تۇركيا پرەزيدەنتى جەدەل تۇردە پرەزيدەنتتىك باسقارۋ جۇيەسىنە كوشۋمەن بايلانىستى دەپ ءتۇسىندىردى.
تۇركيادا پارلامەنتتىك باسقارۋ نىسانى 1923 جىلى تۇركيا رەسپۋبليكاسى قۇرىلعان ساتتەن باستاپ ارەكەت ەتەدى. بىلتىر پارلامەنتتىك باسقارۋ جۇيەسىنەن پرەزيدەنتتىك بيلىككە اۋىسۋعا شەشىم قابىلداپ، دايىندىققا كىرىسىپ كەتكەن.
